Deuteronomio 10:22 - Maung A Balita Biblia

²² Nen linmad Egipto iray lalaki yo, pitpitomplo ra labat. Balet natan say Katawan a Dios yo et impagmaliw to kayon singa karakel na bitewen ed tawen.

Maung a Balita Biblia

²² Nen linmad Egipto iray lalaki yo, pitpitomplo ra labat. Balet natan say Katawan a Dios yo et impagmaliw to kayon singa karakel na bitewen ed tawen.

Deuteronomio 10:22 Iomraidhean Croise

Genesis 15:5

Say Katawan pinapaway to tan inkuanto, “Nengneng moy tawen tan salim a bilangen iray bitewen; ontan naani so karakel na saray kabyangay boleg mo.”

Genesis 22:17

isipan ko ya itdan ta ka ray kabyangay boleg mo a singa karakel na bitewen ed tawen o buer ed gilig na dayat. Taloen na saray kabyangay boleg mo iray kalaban da.

Genesis 46:26

Anemaplo tan anem ya amin iray anak tan apo nen Jacob a linmad Egipto, likud ed saray asawa na saray anak to.

Genesis 46:27

Duaray anak nen Jose ed Egipto, kanyan pitomplon amin so kabyangay pamilya nen Jacob a linmad Egipto.

Nehemias 9:23

Initdan mo ray anak a say karakel da et singa karakel na bitewen ed tawen; inyabuloy mon nadakep da tan napanayaman da so dalin ya insipan mon iter ed saray lalaki ra.

Exodo 1:5

Pitomplo ya amin iray anak tan apo nen Jacob, a pati si Jose a wadman la ed Egipto.

Saray Bilang 26:51

Say bilang na amin da ray Israelitan lalaki et anem a lasus tan sakey a libo, piton lasus tan talomplo.

Saray Bilang 26:62

Say bilang da ray lalakin Levita a mantaon na sakey bulan a mampaatagey et duamplo tan talon libo. Nibiig ed saray arum ya Israelita so angilistaan ed sikara, lapud ag ira naitdan na antokaman a kayaryan ed Israel.

Saray Gawgawa 7:14

Impatawag nen Jose si ama ton Jacob tan saray kakanayon to; pitomplo tan lima ran amin.

Deuteronomio 1:10

Say Katawan a Dios yo et impagmaliw to kayo la natan a singa karakel na bitewen ed tawen.

Deuteronomio 1:11

Oy la komun ta say Katawan a Dios na saray lalaki yo et maminlibo to kayo nin parakelen tan paaliguasen to kayo, onung na insipan to!

Deuteronomio 26:5

Insan diad arap na Katawan ibitla yo ra yan salita: ‘Say lakik et sakey ya akar-akar ya Arameo, ya inawit ton nanayam ed Egipto so pamilya to. Nen linma rad Egipto dagdaiset ira, balet nagmaliw iran baleg tan makapanyarin bansa.

Deuteronomio 28:62

Anggaman a magmaliw kayo a singa karakel na bitewen ed tawen, dagdaiset labat so natilak ed sikayon mabilay, lapud ag yo inonur so Katawan a Dios yo.

Saray Hebreo 11:12

Kanyan nanlapud sakey a toon nipasen ya inatey la so sakey a bansan saray kabyangan to et singa karakel na bitewen ed tawen, tan ag nabilang a buer ed gilig na dayat.