Deuteronomio 10:5 - Maung A Balita Biblia

⁵ insan inmakseb ak nanlapud palandey. Insan onung na ingganggan na Katawan, inkargak ira ed samay Kaban a ginawak, et wadman ni ra ya anggad natan.” (

Maung a Balita Biblia

⁵ insan inmakseb ak nanlapud palandey. Insan onung na ingganggan na Katawan, inkargak ira ed samay Kaban a ginawak, et wadman ni ra ya anggad natan. (

Deuteronomio 10:5 Iomraidhean Croise

Exodo 25:16

Insan mo ikargad dalem na Kaban iray duaran baton tapyak ya akaitatakan na saray ganggan.

Exodo 25:21

Ikargam ed dalem na Kaban iray duaran tapyak a bato tan iyan moy sakub ed tapew to.

Exodo 32:15

Inmakseb ed alusadsar na palandey si Moises tan sankaawit to ra may duaran tapyak a baton nantopag ya akaitatakan na saray ganggan.

Exodo 34:28

Diad loob na apataploy agew tan labi si Moises kaiba tod tagey na palandey so Katawan; ag balut angan, ni inminom. Intatak tod saray tapyak a bato iray salita na sipanan—saray Samploran Ganggan.

Exodo 34:29

Nen inmakseb a nanlapud Palandey na Sinai si Moises a sankaawit to ray Samploran Ganggan, sinminag so lupa to lapud akisalita ed Katawan; balet ag to ya amta.

Exodo 40:20

Insan to inala ra may duaran tapyak a bato tan inyan to rad dalem na Kaban na Sipanan. Insorub tod saray liken na Kaban iray tiken tan inlira tod tapew na Kaban imay sakub.

Deuteronomio 10:2

ta itatak kod saray pagagawak ed sikan tapyak a bato iray intatak kod saramay imbetag mo, insan mo ra ikarga ed Kaban.’

Deuteronomio 9:15

“Kanyan inmakseb ak a nanlapud palandey a sankaawit ko ra may duaran tapyak a baton akaitatakan na sipanan. Diad saman manliub ya apoy so manlalapud palandey.

Josue 4:9

Angilira met si Josue na labinduan bato ed pegley na Ilog na Jordan, dimad nanalageyan na saramay anakbat na Kaban na Sipanan. (Wadman ni ra man a bato.)