Deuteronomio 1:10 - Maung A Balita Biblia

¹⁰ Say Katawan a Dios yo et impagmaliw to kayo la natan a singa karakel na bitewen ed tawen.

Maung a Balita Biblia

¹⁰ Say Katawan a Dios yo et impagmaliw to kayo la natan a singa karakel na bitewen ed tawen.

Deuteronomio 1:10 Iomraidhean Croise

Genesis 15:5

Say Katawan pinapaway to tan inkuanto, “Nengneng moy tawen tan salim a bilangen iray bitewen; ontan naani so karakel na saray kabyangay boleg mo.”

Genesis 22:17

isipan ko ya itdan ta ka ray kabyangay boleg mo a singa karakel na bitewen ed tawen o buer ed gilig na dayat. Taloen na saray kabyangay boleg mo iray kalaban da.

Genesis 28:14

Magmaliw iran singa karakel na dabuk ed dalin. Onkayat ira ed amin a sokung na mundo, tan diad panamegley mo tan saray kabyangay boleg mo, bindisionan ko ray amin a bansa.

1 Saray Awaran 27:23

Ag impabilang nen Ari David iray totoon onleksab ed duamplo so taon da, lapud samay sipan na Katawan a parakelen ton singa bitewen ed tawen iray totood Israel.

Nehemias 9:23

Initdan mo ray anak a say karakel da et singa karakel na bitewen ed tawen; inyabuloy mon nadakep da tan napanayaman da so dalin ya insipan mon iter ed saray lalaki ra.

Saray Salmo 107:38

Binindisionan to ray totoo to et nanaanak iray amayamay; ag to inabuloyan ya ondaiset iray baka ra.

Exodo 12:37

Manlapud Ramases nanakar ya amaarap ed Sukot iray Israelita. Sakey ya anem a lasus libo ran lalaki, ya andi bali ray bibii tan saray ogogaw.

Exodo 32:13

Nunot mo pa ra di aripen mon Abraham, Isaac, tan Jacob. Nunot mo pa a sinambaan mo ya itdan iray amayamay a kabyangay boleg a singa karakel na bibitewen ed tawen, tan iter mod saray kabyangay boleg da so intiron dalin ya insipan mon kayaryanen da ed ando lan ando.”

Isaias 51:2

Nunot yoy laki yon Abraham, tan si Sara a sikaray sengeg na boleg yo. Anggapoy anak nen Abraham nen tinawag ko, balet binindisionan ko tan initdan ko na saray anak; pinarakel ko ray kabyangay boleg to.

Ezekiel 16:7

Pinabaleg ta kan singa malambut a tanaman. Binmaleg kan mabiskeg, atagey tan nagmaliw kan malangwer a marikit. Balibaliy impanpagew mo tan dinmokey so buek mo, balet lakseb-labus ka.

Saray Bilang 10:36

Kapag ontonda, ikuanen Moises, “Katawan, pawil ka pad saray libo-libon pamilya na Israel.”

Deuteronomio 1:11

Oy la komun ta say Katawan a Dios na saray lalaki yo et maminlibo to kayo nin parakelen tan paaliguasen to kayo, onung na insipan to!

Deuteronomio 10:22

Nen linmad Egipto iray lalaki yo, pitpitomplo ra labat. Balet natan say Katawan a Dios yo et impagmaliw to kayon singa karakel na bitewen ed tawen.

Deuteronomio 26:5

Insan diad arap na Katawan ibitla yo ra yan salita: ‘Say lakik et sakey ya akar-akar ya Arameo, ya inawit ton nanayam ed Egipto so pamilya to. Nen linma rad Egipto dagdaiset ira, balet nagmaliw iran baleg tan makapanyarin bansa.

Deuteronomio 28:62

Anggaman a magmaliw kayo a singa karakel na bitewen ed tawen, dagdaiset labat so natilak ed sikayon mabilay, lapud ag yo inonur so Katawan a Dios yo.

Deuteronomio 7:7

“Say Katawan inaro tan pinili to kayo, aliwan lapud dakel kayo ni nen saray arum a totood arum a bansa, ta sikayoy sankamelagan a bansa diad tapew na dalin.