Deuteronomio 10:8 - Maung A Balita Biblia

⁸ Diad palandey say Katawan tinoro to ray lalakin kabyangay tribu nen Levi a sikaray makaoley ed Kaban na Sipanan, manlingkur irad sikato, tan sikaray mamindision ed ngaran to. Saraya ni so kimey da ya anggad natan.

Maung a Balita Biblia

⁸ Diad palandey say Katawan tinoro to ray lalakin kabyangay tribu nen Levi a sikaray makaoley ed Kaban na Sipanan, manlingkur irad sikato, tan sikaray mamindision ed ngaran to. Saraya ni so kimey da ya anggad natan.

Deuteronomio 10:8 Iomraidhean Croise

1 Saray Arari 8:6

Insan saray papari inawit dad dalem na Timplo so Kaban na Sipanan tan inyan dad Sankasantosan a Pasen, diad silong na saray payak da ray kirubin.

1 Saray Awaran 15:2

Insan inkuanto, “Saray Levita labat so nepeg a manawit na Kaban na Sipanan, ta sikara labat so pinili ton manawit ed saya tan manlingkur ed sikato diad ando lan ando.”

1 Saray Awaran 15:26

Angibagat ira na pitoran bakan kalakyan tan pitoran karniro, lapud tutulongan na Dios iray Levitan manasakbat na samay Kaban na Sipanan.

1 Saray Awaran 23:13

Si Amram so pangulowan tan sikatoy ama di Aaron tan Moises. (Si Aaron tan saray kabyangay boleg to et apili ran makaoley ya anggad angga ed saray masanton bengatla, mampool na insinso diad arapan na Katawan, manlingkur ed sikato, tan mamindision ed saray totoo diad ngaran na Katawan.

1 Saray Awaran 23:26

Anggapo la natan sirin so pankaukolan ya alalsaen na saray Levita so Tuldan Ayamay Katawan tan amin da ray ikakana ed panangigalang.”

2 Saray Awaran 29:11

Anak ko, ag kayo la manaabala. Sikayo ray pinili na Katawan a mampool na insinso ed sikato tan sikayo ray mangipangulo na saray totoo ed pangigalang ed sikato.”

2 Saray Awaran 30:27

Kinerew na saray papari tan saray Levita a bindisionan komun na Katawan iray totoo. Nadngel na Dios a manaayam ed tawen so pikakasi ra et inawat to ra.

Saray Salmo 134:1

Dago kayo, ta idayew yoy Katawan, amin yon aripen to, amin a manlilingkur ed Timplo to no labi.

Saray Salmo 134:2

Diad Timplo itagey yoy kalimaan yo a mampikasi, tan idayew yoy Katawan!

Saray Salmo 135:2

a manalalagey ed abung na Katawan, diad Timplo na Dios tayo.

Jeremias 15:19

Say Katawan inmebat, “No ompawil ka, awaten ta ka, tan magmaliw kan aripen ko lamet. No mansalita kay makana-kana, aliwan say andi-kakanaan, magmaliw kan propitak lamet. Ompawil ed sika iray totoo, tan ag nakaukolan ya onla kad sikara.

Ezekiel 44:11

Nayarin manlingkur irad siak ed Timplo diad panamegley na pangasikaso rad saray puirta na Timplo tan diad panggawa rad saray kimey ed Timplo. Nayarian dan pateyen iray ayayep ya isasaklang a bagat a popoolan na saray totoo tan saray arum a bagat da, tan mankimey ira a manlingkur ed saray totoo.

Ezekiel 44:15

Say Katawan a Dios kuanto, “Balet saray paparin kabyangan na tribu nen Levi tan si Sadoc so sengeg da et intutuloy day matoor a panaglingkur ed siak diad Timplo, anggaman ya inkaindan ak na amin da ray arum a totood Israel. Kanyan natan sikaray nepeg a manlingkur ed siak tan ondago rad arap ko a mangisaklang na saray taba tan say dala na saray ayayep ya ibagat.

Levitico 8:9

Insan to impatoon ed olo to so turban, tan diad arap na sayan turban impeket toy balituk ya arkos, say masanton tanda na inkisaklang, onung na ingganggan na Katawan ed kinen Moises.

Levitico 9:22

Nen asumpal nen Aaron ya insaklang iray amin a bagat, inyatagey to ray lima to tan impaarap to rad katoowan, tan binindisionan to ra, insan linmasur.

Saray Bilang 3:31

Sikaray makaoley ed Kaban na Sipanan, say lamisaan, say panangipatoonan na lamparaan, saray altar, saray kagawaan ya ikakana na saray papari ed dalem na Masanton Pasen, tan say kurtina na loloobay Sankasantosan a Pasen. Sikaray makaoley ed amin a kimey a nipaakar ed sarayan bengatla.

Saray Bilang 3:6

“Yakar mo diad arap iray kabyangay tribu nen Levi tan torom iran katulong nen Aaron a pari.

Saray Bilang 4:15

No asumpal lan sinakbungan di Aaron tan saray anak to iray masanton bengatla tan saray kagawaan da, ondago ray kabyangan na boleg nen Coat ta sikaray manawit na sarayan masanton bengatla no iyalis la so kampo. Saray kabyangay boleg nen Coat et ag da nepeg a diwiten iray masanton bengatla, ta no diwiten da ompatey ira. Sikara yay nepeg a gawaen na saray kabyangay boleg nen Coat kapag iyalis so Tulda.

Juan 15:16

Ag yo ak pinili; pinili tan tinoro ta kayon onla tan mambungay maando. Diad ontan, iter na Ama so amin a bengatlan kerewen yod ngaran ko.

Saray Gawgawa 13:2

Nen peles dan manlilingkur ed Katawan tan manaayuno, inkuay Ispiritu Santo ed sikara, “Ibiig yon para siak ira di Bernabe tan Saulo, ta gawaen day kimey ya anawagan kod sikara.”

Saray Taga Roma 1:1

Sayan sulat nanlapud kinen Pablo, sakey ya aripen nen Jesu-Cristo, atawag a magmaliw ya apostol tan pinilin mampulong na Maung a Balita na Dios.

Saray Taga Roma 12:7

no panaglingkur, manlingkur itayo; no panagbangat, mambangat itayo;

2 CORINTO 6:17

Kanyan ibabagay Katawan, “Nepeg yo ran taynan tan ibatikan. Ag kayo mibabalid marotak ya antokaman, et siak so mangawat ed sikayod satan.

TAGA GALACIA 1:15

Balet lapud baleg a panangaroy Dios, pinili to ak la kasakbayan na inkianak ko, tan tinawag to ak a magmaliw a kumikimey to.

Deuteronomio 17:12

Nepeg a pateyen so siopaman a manumlang ed sintinsia na huis odino pari a manlilingkur ed saman a panaon; diad onya napaandipat yo yan kaogsan ed Israel.

Deuteronomio 18:5

Diad amin da ray tribu yo say Katawan pinili to ray kabyangay tribu nen Levi a manlingkur irad sikato a papari ya anggad angga.

Deuteronomio 21:3

Insan saray pangulo na baley a sankaasinggeran ed akarumogan na bangkay et nepeg a mamili ra na sakey a kilaw na baka ya ag nin balut nisinta.

Deuteronomio 21:5

Onla met irad may Levitan papari, lapud sikaray manintinsia ed kason walay apasakitan odino adesiang. Say Katawan a Dios yo et pinili to ran manlingkur ed sikato tan mamindision ed ngaran to.

Deuteronomio 31:9

Kanyan insulat nen Moises so Ganggan na Dios tan inter tod saray Levitan papari, a makaoley ed Kaban na Sipanan na Katawan, tan diad saray pangulo na Israel.