Deuteronomio 10:12 - Maung A Balita Biblia

¹² “Natan, sikayon totood Israel, dengel yo ray labay a pagawa ed sikayo na Katawan a Dios yo: Takotan yo so Katawan tan onur yo ray amin a labay ton pagawad sikayo. Aro yo, panlingkuran yo ed intiron puso yo,

Maung a Balita Biblia

¹² Natan, sikayon totood Israel, dengel yo ray labay a pagawa ed sikayo na Katawan a Dios yo: Takotan yo so Katawan tan onur yo ray amin a labay ton pagawad sikayo. Aro yo, panlingkuran yo ed intiron puso yo,

Deuteronomio 10:12 Iomraidhean Croise

1 Saray Arari 3:3

Inaro nen Solomon so Katawan tan sinumpal to ray bilibilin nen ama ton David, balet nampapatas met na saray amayamay ya ayayep tan imbabagat to rad nandoroman altar.

2 Saray Arari 10:31

Balet aliwan masimoon so impangonur nen Jehu ed saray ganggan na Katawan, say Dios na Israel; inalig to ingen si Jeroboam ya angilagyat a nankasalanan so Israel.

2 Saray Arari 18:3

Ginagawa toy makapaliket ed Katawan, ta inalig to ray ginagawa nen laki ton David.

2 Saray Arari 18:6

Matoor ed Katawan, ag ton balut sinumlang, no ag ingen inapiapiger ton inonur ya amin iray ganggan ya inter na Katawan ed kinen Moises.

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

2 Saray Awaran 15:12

Akisipanan ira a diad intiron puso tan kamarerwa ra panlingkuran day Katawan a Dios na saray lalaki ra, tan nepeg a pateyen so

Say Libro nen Job 36:11

No oonuren day Dios tan panlilingkuran da, mambilay irad kareenan tan aligwas legan na pambibilay da diad tapew na dalin.

Saray Salmo 119:2

Maliket iray manusumpal na saray ganggan to, saray mangoonur ed sikato ed intiron puso ra.

Saray Salmo 128:1

Maliket ya amin iray matoluk ed Katawan, saray mambibilay ya onung ed saray ganggan to.

Saray Salmo 145:20

Iyaagel to ray amin a maarod sikato, balet deralen to ray amin a totoon maoges.

Saray Salmo 18:1

Inararo ta ka, O Katawan! Sika so manangyagel ko.

Saray Salmo 34:9

Igalang yoy Katawan, amin yon totoo to; saray matoluk ed sikato et walay amin a nakakaukolan da.

Saray Salmo 81:13

Agaylay pampirawat kon ondengel iray totook; agaylay pampirawat kon onuren da ak!

Saray Salmo 81:14

Taloen kon tampul iray kalaban da, tan pasukoen ko ra.

Exodo 23:25

No igalang yo ak a Katawan a Dios yo, bindisionan ta kayo na kanen tan inomen tan ekalen ko ray sakisakit yo.

Ecclesiastes 12:13

Kayari na sarayan amin, wala niy sakey a nibaga: Pagalangan moy Dios tan onur mo ray ganggan to, ta sikato yay makasengeg na impamalsaan na Dios ed too.

Ezekiel 11:20

Diad satan matoor dan onuren iray amin a ganggan ko. Magmaliw iran totook, tan siak so magmaliw a Dios da.

Mikias 6:8

Andi, imbagad sikatayo na Katawan no anto so maung. Say labay ton pagawad sikatayo saya: say panggawa tayo na katunongan, say pangipanengneng tayo na ag mangoman a panangaro tayo, tan say pambilay tayon mapaabeban masisiglaotan ed Dios.

Sofonias 3:9

“Insan ko pasimbaloen iray totood saray bansa, tan mampikasi rad siak labat ya aliwan diad saray diriyos, tan siak labat so panlingkuran dan amin.

Mateo 22:37

Inmebat si Jesus, “‘Arom so Katawan a Dios mo ed intiron pusom, diad intiron kamarerwam, tan diad intiron kanunotan mo.’

Lucas 10:27

Inkuanto may too, “‘Arom so Katawan a Dios mo ed intiron pusom, intiron kamarerwam, intiron biskeg mo, tan intiron kanunotan mo’; tan, ‘Arom so kaabay mo a singa panangarom ed sikan dili.’”

Lucas 11:42

“Pakaskasi ki la, sikayon Pariseo! Iiter yoy kakaplo na anggan saray rikado, a singa say paminta, bawang, tan amin a pising, balet sasaolen yoy kapara yon totoo tan ag yo aaroey Dios. Nepeg a gawaen yo ra ya, balet ag yo papaolyan iray arum a ganggan.

Saray Gawgawa 9:31

Kanyan awalaay kareenan so iglisia ed intiron Judea, Galilea tan Samaria; binmiskeg tan binmaleg lapud tulong na Ispiritu Santo, tan nambilay a sigagalang ed Katawan.

Saray Taga Roma 1:9

Say Dios, a panlilingkuran kod intiron pusok diad pangipupulong koy Maung a Balitan nipaakar ed Anak to, so tasik ya ipipikasi ta kayo lawas.

Saray Taga Roma 8:28

Amta tayo a diad amin a bengatla gagawaen na Dios so pankaabigan na amin da ray mangaarod sikato, a salanti saray tinawag na Dios onung ed linawa to.

Deuteronomio 10:11

Insan imbaga tod siak ya ipangulo to kayo, pian nakayaryan yo so dalin ya insipan ton iter ed saray lalaki yo.

Deuteronomio 10:13

tan tombuk yo ray amin a ganggan to. Iiter ko natan ira yan ganggan ed sikayo ya onkanan pankaabigan yo.

Deuteronomio 11:1

“Aro yo so Katawan a Dios yo tan onur yo lawas iray amin a ganggan to.

Deuteronomio 11:13

“Kanyan sirin, onur yo ray ganggan ya inter kod sikayo natad sayan agew; aro yo so Katawan a Dios yo tan manlingkur kayod sikato ed intiron puso yo tan intiron kamarerwa yo.

Deuteronomio 26:16

“Natad sayan agew say Katawan a Dios yo igaganggan to kayon mangonur ed amin da ray ganggan to; sumpal yo ra ed intiron puso yo tan kamarerwa yo.

Deuteronomio 27:10

kanyan onur yo tan sumpal yo ray amin a ganggan to ya iiter kod sikayo natad sayan agew.”

Deuteronomio 30:16

No onuren yo ray iiter kod sikayo natan a ganggan na Katawan a Dios yo, no aroen yo so Katawan, no tuloken yo, tan sumpalen yo ray amin a ganggan to, onaligwas kayo tan magmaliw kayon sakey a bansa ya amayamay iray totoo to. Say Katawan a Dios yo et bindisionan to kayo ed dalin a ngalngali yo la panayaman.

Deuteronomio 30:20

Aro yo so Katawan a Dios yo, onur yo tan mansiansia kayon matoor ed sikato, et diad ontan saray kabyangay boleg yo et mambilay ira na andokey ed dalin ya insipan ton iter ed saray lalaki yon di Abraham, Isaac, tan Jacob.”

Deuteronomio 4:29

Diman yo anapen so Katawan a Dios yo et no ipuspuso yon anapen, narumog yo.

Deuteronomio 5:29

Oy la komun ta ontan lawas so liknaan da! Oy la komun ta igalang da ak lawas tan onuren da ray amin a ganggan ko, pian maung lawas so kipapasen tan saray kabyangay boleg da ed anggad angga.

Deuteronomio 5:33

Onur yo ran amin, pian maung lawas so kipapasen yo tan mansiansia kayon mambilay ed dalin a panayaman yo.

Deuteronomio 6:13

Takotan yoy Katawan a Dios yo, sikato labat so igalang yo, tan mansipan kayo ed ngaran to labat.

Deuteronomio 6:2

Legan na pambilay yo, sikayo tan saray kabyangay boleg yo et nepeg a takotan yo so Katawan a Dios yo tan onur yo ray amin a ganggan to, pian andokey so pambilay yo ed saman a dalin.

Deuteronomio 6:24

Insan say Katawan a Dios tayo ingganggan to ya onuren mi ra yan ganggan tan sikatoy takotan mi. No sumpalen mi ra ya, asikasoen to lawas so bansa tayo tan paaliguasen to.

Deuteronomio 6:5

Aro yo so Katawan a Dios yo ed intiron puso yo, intiron kamarerwa yo, tan intiron biskeg yo.

1 Timoteo 1:5

Say getma na sayan ganggan mi et say pamawala na panangaron manlapud puson malinis, malinew a konsinsia, tan tuan pananisia.

Saray Hebreo 12:28

Kanyan pisalamatan tayoy Dios, ta awaten tayoy nanarian ya ag nayegyeg. Misalamat tan mangigalang tayod Dios onung na pakaliketan to, a katekep na takot tan panamabli,

Josue 22:5

Pampelengan yon onuren so ganggan ya inter ed sikayo nen Moises: aro yoy Katawan a Dios yo, onur yoy linawa to, sumpal yo ray ganggan to, nepeg a matoor kayo lawas ed sikato, tan lingkuran yo ed intiron puso tan kamarerwa yo.”

Josue 24:14

“Natan sirin,” intuloy nen Josue ya inkuan, “pagalangan yo so Katawan tan masimoon tan matoor yon panlingkuran. Ibantak yo ray diriyos ya inggagalang nen saman na saray lalaki yo diad Mesopotamia tan diad Egipto. Say Katawan labat so panlingkuran yo.

1 Juan 2:15

Ag yo aaroey mundo odino saray bengatlan walad mundo. Siopamay mangaarod mundo, anggapoy panangaro tod Ama.

1 Juan 5:5

Siopay nayarin manalod sankamundoan? Say toon manisia a si Jesus et Anak na Dios.

1 Samuel 12:20

“Ag kayo natatakot,” ebat nen Samuel. “Anggaman a ginawa yo yan kaogsan, ag yo komun ipopolisay so Katawan, no ag ingen panlingkuran yod intiron puso yo.