Deuteronomio 12:4 - Maung A Balita Biblia

⁴ “Ag yo igagalang so Katawan a Dios yo a singa panangigalang na sarayan totoo ed saray diriyos da.

Maung a Balita Biblia

⁴ Ag yo igagalang so Katawan a Dios yo a singa panangigalang na sarayan totoo ed saray diriyos da.

Deuteronomio 12:4 Iomraidhean Croise

1 Saray Arari 14:15

Dusaen na Katawan so Israel, tan magmaliw a singa kiew a payar ya iwal-iwalen na mabiskeg ya agos na danum. Pataynanen to ray totood Israel ed sayan maung a dalin ya inter tod saray lalaki ra, insan to ra ikaykayat ed nibaliw na Ilog na Eufrates, ta apampasnuk da lapud impanggawa ra na saray talintao nen diosan Asera.

Levitico 20:23

Ag yo aaligen iray kagagawa na saray totoon manaayam diman; pataynanen ko ra may paganon totoo pian makaloob kayo. Lapud saray maoges a gagawaen da, pinaingungot da ak.

Deuteronomio 12:3

Igeba yo ray altar da tan mekmek yo ray masanton lusek da. Poolan yo ray tanda na diosan Asera tan batang yo ray talintaoy diriyos da, pian ag la ran balut nigalang ed saraman a pasen.

Deuteronomio 12:5

Diad dalin na amin da ray tribu yo, say Katawan mamili na sakey a pasen a panayaman to a sikatoy laen na saray totoo a pangigalangan ed sikato.

Deuteronomio 20:18

Patey yo ra, pian ag da kayo tanggoyuren a mankasalanan ed Katawan diad pambangat dad sikayon manggawa na saray amin a makapaingongot a gagawaen da diad panangigalang dad saray diriyos da.

Josue 22:15

Sinmabi ra ed dalin na Galaad, diad saray totoo na tribu di Ruben, Gad, tan say kapalduay Manases.