Deuteronomio 15:2 - Maung A Balita Biblia

² Onya so nepeg a nagawa. Balang sakey a too nepeg to lan paandien so kuartan impabayes tod kapara ton Israelita; ag to la nepeg a singilen, ta say Katawan a dili et imbawag to lan apaandi la.

Maung a Balita Biblia

² Onya so nepeg a nagawa. Balang sakey a too nepeg to lan paandien so kuartan impabayes tod kapara ton Israelita; ag to la nepeg a singilen, ta say Katawan a dili et imbawag to lan apaandi la.

Deuteronomio 15:2 Iomraidhean Croise

Nehemias 10:31

No diad Agew na Panagpainawa odino diad arum a masanton agew et mangyakar iray sangkaili na trigo odino antokaman ya ilako rad sikami, ag kami manaliw ed sikara. Kapag kumapiton taon ag mi dalusay dalin mi, tan lingwanan mi la ray amin ya utang ed sikami.

Isaias 58:3

Tepet na saray totoo, “Akin et manayuno kami no ag lamlamang imanoen na Katawan so panayuno mi? Akin et manayuno kami anta ag met lamlamang imanoen na Katawan so ag mi pangan?” Say Katawan kuantod sikara, “Say katwaan to ibabansag yod panagayuno yo so panggagawa yoy pankaabigan yon dili tan say pamapairap yod saray kumikimey yo.

Mateo 6:12

Pirdonam pa iray kasalanan mi, a singa pamipirdona mid saray nankasalanan ed sikami.

Lucas 7:42

Anggapod sikaran duay makabayar, kanyan pinirdona to la ray utang da. Siopa natan ed sikaran duay lalon baleg so pangaro tod samay managpabayes?”

Deuteronomio 15:1

“Diad kasamputan na kapag kumapiton taon paandi yo la ray amin a kuartan utang ed sikayo.

Deuteronomio 15:3

Nayarin singilen yo so utang ed sikayo na sangkaili, balet ag yo nepeg a singilen so utang ed sikayo na kadalaan yo.

Deuteronomio 31:10

Inkuantod sikara, “Diad samput na kapag pitoy taon, no asingger lay panamaandi na saray utang, ibasa yoy Ganggan diad maksil a bosis no Pista na saray Abung-abung.

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.