Deuteronomio 15:9 - Maung A Balita Biblia

⁹ Ag yo iisipen a lapud magano lan onsabi so taon a pamaandid saray utang, et ag yo la pautangen so kadalaan yon mairap-bilay. Ag yo aabuloyan ya onloob ed isip yo so ontan a maoges a kanunotan. No ag yo pabayesen, ontawag ed Katawan na sumpad sikayo, et mankasalanan kayo.

Maung a Balita Biblia

⁹ Ag yo iisipen a lapud magano lan onsabi so taon a pamaandid saray utang, et ag yo la pautangen so kadalaan yon mairap-bilay. Ag yo aabuloyan ya onloob ed isip yo so ontan a maoges a kanunotan. No ag yo pabayesen, ontawag ed Katawan na sumpad sikayo, et mankasalanan kayo.

Deuteronomio 15:9 Iomraidhean Croise

Say Libro nen Job 34:28

Pinasoot dan ontawag ed Dios iray mairap-bilay, et denengel toy ikekerew day tulong.

Saray Salmo 101:3

tan ag kon balut abuloyay kaogsan. Kabosul koy gagawaen da ray totoon onaarawid Dios; anggapoy pibabalik ed sikara.

Saray Salmo 12:5

Balet kuay Katawan, “Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!”

Saray Salmo 9:12

Nununoten na Dios iray maniirap; ag to lilingwanan so ey-ey da, tan dudusaen to ray mamapasegsegang ed sikara.

Exodo 22:22

Ag yo papairapen so siopaman a balon bii odino siopaman ya olila.

Exodo 22:23

No pairapen yo ra, siak a Katawan ebatan ko ra no onkerew irad siak na tulong,

Exodo 3:7

Insan say Katawan inkuanto, “Anengneng ko so ontan lan kakairapan na saray totook a wadman ed Egipto; nadngel koy tagleey da lapud saray maruksan opisyal da. Amtak so kakairapan da,

Probirbio 14:21

No labay moy maliket, kasian mo ray mairap-bilay; kasalanan so pambalaw ed siopaman.

Probirbio 21:13

No ag mo dengelen so pikekerew da ray mairap-bilay na tulong, ag met narengel so pankerew mo na tulong.

Probirbio 23:6

Ag ka mimikan ed toon maigot odino mamapasya a mangan na mananam a kakanen ya ipaparongo tod sika.

Probirbio 24:9

Kasalanan so antokaman ya iplaplano na makulang-kulang. Kabosul na saray totoo so toon managbalaw na kapara ton too.

Probirbio 28:22

Saray totoon masiblet maganat ira ya onyaman, kanyan ag da amta no ngalngali la onirap so bilay da.

Probirbio 4:23

Alwaran moy panagnunot mo; say panagnunot mo so mangooksuy na bilay mo.

Jeremias 17:10

Siak, say Katawan, sokayan ko ray kanunotan tan suboken ko ray puso da ray totoo. Tumangan ko so balang too onung na panagbilay to, onung na gagawaen to.”

Jeremias 34:14

a kapag pitoy taon mangibolus ira na siopaman a Hebreon aripen ya akapanlingkur lad sikara na anem taon. Balet ag ak inkabilangan na saray lalaki yo; ag da dinengel so imbagak.

Mateo 15:19

Ta manlapud pusoy too iray maoges a kanunotan, panagpatey, pikakaloguran, pilalawanan, panagtakew, panagtila, tan panagpaoges ed kaparan too.

Mateo 20:15

Akin, anggapo tay kanepegan kon manggawad labay kon gawaen ed kayaryan kon dili? O mairap kasi so linawam lapud kamaungan ko?’”

Deuteronomio 15:1

“Diad kasamputan na kapag kumapiton taon paandi yo la ray amin a kuartan utang ed sikayo.

Deuteronomio 24:15

Kapag nasabiy ngarem kasakbayan ya onselek so agew bayaran yoy sanagew ya impankimey to; nakaukolan toy kuarta tan iilaloan ton awaten. No ag yo bayaran, ontawag ed Katawan na sumpad sikayo, et sikayoy mankasalanan.

Deuteronomio 31:10

Inkuantod sikara, “Diad samput na kapag pitoy taon, no asingger lay panamaandi na saray utang, ibasa yoy Ganggan diad maksil a bosis no Pista na saray Abung-abung.

Santiago 4:17

Siopamay makaamtay maung a nepeg ton gawaen, balet et ag to gawaen, sikatoy mankasalanan.

Santiago 4:5

Ompan abaloan yon andi-kakanaay ibabagay Masanton Sulat: “Say Ispiritu ya inter na Dios ed sikatayo et napno na saray masebeg a pilalek.”

Santiago 5:4

Dengel yoy riklamo da ray totoon nankimey ed dalin yo, ta ag yo ra inoopaan. Nadngel na Katawan a Makapanyarin-amin so dageyem da ray omaani yo!

Santiago 5:9

Agagi, ag kayo mansasalitay maoges a sumlang ed sakey tan sakey, pian ag kayo sintinsiaay Dios. Maganggano lan onsabiy Huis!

1 Pedro 4:9

Balang sakey ed sikayo nepeg a sililiket a mamatuloy ed abung to na agi to.