Deuteronomio 1:44 - Maung A Balita Biblia

⁴⁴ Insan pinmaway a singa karakel na bayaung iray Amorreon manaayam ed saman a kapokdulan tan nilabanan da kayo. Inosilan da kayo ya anggad Horma tan tinalo da kayod kapokdulan a dalin na Edom.

Maung a Balita Biblia

⁴⁴ Insan pinmaway a singa karakel na bayaung iray Amorreon manaayam ed saman a kapokdulan tan nilabanan da kayo. Inosilan da kayo ya anggad Horma tan tinalo da kayod kapokdulan a dalin na Edom.

Deuteronomio 1:44 Iomraidhean Croise

Saray Salmo 118:12

Singa ra bayaung ya angambungal ed siak, balet naoput iran tampol a singa pinoolan a sinigit; pinapatey ko ra diad panamegley na pakayariy Katawan.

Isaias 7:18

“No onsabi tan a panaon, say Katawan ngisiwan to ray sondalon Egipsio, et onsabi ran singa saray amayamay ya apangat a manlapud sanka-arawian a sangasangay Ilog na Nilo. Ngisiwan to met iray sondalon Asiria, et onsabi ran singa saray bayaung a manlapud dalin da.

Saray Bilang 14:45

Insan saray Amalecita tan saray Cananeo a manaayam ed saraman a pasen dinogpaan da ra tan tinalo da ra, tan inosilan da ra ya anggad Horma.

Saray Bilang 21:3

Dinengel ira na Katawan kanyan impanalo to ran akibakal ed saray Cananeo. Kanyan saray Israelita sigput dan dineral iray Cananeo tan saray siudad da. Horma so impangingaran dad saman a pasen.

Deuteronomio 28:25

“Say Katawan ipatalo to kayod saray kalaban yo. Dogpaan yo rad sakey a dapag balet ibatikan yo rad amin a dapag, et diad ontan ontakot iray amin a katoowan ed intiron mundo no nanengneng day nagawad sikayo.

Deuteronomio 32:30

Akin et tinalo na sakey a too so sanlibon totoo, tan duara so samplon libo? Say Katawan a Dios da et inkaindan to ra; say makapanyarin Dios da impalima to rad kalaban da.

Josue 7:5

Inosilan ira na saray lalakin taga Ai manlapud puirta na siudad ya anggad saray pigaran panagalaan na tinabas a bato tan pinatey day sakey a talomplo tan anem ed sikara diad alusadsar na pokdul. Lapud saya nakalay biskeg na linawa iray Israelita tan ataktakot ira.