Deuteronomio 1:17 - Maung A Balita Biblia

¹⁷ Anggapoy nepeg a kilingan yo ed panagsintinsia yo; nepeg a nampara so letnegan na panintinsia yo ed siopaman, abeba man o atagey so kipapasen to. Ag yo tatakotan so anggan siopa, ta manlapud Dios iray iter yon sintinsia. No walay mairap yon sintinsiaan a kaso iyapireng yod siak, ta siak so akaoley a manintinsia.’

Maung a Balita Biblia

¹⁷ Anggapoy nepeg a kilingan yo ed panagsintinsia yo; nepeg a nampara so letnegan na panintinsia yo ed siopaman, abeba man o atagey so kipapasen to. Ag yo tatakotan so anggan siopa, ta manlapud Dios iray iter yon sintinsia. No walay mairap yon sintinsiaan a kaso iyapireng yod siak, ta siak so akaoley a manintinsia.

Deuteronomio 1:17 Iomraidhean Croise

Genesis 18:25

Andi-duaruwan ag mo pipatey iray matonung ed saray maoges. Ag nayarin balut a gawaen moy ontan. Ta no gawaen mo, napidusa ray matonung ed saray maoges. Ag nayarin balut! Ag ta matonung so huis na intiron mundo?”

2 Samuel 14:14

Ompatey itayon amin; aliling tayoy danum a naibung ed dalin, ya ag la nakupkup. Anggan say Dios ag to la pabibilayen iray inatey a totoo, balet nayarian na ari a papawilen so toon nibantak ed arum a bansa.

2 Saray Awaran 19:5

Anoro na saray huis ed balang aliber na padir a siudad na Juda

2 Saray Awaran 19:6

tan binibilin to ra: “Api-apiger yoy panintinsia yo; aliwan too so nanlapwan na pakayari yon manintinsia no ag ingen say Katawan, tan walad sikayo so Katawan no manintinsia kayo.

Say Libro nen Job 31:34

Ag kon balut tinakotan so ibaga na saray totoo; ag ak balut nandeen odino nanayam ed abung lapud antakot koy panagbalaw da.

Saray Salmo 82:2

“Tondaan yo lay pangiiter yoy sintinsian pikewet, tan tondaan yo lan pilaan iray totoon maoges.

Exodo 18:18

Punawen moy sikan dili tan sarayan totoo. Ambelat yan tuloy a gawaen mon bukor.

Exodo 18:22

Panintinsiam ira ed amiy panaon. Sarayan huis iyakar dad sika iray ambelat a kaso, balet no anlemew a kaso sikara lay makaolay a manintinsia. Mamalemew yad sika, ta misakbatan irad sika.

Exodo 18:26

Manintinsia ra ed amiy panaon. Inyapireng dad kinen Moises iray ambelat a kaso, balet akaoley la ran anintinsia ed saray anlemew a kaso.

Probirbio 18:5

Aliwan maung a pilaan so toon walay kasalanan tan ekalan na katonungan so anggapoy kasalanan.

Probirbio 24:23

Sikara ya met so balikas na saray totoon makabat: Makapoy a say sakey a huis et walay kikilingan to.

Probirbio 28:21

Makapoy so panintinsia a walay kikilingan. Balet wala ray huis a manggaway makapoy lapud pangala ray anggan melmelag a pasoksok.

Probirbio 29:25

Maatap so bilay mo no pibabalian mo so nununoten na saray totoon nipaakar ed sika, balet arawi kad kaatapan no manmatalek kad Katawan.

Jeremias 1:17

Mamparaan ka, Jeremias; laka, ta ibagam ed sikaray amin ya ingganggan kod sikan salitaen mo. Ag ka la natan ontatakot ed sikara; ta no andi, pagmaliwen ta kan lalon ontakot no wadman ka lad sikara.

Levitico 19:15

“Nepeg a maptek tan matonung so pangiter yoy sintinsia; ag yo kikilingan so toon mairap-bilay, ni tatakotan so toon mayaman.

Malakias 2:9

Kanyan abuloyan kon balawen kayo na saray totood Israel lapud ag yo oonuren so linawak, tan no bangatan yo ray totook wala ray lalabien yo.”

Mateo 22:16

Imbaki rad kinen Jesus iray pigaran disipulo ra tan pigara met a totoo nen Herodes. Inkuanda, “Maistro, kabat min tuan amin iray ibabagam, ta ibabangat mo ray totoo no antoy linawa na Dios nipaakar ed sikara. Ag ka manangibiig, lapud nampaparay pangipapasen mod amin a totoo.

Marcos 12:14

Inmasingger irad kinen Jesus tan kuanda, “Maistro, kabat min tua ya amin so ibabagam. Aliwa kan manangibiig, ta nampaparay pangipapasen mod amin a totoo. Ibabangat mo ray totoo no antoy linawa na Dios nipaakar ed sikara. Ibagam pad sikami, sumpad Ganggan kasi so pambayar na buis ed Impirador na Roma? Mambayar kamiy buis odino andi?”

Lucas 20:21

Inkuanda ra yan ispia ed kinen Jesus, “Maistro, kabat min tua ray amin ya ibabagam tan ibabangat mo. Kabat mi met ya aliwa kan manangibiig, no ag ta ibabangat mo ray totoo no antoy linawa na Dios nipaakar ed sikara.

Saray Taga Roma 2:11

Ta anggapoy nilabi ed pangipapasen na Dios ed amin a katoowan.

TAGA-EFESO 6:9

Sikayo ran amo, nepeg a maung kayod saray aripen yo, tan ag yo la ra tataktakoten. Ta amta yo a nampapara kayon kayaryan na saksakey a Katawan a walad tawen a namparay pangipapasen tod amin a katoowan.

Deuteronomio 10:17

Say Katawan a Dios yo et makapanyari nen saray amin a diriyos tan walad silong to ray amin a pakayari. Sikato so matalonggaring tan makapanyari, tan sikato so nepeg a toluken. Anggapoy lalabien to, tan ag to mangaawat na pasoksok.

Deuteronomio 16:19

Ag nepeg a pikeweten da so katonungan o walay lalabien da ed panagsintinsia ra; ag ira nepeg a mangawat na pasoksok, ta bulagen to ray anggan makabat tan matonung a totoo, et natanggoyur la ran mamikewet na katonungan.

Deuteronomio 24:17

“Ag yo pipikeweten so katunongan da ray sangkaili tan saray olila; tan ag yo aalaen so kawes na biin balo a kaletan na utang tod sikayo.

Deuteronomio 25:1

“Anto so gawaen no wala bilang so duaran Israelita ya onarap irad korti lapud kolkolan da, et say sakey nasintinsiaan a nankasalanan tan say sakey andi?

COLOSAS 3:25

Say manggaway kaogsan awaten toy bayar na maoges a ginagawa to; ta diad arap na Dios, anggapoy pandomaan na amin a katoowan.

1 TESALONICA 2:4

Ingen, lapud inabubonan kamiy Dios tan impia tod sikami so Maung a Balita, mampupulong kami onung ed linawa to. Aliwan say too so paliliketen mi, no ag ingen say Dios a manusubok no antoy getma mi.

Santiago 2:9

Balet no walay nilabi ed pangipasen yod totoo mankasalanan kayo tan, onung ed Ganggan, nepeg yoy nadusa.

1 Pedro 1:17

Say Dios anggapoy lalabien to. Sintinsiaan toy balang sakey onung ed saray ginagawa to; tan lapud tatawagen yo na Ama, nepeg yon pagalangan legay panayam yo a sangkaili diad tapew na dalin.

1 Samuel 16:7

Balet inkuan na Katawan ed sikato, “Ag mo iimanoen no panoy kinabaleg tan kinaguapo to. Impolisay ko, ta say panagpilik aliwan singa panagpili na too. Say too say walad paway so nenengnengen to, balet say puso so nenengnengen ko.”

1 Samuel 2:25

No say sakey a too et mankasalanan ed kapara ton too, nayarin iyagel na Dios; balet siopay nayarin mangyagel ed toon mankasalanan ed Katawan?” Balet ag ira dinmengel ed ama ra, ta ginetma la na Katawan a pateyen to ra.