Deuteronomio 12:5 - Maung A Balita Biblia

⁵ Diad dalin na amin da ray tribu yo, say Katawan mamili na sakey a pasen a panayaman to a sikatoy laen na saray totoo a pangigalangan ed sikato.

Maung a Balita Biblia

⁵ Diad dalin na amin da ray tribu yo, say Katawan mamili na sakey a pasen a panayaman to a sikatoy laen na saray totoo a pangigalangan ed sikato.

Deuteronomio 12:5 Iomraidhean Croise

1 Saray Arari 14:21

Apataplo tan sakey so taon nen Roboam a lakin anak nen Solomon nen nagmaliw ya ari na Juda, tan nanoley na labinpitoy taon ed Jerusalem, say siudad a pinili na Katawan ed intiron dalin na Israel a pangigalangan ed sikato. Si Naama a taga Ammon so ina nen Roboam.

1 Saray Arari 8:16

‘Manlapud samay agew ya impangipaway kod Egipto na saray totook ya Israelita, ag ak nampili na anggan anton siudad ed intiron dalin na Israel a pangipaalageyan na timplon pangigalangan ed siak. Balet pinili ta ka, David, a manoley ed saray totook.’”

1 Saray Arari 8:20

“Sinumpal natan na Katawan yan sipan to; sinalatan kon manarid Israel si amak a David, tan nipaalagey koy timplon pangigalangan ed Katawan a Dios na Israel.

1 Saray Arari 8:27

“Balet tua kasin makapanayam ka ed tapew na dalin, O Dios? Ag ka nakarga na anggan say intiron tawen; panon ko sirin a kargaen na sayan Timplon impaalagey ko?

1 Saray Arari 8:29

Bantayan mo pad agew tan labi yan Timplo, say pasen a pinilim a pangigalangan ed sika. Dengel mo ak pa sirin legan kon mampipikasi ya akaarap ed sayan Timplo.

2 Saray Arari 18:22

Insan inkuan ni na samay sakey ya opisyal na Asiria, “Nayarin ibaga yod siak a manmamatalek kayod Katawan a Dios yo. Balet ag ta dineral nen Ezekias iray altar na Katawan tan saray pasen a panangigalangan ed sikato, insan imbaga tod saray totood Juda tan Jerusalem a diad altar ed Jerusalem labat so pangigalangan da?

1 Saray Awaran 22:1

Kanyan inkuanen David, “Dia so pangipaalageyan na Timplo na Katawan a Dios. Dia so kiwalaay altar a pangisaklangan na saray totood Israel na saray bagat a popoolan.”

2 Saray Awaran 7:12

Insan diad labi pinmayawar ed sikato so Katawan tan inkuanto, “Nadngel koy pikakasim, kanyan awaten ko yan Timplo a sikatoy pasen a pangisaklangan ed siak na saray bagat.

Esdras 3:2

Si Josue a lakin anak nen Josadac, saray kapara ton papari, tan si Zorobabel a lakin anak nen Salatiel tan saray kakanayon to et impaalagey da lamet so altar a para Dios na Israel, pian napampoolan da na saray bagat onung na nisulat ed Ganggan nen Moises a too na Dios.

Esdras 6:12

Say Dios ya amilid Jerusalem a pasen a panangigalangan ed sikato et taloen to komun so siopaman ya ari o dinanman a bansan ag mangitaltalek ed sayan ganggan tan salien ton deralen so Timplod tan. Siak, si Dario, so mangigaganggan. Nepeg a sigput so pangonur ed ganggan ko.”

Esdras 7:17

“Apiger mon isaliw yan kuarta na saray bakan kalakyan, saray karniron kalakyan, saray kordiro, say trigo, tan say alak. Isaklang mo ra ed tapew na altar ed Timplod Jerusalem.

Nehemias 1:9

Balet no ompawil kayod siak tan onuren yo ray ingganggan kod sikayo, papawilen ta kayod sayan pasen a pinilik a pangigalangan ed siak, anggaman ya ataytayak kayod inerman a sokung na mundo.’

Saray Salmo 78:68

Ingen pinili toy tribu nen Juda tan say Palandey na Sion ya inararo to.

Exodo 15:2

Say Katawan so mabiskeg a manangyagel ko; sikato so angilaban ed siak. Sikatoy Dios ko, sikatoy idayew ko, sikatoy Dios di amak, tan ikantak so nipaakar ed inkatalonggaring to.

Exodo 20:24

Manggawa kayo na dalin ya altar a para siak tan diad tapew to so pambagatan yo na karniro yo tan baka yo a sikaray bagat a popoolan tan bagat a para kareenan. Diad amin a pasen ya ibiig kon pangigalangan yod siak, onla ak ed sikayo tan bindisionan ta kayo.

Exodo 25:22

Banaen ta kad man tan diad tagey na sakub, diad nampegleyan na duaran kirubin, iter kod sika ray amin a ganggan kod saray Israelita.

Jeremias 26:2

say Katawan inkuantod siak, “Manalagey kad patio na Timplo tan ibawag mo ray ingganggan kon salitaen mod saray totoon nanlapud saray baley na Juda a mangigalang diman. Ibagam ya amiy bengatla.

Jeremias 7:12

Laka yod Silo, say inmonan pasen a pinilik a pangigalangan ed siak, tan nengneng yo no antoy ginawak ed sikato lapud saray kaogsan na saray totook ya Israel.

Jeremias 7:14

Kanyan gawaen kod sayan Timplok a panmamatalkan yo so singa samay ginawak ed Silo. Gawaen kod sayan pasen ya inter kod sikayo tan saray lalaki yo so singa samay ginawak ed Silo.

Saray Bilang 7:89

Nen linmoob ed Tulda si Moises ta mitongtong ed Katawan, nadngel toy Katawan a misasalitad sikato manlapud tagey na sakub na Kaban na Sipanan, diad nanleetan na duaran kirubin.

Deuteronomio 12:11

Say Katawan mamili na saksakey a pasen a pangigalangan ed sikato, tan iyakar yod man ed sikato iray amin ya ingganggan kod sikayo: saray isaklang yon bagat a popoolan tan saray arum a bagat, say kakaplo na saray kayaryan yo tan saray bagat yo, tan saray nidoma-doman rigalo ya insipan yon iter ed Katawan.

Deuteronomio 12:13

Ag nepeg a mangisaklang kayo na saray bagat ed inerman a pasen a labay yo;

Deuteronomio 12:18

Sikayo tan saray anak yo, a pati saray aripen yo tan saray Levitan manayam ed saray baley yo, et kanen yo ra yan bagat dia labat ed arap na Katawan a Dios yo, diad saksakey a pasen a panangigalangan a pilien na Katawan a Dios yo. Panliketan yod man iray saray ginagawa yo.

Deuteronomio 12:4

“Ag yo igagalang so Katawan a Dios yo a singa panangigalang na sarayan totoo ed saray diriyos da.

Deuteronomio 14:23

Insan kayo onla ed sakey a pasen a pinili na Katawan a Dios yo a pangigalangan ed sikato; et diad arap tod man akan yoy kakaplo na trigo yo, alak yo, larak na oliba yo, tan besag ya anak na baka tan karniro yo. Gawa yoy onya pian naaralan yon takotan lawas so Katawan a Dios yo.

Deuteronomio 14:24

No arawin tuloy ed abung yo so pasen a panangigalangan kanyan mairap yon awiten so kakaplo na ani ya impamindision na Katawan ed sikayo, saya so gawaen yo:

Deuteronomio 15:20

Tinaon, sikayo tan saray kabyangay pamilya yo et nepeg a kanen yo ra ed arap na Katawan diad samay pasen a panangigalangan.

Deuteronomio 16:11

Manliket kayo ed arap na Katawan a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo. Gawa yo yad samay pasen a panangigalangan.

Deuteronomio 16:15

Pagalangan yo so Katawan a Dios yo diad panamegley na pansilibra yon pitoy agew diad samay pasen diad sakey a pasen a panangigalangan. Manliket kayo, ta binindisionan na Katawan so panagani yo tan say kimey yo.

Deuteronomio 16:2

Laka yod samay pasen a panangigalangan ta patas yod man so sakey ed saray karniro odino baka yo a kanen yo no Paskua a pamagalang ed Katawan a Dios yo.

Deuteronomio 16:7

Ilambung yo so karni tan akan yo ed samay pasen a panangigalangan; diad ontombuk a kabwasan sempet ki la.

Deuteronomio 17:8

“Nayarin wala ray kason mairap a tuloy a sintinsiaan na saray huis ed baley, a singa bilang saray kason nipaakar ed saray kayaryan, odino impakasugat ed laman, odino ed impamatey ed too. No onyay nagawa, laka yod samay pasen a panangigalangan a pinili na Katawan a Dios yo,

Deuteronomio 18:6

“Anggan siopan Levita a taga inerman a baley ed Israel et nayarian toy onla ed samay pasen a panangigalangan

Deuteronomio 26:2

balang sakey ed sikayo et nepeg a mangikargad sakey a baskit na onona ran naani yo a bunga na saray tanaman yo, insan yo iyakar ed samay pasen a panangigalangan.

Deuteronomio 31:11

Ibasa yod saray totood Israel no onla rad samay pasen na panangigalangan a mangigalang irad Katawan a Dios yo.

COLOSAS 2:9

Ta say intiron inkagnap na inka-Dios et manaayam ed Cristo diad inkatoo to,

Saray Hebreo 12:22

Balet say sininggeran yo say Palandey na Sion tan say siudad na Dios a mabilay, say mangatatawen a Jerusalem, a kawalaay libo-libo ran anghil.

Josue 18:1

Kayarin adakep na saray Israelita so intiron dalin na Canaan, nantitipon irad Silo, insan da inlira so Tuldan Ayamay Katawan.

Josue 22:11

Nibagad saray arum a totood Israel, “Dengel kayo! Saray totood tribu di Ruben, Gad, tan say kapaldua na Manases et angipaalagey ira na altar diad Gelilot, diad kawalaan tayon dapag na Jordan!”

Josue 9:27

Balet impagmaliw to ran aripen a managalay kiew tan managasol na danum na saray totood Israel; sikara met so manangiter na kiew tan danum a para altar na Katawan. Anggad sayan panaon itutuloy da ni yan kimey ed pasen a pinili na Katawan a pangigalangan ed sikato.

Puyan 14:1

Ninmengneng ak, tan wadman imay Kordiro ya akaalagey ed Palandey na Sion a kaiba to ra may sanlasus tan apataplo tan apat a libon totoo. Nisulat ed muling da so ngaran na Kordiro tan say ngaran na Ama to.