Deuteronomio 15:11 - Maung A Balita Biblia

¹¹ Wala lawas so pigaran Israelita a mairap so bilay da tan wala rad pankaukolan, kanyan igaganggan ta kayon nepeg a mabonluk so panangiter yod sikara.

Maung a Balita Biblia

¹¹ Wala lawas so pigaran Israelita a mairap so bilay da tan wala rad pankaukolan, kanyan igaganggan ta kayon nepeg a mabonluk so panangiter yod sikara.

Deuteronomio 15:11 Iomraidhean Croise

Exodo 23:11

Balet diad kumapiton taon pampainawa yoy dalin yo, tan ag yo aanien so bunga na ontubon tanaman. Nayarin kanen la na saray mairap-bilay so antokaman ya ontubod man, tan nayarin buagen la na saray ayayep ed katakelan so antokaman a natilak. Onya met so gawaen yo ed saray kaubasan yo tan saray kaolibaan yo.

Probirbio 19:17

No mangiter kad saray mairap-bilay singa papautangen moy Katawan, et say Katawan so mambayar ed sika.

Probirbio 22:2

Wala yan pamparaan na toon mairap-bilay tan say toon mayaman: pinalsa ran dua na Katawan.

Probirbio 31:20

Mabonluk a mangiiter ed saray mairap-bilay tan saray walad pankaukolan.

Ezekiel 18:7

Ag to sasaolen odino tatakewan so siopaman. Ipapawil to so impotika na akautang ed sikato; iitdan to na nakan iray narasan tan kawes iray anggapoy nipales.

Mateo 26:11

Ta kaiba yo lawas iray mairap-bilay balet ag yo ak lawas kaiba.

Mateo 5:42

Itdan moy onkerew ed sika, tan ag mo papabaingay miutang ed sika.”

Marcos 14:7

Ta kaiba yo lawas iray mairap-bilay tan nayarian yo ran tulongan ed anggan anton oras a labay yo. Balet ag yo ak lawas kaiba.

Lucas 12:33

Ilako yo ray kayaryan yo, tan mangiter kayod saray mairap-bilay na nanlakoan yo. Manggawa kayo ray pitakan ag ondaan, tan mantipon kayo na kayamanan yo ed tawen yo, ta ag nabawasan diman, ag natakew, tan ag naderal na bokbok.

Juan 12:8

Kaiba yo lawas iray mairap-bilay, balet ag yo ak lawas kaiba.”

Saray Gawgawa 2:45

Inlalako da ray kayaryan da tan imbubunog da, onung ed pankaukolan na balang sakey ed sikara.

Deuteronomio 15:7

“No diad anggan anton baley ed dalin ya iter ed sikayo na Katawan a Dios yo et walay sakey a kapara yon Israelita a walad pankaukolan, ag yo sisibletan tan ikikibot so tulong yod sikato.

Deuteronomio 15:8

Ingen, mabonluk kayon mangiter ed sikato tan pabayes yo na amin a nakaukolan to.