Deuteronomio 12:7 - Maung A Balita Biblia

⁷ Dimad saman a pasen, diad arap na Katawan a Dios yo ya amindision ed sikayo, sikayo tan saray kabyangay pamilya yo et kanen tan panliketan yo ray maabig a bengatlan nansasagputan yo.

Maung a Balita Biblia

⁷ Dimad saman a pasen, diad arap na Katawan a Dios yo ya amindision ed sikayo, sikayo tan saray kabyangay pamilya yo et kanen tan panliketan yo ray maabig a bengatlan nansasagputan yo.

Deuteronomio 12:7 Iomraidhean Croise

1 Saray Awaran 29:22

Kanyan diad saman ya agew malikeliket ira legan dan nanaakan tan naniinom diad arap na Katawan. Imbawag dan manari si Solomon; kumadwa la yan impangibawag da. Diad ngaran na Katawan nilanaan da a manoley ed sikara tan nilanaan da met a mampari si Sadoc.

Nehemias 8:9

Nen nadngel na saray totoo so labay ya ibaga na Ganggan, atenyeg so puso ra kanyan nanaakis ira. Saray mangipapaliwawa na Ganggan a di Nehemias a gobirnador, Esdras a pari tan iskriba, tan saray Levita, et inkuanda sirin ed amin a totoo, “Masanto yan agew ed Katawan a Dios yo, kanyan ag kayo nepeg a manermen odino onakis.

Ecclesiastes 3:12

Kanyan abirbir ko ya anggapo lay magmaung nin nagawaay too, no ag say panliket tan panggaway maabig legan ton mambilay.

Ecclesiastes 3:13

Amin tayo nepeg ya oninom tan mangan tan panliketan so nansagputan tayo, ta rigalo ra na Dios.

Ecclesiastes 5:18

Saya so arumogan ko: say sankaabigan a nagawaan na too et say pangan tan say iyinom to, tan say panliket to ed nansagputan to legan na antikey a pambilay ton inter ed sikato na Dios; sikato yay kapalaran na too.

Isaias 23:18

Say kuartan natubo to ed nigosio et niyapay ed Katawan. Ag to isinup yan kuarta, no ag ingen ikana na saray manangigalang ed Katawan diad pansaliw da na tagano tan saray kawes a nakaukolan da.

Isaias 62:9

Balet sikayo a nantanem tan nanani na bungay trigo, Kanen yoy tinapay tan idayew yoy Katawan. Sikayon nanaasikaso tan namboborbor na ubas Inomen yod saray patio na Timplok so alak.”

Ezekiel 44:3

Balet say manoley a prinsipi nayarin onlad man a mangan na masanton panangan diad arap ko. Nepeg ya onloob tan ompaway ed dalan na puirta ya ondalan ed baleg a kuarto diad dalem ed bandad samput.”

Joel 1:16

Legan a nadederal iray tanaman mid kaalogan mambanbantay kami labat ya anggapoy nagawaan. Anggapo lay liket ed Timplo na Dios tayo.

Joel 2:26

Amayamay natan so naakan yo, tan napenek kayo. Idayew yo so Katawan a Dios yo, a nanggagawad sikayo na saray makapakelaw a bengatla. Ag lan balut napabaingan iray totook.

Levitico 23:40

Diad satan ya agew mangala kayoy pigaran sankaabigan a bungay kiew, saray sangay kiew a palmira tan saray sangay mabolung a kiew tan igapo yoy mampista a pangigalang yod Katawan a Dios yo.

Malakias 2:13

Niay sakey nin gagawaen yo. Aamesen yo na lua yo so altar na Katawan, manaakis tan managogul kayo lapud ag to la aawaten iray bagat ya iyaakar yod sikato.

Saray Gawgawa 2:46

Inagew-agew iran nantitipon ed Timplo, nampipisag iray tinapay ed saray abung da, tan nandorongo ran maliket tan mapaabeba so puso ra.

Deuteronomio 12:12

Manliket kayod man ed arap to, pati saray anak yo, saray aripen yo, tan saray Levitan manayam ed saray baley yo; nunot yo a saray Levita et anggapoy dilin dalin da.

Deuteronomio 12:18

Sikayo tan saray anak yo, a pati saray aripen yo tan saray Levitan manayam ed saray baley yo, et kanen yo ra yan bagat dia labat ed arap na Katawan a Dios yo, diad saksakey a pasen a panangigalangan a pilien na Katawan a Dios yo. Panliketan yod man iray saray ginagawa yo.

Deuteronomio 12:8

“No onsabiy tan a panaon, ag yo gagawaen so singa gagawaen yo ni ya anggad natan. Mangigagalang kayo nin amin onung na kaliktan yo,

Deuteronomio 14:23

Insan kayo onla ed sakey a pasen a pinili na Katawan a Dios yo a pangigalangan ed sikato; et diad arap tod man akan yoy kakaplo na trigo yo, alak yo, larak na oliba yo, tan besag ya anak na baka tan karniro yo. Gawa yoy onya pian naaralan yon takotan lawas so Katawan a Dios yo.

Deuteronomio 14:26

Igastos yo yan kuarta ed antokaman a labay yo—baka, kordiro, alak, odino antokaman a makabuek—tan diman, diad arap na Katawan a Dios yo, sikayo tan saray kabyangay pamilya yo et akan yo may sinaliw yo tan manliket kayo.

Deuteronomio 15:20

Tinaon, sikayo tan saray kabyangay pamilya yo et nepeg a kanen yo ra ed arap na Katawan diad samay pasen a panangigalangan.

Deuteronomio 26:11

Misalamat kayo lapud saray maabig a bengatla ya inter na Katawan a Dios yo ed sikayo tan say pamilya yo; insan pinabang yod liket yo iray Levita tan saray sangkaili a manaayam ed kawalaan yo.

Deuteronomio 27:7

tan diman kayo mangisaklang tan mangan na saray bagat a para kareenan, tan manliket kayod arap na Katawan a Dios yo.

Deuteronomio 28:47

Say Katawan binindisionan to kayo na daakan a bengatla, balet ag kayo nanlingkur a maliket tan magayaga ed sikato.

FILIPOS 4:4

Manliket kayo lawas ed Katawan. Oliten ko: manliket kayo!