Deuteronomio 13:5 - Maung A Balita Biblia

⁵ Balet nepeg a pateyen so siopaman a managpatalus na kogip odino siopaman a propitan mangibagad sikayo a sumlangen yoy Katawan ya angipaway ed sikayod Egipto ya akaaripenan yo. Maoges itan a too ta labay to kayon iyarawi ed panagbilay ya ingganggan na Dios a tombuken yo. Nepeg a pateyen pian naandid pegley yo yan kaogsan.

Maung a Balita Biblia

⁵ Balet nepeg a pateyen so siopaman a managpatalus na kogip odino siopaman a propitan mangibagad sikayo a sumlangen yoy Katawan ya angipaway ed sikayod Egipto ya akaaripenan yo. Maoges itan a too ta labay to kayon iyarawi ed panagbilay ya ingganggan na Dios a tombuken yo. Nepeg a pateyen pian naandid pegley yo yan kaogsan.

Deuteronomio 13:5 Iomraidhean Croise

1 Saray Arari 13:19

Kanyan akilad samay masiken a propita imay propitan taga Juda, insan ira dinmongo.

1 Saray Arari 18:40

Ingganggan nen Elias, “Erel yo ray propita nen Baal; ag kayo mamapabatik na anggan sakey ed sikara!” Inerel da ra, insan inyakar nen Elias iran amin ed Kolus na Kison tan diman to ra pinapatey.

2 Saray Awaran 34:31

Nanalagey si Josias ed abay na lusek a para ari, insan akisipanan ed Katawan ya onuren toy Katawan, sumpalen to diad intiron puso tan kamarerwa to iray ganggan tan bilin to, tan gawaen to iray kakaukolan na sipanan onung na nisulat ed samay libro.

Jeremias 14:15

Siak, say Katawan, ibabagak ed sika so gawaen kod sarayan propita ya ag ko ra imbaki, balet mansasalita ra ed ngaran ko tan ibabaga ran anggapoy ondalan a bakal tan eras ed sayan dalin. Pateyen ko ra ed panamegley na bakal tan eras.

Jeremias 50:6

“Singa abalang a karniro iray totook; saray pumapastol da pinaolyan da ran abalang ed kapalandeyan. Nanakar-akar irad nandoroman palandey, kanyan alingwanan da la no iner so kawalaay abung da.

Jeremias 7:23

Balet ingganggan kod sikaran onuren da ak, pian siak so magmaliw a Dios da tan sikaray magmaliw a totook. Imbagak ed sikara a mambilay ira onung na ingganggan kod sikara, pian maung so kasumpalan da.

Zacarias 13:3

No ipasoot na siopaman so mampropisiya, say dilin ama tan ina to so mangibagad sikaton sikatoy nepeg a pateyen, lapud ipapasen ton sasalitaen toy salitay Katawan, balet ta mantitila. No mampropisiya say dilin ama tan ina to so manaksak ed sikato ya anggad ag to ipatey.

Saray Gawgawa 13:8

Balet sikaray sinumlang na sakey a salamangkiron Elimas so ngaran to (sikato yay ngaran tod salitay Grigo), ta labay ton iyarawid pananisia may gobirnador.

Deuteronomio 13:10

Tupak yo ya anggad ompatey! Sinali to kayon iyarawi ed Katawan a Dios yo ya angipaway ed sikayod Egipto ya akaaripenan yo.

Deuteronomio 13:15

patey yo ray amin a totood satan a baley tan amin ya ayayep da. Deral yon sigput itan a baley.

Deuteronomio 13:9

Patey yo! Sikayo so ononan manupak ed sikato, insan tupaken na arum a totoo.

Deuteronomio 17:5

ipaway yod baley itan a too tan tupak yo ya anggad ag to ipatey.

Deuteronomio 17:7

Saray tasi so ononan mangitupak na saray bato ed samay toon nankasalanan, insan ontombuk iray arum; diad onya napaandipat yo la yan kaogsan.

Deuteronomio 18:20

Balet nepeg ya ompatey so siopaman a propitan mansalitad ngaran ko anta ag ko ingganggan a mansalita, odino siopaman a propitan mansalita ed ngaran na saray diriyos.’

Deuteronomio 19:19

nepeg ya awaten toy dusan awaten komun na samay naakusa. Diad onya napaandipat yo la yan kaogsan.

Deuteronomio 22:21

iyakar dad satan ed lolooban na abung nen ama to, tan diman tupaken na saray lalakid siudad ya anggad ag to ipatey. Samay bii et nanggawa na makapabaing ed saray totoo tayo diad impiakdul tod laki kasakbayan na impikasal to, legan a manaayam ni ed abung nen ama to. Diad ontan, napaandipat yo yan kaogsan.

Deuteronomio 22:24

nepeg ya iyakar yo ra ed paway na baley tan diman yo ra tupaken ya anggad ag da ipatey. Samay bii et nepeg a pateyen lapud ag inmeyag a kinmerew na tulong, anggaman a walad baley. Samay laki et nepeg a pateyen lapud akiakdul ed biin akisipanan lan miasawa. Diad ontan, napaandipat yo yan kaogsan.

Deuteronomio 24:7

“Nepeg a pateyen so siopaman a mangalay kapara ton Israelita tan aripenen to odino ilako ton sakey ya aripen. Diad ontan, napaandipat yo yan kaogsan.

Deuteronomio 26:14

Ag ak amawas na kinan ko ed kakaplo nen maneermen ak; ag ak angipaway ed abung ko na parti na kakaplok nen marotak ak onung ed ganggan, tan ag ak balut angalad kakaplo na inter kon limos a para inatey. Inonur ta ka, O Katawan; ginawak ya amin so ingganggan mo nipaakar ed kakaplo.

Deuteronomio 4:19

Ag kayo patutukso a mangigalang tan manlingkur ed antokaman a nanengneng yod tawen say agew, bulan, tan saray bitewen. Say Katawan a Dios yo et inter ton igalang ira ya na amin da ray arum a totoo.

Deuteronomio 6:13

Takotan yoy Katawan a Dios yo, sikato labat so igalang yo, tan mansipan kayo ed ngaran to labat.

Deuteronomio 7:4

ompan tangguyoren da ray anak yon mangikaindan ed Katawan et mangigalang irad arum a diriyos. No ontan so nagawa, makapasnuk ed sikayo so Katawan tan pateyen to kayon tampol.

Josue 23:8

Ingen, nepeg a mansiansia kayon matoor ed Katawan, a singa ginawa yo la nen saman ya anggad natan.

Puyan 19:20

Narel imay ayep, pati samay tila-tilan propita a nanggagaway milagro ed arap to imay ayep. (Sarayan milagro so impamalikdo tod saray walay marka na ayep, tan saray angigagalang ed talintaoy ayep.) Samay ayep tan samay tila-tilan propita nibantak iran mabilay ed dayat a manliub ya asupri.

Saray Huis 20:13

Ipalima yod sikami ra man a totoon andi-kakanaan a taga Gabaa, ta pateyen mi ra pian naekal yan kaogsan ed Israel.” Balet ag dinengel na saray totood Benjamin ira may arum ya Israelita.

1 Samuel 12:14

Maung so kipapasen yo no takotan yoy Katawan a Dios yo, panlingkuran yo, dengelen yo, tan onuren yo ray ganggan to, tan no sikayo tan say ari yo et tumboken yo.