Deuteronomio 15:10 - Maung A Balita Biblia

¹⁰ Mabolbolus sirin ya itdan yo, et say Katawan bindisionan to kayo ed amin a gawaen yo.

Maung a Balita Biblia

¹⁰ Mabolbolus sirin ya itdan yo, et say Katawan bindisionan to kayo ed amin a gawaen yo.

Deuteronomio 15:10 Iomraidhean Croise

Probirbio 22:9

Nabindisionan ka no mabonluk so panangiter mo tan inagnag mod saray mairap-bilay so kakanen mo.

Ecclesiastes 11:1

Ipoonan moy kuartam ed panagkomirsio ed arum a bansa, et ag mabayag mantubo ka.

Isaias 32:8

Balet say toon walay kagalangan matonung iray gawa to tan malet a tatalindegan toy kaptekan.

Isaias 58:10

no itdan yoy nakan iray narasan tan iter yoy nakaukolan da ray walad pankaukolan, magmaliw a singa liwawad kaagwan so bilonget ed liber-liber yo.

Mateo 25:40

Onebat so Ari ed sikara, ‘Kuankod sikayo: nen ginawa yo yad anggan sakey a sankamelagan ed sarayan agagik, ginawa yod siak!’

Saray Gawgawa 20:35

Impanengneng kod sikayo a diad panamegley na onyan panagkimey, nepeg yon tulongan iray maniirap tan nunoten lawas so imbalikas na dilin Katawan a Jesus, ‘Lalon maliket so mangiter nen say mangawat.’”

Saray Taga Roma 12:8

no panagsimbawa, manimbawa tayo. Say mangyapag na kayamanan to, nepeg a mangiter a mabonbonluk; say walad oley, mankoli; say mangasid kapara ton too, gawaen ton sililiket.

Deuteronomio 14:19

“Amin a nampayak a bigis et marotak; ag yo ra kakanen.

Deuteronomio 14:29

Para saray Levita yan kakanen, bangta anggapoy kayaryan dan dili; ontan met, sayan kakanen et para saray sangkaili, saray olila, tan saray balo a manaayam irad saray baley yo. Nepeg ya ondago ran mangalay nakaukolan da. Gawa yoy onya, et say Katawan a Dios yo bindisionan to kayo ed amin a gawaen yo.

Deuteronomio 15:18

Ag nepeg a mairap so linawa yon mangibolus na aripen; andibali ta nilingkuran to kayo lan anem taon, tan kapaldua labat so upa na kumikimey so agastos yo. Onyay gawaen yo et say Katawan a Dios yo bindisionan to kayo ed amin a gawaen yo.

Deuteronomio 15:4

“Say Katawan a Dios yo et bindisionan to kayo ed dalin ya iiter tod sikayo. Anggapoy anggan sakey a too yo so magmaliw a mairap so bilay to

Deuteronomio 23:20

Nayarin paabangan yo so ipautang yo ed siopaman a sangkaili, balet aleg ed kapara yon Israelita. Tombuk yo yan ganggan, et say Katawan a Dios yo bindisionan toy antokaman a gawaen yo no wala kayo lad dalin a panayaman yo.

Deuteronomio 24:19

“No manggapas kayod alog yo et alingwanan yoy arum a ginapas yo, ag yo la papawilen ya alaen; nepeg ya itilak la rad man a para saray sangkaili, saray olila, tan saray bibiin balo, pian say Katawan a Dios yo et bindisionan toy amin a gawaen yo.

Deuteronomio 28:8

“Say Katawan a Dios yo bindisionan toy kimey yo tan panoen to na ilik iray pananginan yo. Bindisionan to kayo ed dalin ya iiter tod sikayo.

Saray Hebreo 13:16

Ag yo lilingwanay manggaway kamaungan tan mantutulongan kayo, ta sikara yay bagat a makapaliket ed Dios.

1 Pedro 4:11

Sarag moy mampulong? Ipulong moy salitay Dios. Sarag moy manlingkur? Ikanam ed panaglingkur so biskeg ya inter na Dios ed sika; diad ontan, napagalangay Dios ed amin a bengatla, diad panamegley nen Jesu-Cristo. Kayaryan na Dios so galang tan pakayari ed ando lan ando! Amen.