Deuteronomio 11:13 - Maung A Balita Biblia

¹³ “Kanyan sirin, onur yo ray ganggan ya inter kod sikayo natad sayan agew; aro yo so Katawan a Dios yo tan manlingkur kayod sikato ed intiron puso yo tan intiron kamarerwa yo.

Maung a Balita Biblia

¹³ Kanyan sirin, onur yo ray ganggan ya inter kod sikayo natad sayan agew; aro yo so Katawan a Dios yo tan manlingkur kayod sikato ed intiron puso yo tan intiron kamarerwa yo.

Deuteronomio 11:13 Iomraidhean Croise

1 Saray Arari 3:3

Inaro nen Solomon so Katawan tan sinumpal to ray bilibilin nen ama ton David, balet nampapatas met na saray amayamay ya ayayep tan imbabagat to rad nandoroman altar.

Saray Salmo 119:2

Maliket iray manusumpal na saray ganggan to, saray mangoonur ed sikato ed intiron puso ra.

Saray Salmo 119:4

Katawan inter mod sikami ray ganggan mo, tan imbagam a matoor mi ran onuren.

Jeremias 17:24

“Ibagam ed sarayan totoo a nepeg dan onuren iray amin a ganggan ko. Ag ira nepeg a manawit na antokaman ya idalan dad saray puirta na sayan siudad no Agew na Panagpainawa. Nepeg dan ngilinan a masanton agew so Agew na Panagpainawa tan ag iran balut manggagawa na antokaman a kimey.

Ezekiel 34:26

“Bindisionan ko ra tan abuloyan ko ran manayam ed kaliber-liber na masanton pokdul ko. Bindisionan ko rad man na saray ompelag ya oran no nakaukolan da.

Levitico 26:3

“No mambilay kayo onung ed saray ganggan ko tan onuren yo ray bilin ko,

Levitico 26:4

mangipelag ak na oran no manepeg a panaon, pian makapangiter na bunga so dalin tan makapambunga ray kakiewan.

Deuteronomio 10:12

“Natan, sikayon totood Israel, dengel yo ray labay a pagawa ed sikayo na Katawan a Dios yo: Takotan yo so Katawan tan onur yo ray amin a labay ton pagawad sikayo. Aro yo, panlingkuran yo ed intiron puso yo,

Deuteronomio 11:1

“Aro yo so Katawan a Dios yo tan onur yo lawas iray amin a ganggan to.

Deuteronomio 11:22

“Pampelengan yon onuren iray amin ya ingganggan kod sikayo: Aro yo so Katawan a Dios yo, toluk yo ray amin a ganggan to, tan mansiansia kayon matoor ed sikato.

Deuteronomio 11:8

“Onur yo ray ingganggan kod sikayo natad sayan agew. Diad satan nayarian yon baliwen so ilog tan napanayaman yoy dalin a ngalngali yo la looban.

Deuteronomio 28:1

“No onuren yo so Katawan a Dios tan matoor yon sumpalen iray ganggan to ya iiter kod sikayo natad sayan agew, pagmaliwen to kayon matalonggaring nen saray arum a bansa ed tapew na dalin.

Deuteronomio 4:29

Diman yo anapen so Katawan a Dios yo et no ipuspuso yon anapen, narumog yo.

Deuteronomio 6:17

Pampelengan yon onuren iray amin a ganggan ya inter tod sikayo.

Deuteronomio 7:12

“No dengelen yo ra yan ganggan tan matoor ya onuren yo ran amin, say Katawan a Dios yo et ituloy ton pansiansiaen so impisipanan tod sikayo tan iter tod sikayo so ag mangoman a panangaro, onung na insipan tod saray lalaki yo.