Deuteronomio 15:7 - Maung A Balita Biblia

⁷ “No diad anggan anton baley ed dalin ya iter ed sikayo na Katawan a Dios yo et walay sakey a kapara yon Israelita a walad pankaukolan, ag yo sisibletan tan ikikibot so tulong yod sikato.

Maung a Balita Biblia

⁷ No diad anggan anton baley ed dalin ya iter ed sikayo na Katawan a Dios yo et walay sakey a kapara yon Israelita a walad pankaukolan, ag yo sisibletan tan ikikibot so tulong yod sikato.

Deuteronomio 15:7 Iomraidhean Croise

Nehemias 5:1

Diad ontombuk a panaon dakerakel a totoo, lalaki may bibii, so nanriklamo sumpad saray kapara ran Judio.

Ester 9:19

Sikato yay makasengeg a saray Judion manaayam ed saray ankekelag a baley et maliket dan sisilibraan a pista so kumalabinapat ya agew na bulan na Adar, say agew a paniiteran day rigalo na kakanen.

Ester 9:22

Sarayan agew so impamaandi na saray Judio ed saray kalaban da tan sikato yay bulan a nagmaliw a panaon na liket tan gayaga so panaon na ermen tan inkaandiay ilalo. Nibagad sikara a diad sarayan agew mampoponsia, manliliket tan maniiteran ira na saray rigalon kakanen tan itdan da met iray mairap-bilay.

Exodo 22:25

“No mampabayes kayo na kuarta ed siopaman a took a mairap so bilay to, ag yo ipapasey sikayon dili a managpaabang tan ag yo pangaabangen.

Probirbio 19:17

No mangiter kad saray mairap-bilay singa papautangen moy Katawan, et say Katawan so mambayar ed sika.

Probirbio 21:13

No ag mo dengelen so pikekerew da ray mairap-bilay na tulong, ag met narengel so pankerew mo na tulong.

Isaias 58:10

no itdan yoy nakan iray narasan tan iter yoy nakaukolan da ray walad pankaukolan, magmaliw a singa liwawad kaagwan so bilonget ed liber-liber yo.

Levitico 25:35

No nagmaliw a mairap so bilay na kapara yon Israelita a kaabay yo tan ag to nayarian a bilayen so sikaton dili, nepeg yon itdan na pantagano to a singa pangiter yod toon uupaan yon mankimey, pian nayarian toy mansiansian manayam ed abay yo.

Mateo 18:30

Balet ag inmabuloy. Impaipriso to ni ingen ya anggad ag to pakabayar.

Mateo 5:42

Itdan moy onkerew ed sika, tan ag mo papabaingay miutang ed sika.”

Deuteronomio 15:11

Wala lawas so pigaran Israelita a mairap so bilay da tan wala rad pankaukolan, kanyan igaganggan ta kayon nepeg a mabonluk so panangiter yod sikara.

Deuteronomio 15:9

Ag yo iisipen a lapud magano lan onsabi so taon a pamaandid saray utang, et ag yo la pautangen so kadalaan yon mairap-bilay. Ag yo aabuloyan ya onloob ed isip yo so ontan a maoges a kanunotan. No ag yo pabayesen, ontawag ed Katawan na sumpad sikayo, et mankasalanan kayo.

Deuteronomio 24:14

“Ag yo sasaolen so mairap-bilay tan walad pankaukolan a miuupan aripen, kapara yo man ya Israelita odino sangkailin manaayam ed sakey ed saray baley yo.