Deuteronomio 12:16 - Maung A Balita Biblia

¹⁶ Balet ag yo nepeg a kanen so dala ra; nepeg yon ikalbo ed dalin a singa say danum.

Maung a Balita Biblia

¹⁶ Balet ag yo nepeg a kanen so dala ra; nepeg yon ikalbo ed dalin a singa say danum.

Deuteronomio 12:16 Iomraidhean Croise

Genesis 9:4

Say ag nayarin kanen yo et say karni a nandala, ta walad dala so bilay.

Ezekiel 24:7

Walay impanpapatey na too ed siudad, balet aliwan diad dalin so akaibungan na dala a komun natabunan na dabuk; dia ingen ed tapew na baton-dampay so akaibungan to.

Ezekiel 33:25

“Ibagam ed sikara so ibabagak, siak a Katawan a Dios: Mangakan kayoy karnin nandala. Mangigagalang kayod saray talintaoy diriyos. Mampapatey kayo na saray totoo. Panoy pangibabaga yon kayaryan yoy dalin?

Levitico 19:26

“Ag kayo mangakan na karnin nandala ni. Ag kayo manggagawa na antokaman a panagbuyon odino panagsalamangka diad pananulong na maoges ya ispiritu.

Levitico 3:17

Anggapoy Israelita a nayarin mangan na taba odino dala; sayan totontonen et nepeg a sumpalen na amin ya Israelita ed anggan kapigan tan iner man a panaayaman da.

Saray Gawgawa 15:20

Sulaten ti ra ingen tan ibaga tayon ag ira mangan na antokaman ya imbagat ed saray diriyos; ag ira manggaway inmoralidad; ag ira mangan na ayep a tinikel, tan say dala.

Saray Gawgawa 15:29

ag kayo mangakay antokaman ya imbagat ed saray diriyos; ag kayo mangakay dala tan ayayep a tinikel; tan ag kayo manggagaway inmoralidad. Arawian yo ra ya et maung so pansumpalan yo. Mampatanir kami la.”

Deuteronomio 15:22

Nayarin kanen yod abung ira yan ayep. Amin yo, malinis odino marotak kayo onung ed ganggan, et nayarin kanen yo ra, a singa pangan yo na ulsa odino gasila.

Deuteronomio 15:23

Balet ag yo kakanen so dala ra; ikalbo yo ingen ed dalin a singa say danum.

1 Timoteo 4:4

Ta amin a pinalsa na Dios et maung; anggapoy nepeg ya ipolisay dapot no kanen a katekep toy pikakasi na pisasalamat,

1 Samuel 14:32

kanyan nanlulumbaan irad saray asamsam dad saray kalaban da, inaala da ray karniro, saray baka, tan saray kilaw, pinapatas da ran tampol diman, tan kinakakan da ran walay dala.

1 Samuel 14:33

Nibagad kinen Saul, “Nengneng mo, mankakasalanan ed Katawan iray totoo diad papangan day karnin walay dala.” “Traidor kayo!” eyag nen Saul. “Mangitolin kayo diad abay ko na baleg a bato.”