Deuteronomio 11:10 - Maung A Balita Biblia

¹⁰ Say dalin a ngalngali yo la napanayaman et aliwan singa samay dalin na Egipto a nanayaman yo nen saman. Dimad Egipto, no mantanem kayoy trigo, nakaukolan a mamasia kayon mankimey pian naparanuman yo so kaalogan; singa kayo manaasikasoy tanamanan na pisipising.

Maung a Balita Biblia

¹⁰ Say dalin a ngalngali yo la napanayaman et aliwan singa samay dalin na Egipto a nanayaman yo nen saman. Dimad Egipto, no mantanem kayoy trigo, nakaukolan a mamasia kayon mankimey pian naparanuman yo so kaalogan; singa kayo manaasikasoy tanamanan na pisipising.

Deuteronomio 11:10 Iomraidhean Croise

Isaias 19:10

nalemay iray marunong a mankimey tan saray managinaramey.

Isaias 37:25

Impasirayew mon angotkot ka na saray bobun tan inminom ka na danum ed arum iran dalin, tan pinaekat moy Ilog na Nilo diad panamegley na impanyayarak na saray sondalom.

Jeremias 2:7

Inyakar ko rad sakey a mabonan dalin, pian napanliketan da ray naanid man tan saray arum a bengatlan maabig. Ingen dineral day dalin ko; impagmaliw dan makarimdimla so dalin ya inter kod sikara.

Zacarias 14:18

No saray Egipsio et ag da silibraan so Pista na Abung-abung, nadalan met iray salot ya ipadalan na Katawan ed balang bansa ya ag onlad Jerusalem.

Deuteronomio 11:11

Balet say dalin a ngalngali yo la looban et kapalandeyan tan kapokdulan, sakey a dalin a sasalogen na oran.

Deuteronomio 11:9

Andokey met ed satan so pambilay yo ed mayaman tan mataban dalin ya insipan na Katawan ya iter ed saray lalaki yo tan saray kabyangay boleg da.

Deuteronomio 8:7

Say Katawan a Dios yo et iyakar to kayo ed sakey a mataban dalin—sakey a dalin a wala ray ilog tan kolus to, walad dalem to iray sobul ya onaagus ed saray patar tan kapokdulan;