Daniel 9:5 - Maung A Balita Biblia

⁵ “Nankasalanan kami, maoges kami, makapoy iray ginagawa mi. Sinumlang tan impolisay mi ray ganggan mo tan saray bilin mod sikami.

Maung a Balita Biblia

⁵ Nankasalanan kami, maoges kami, makapoy iray ginagawa mi. Sinumlang tan impolisay mi ray ganggan mo tan saray bilin mod sikami.

Daniel 9:5 Iomraidhean Croise

2 Saray Arari 18:12

Ataloy Samaria, ta ag inonur na saray totood Israel so Katawan a Dios da; ag da sinumpal so impisipanan tod sikara. Ag da tinoluk ya amin iray ganggan ya inter nen Moises ya aripen na Katawan. Ag ira dinmengel odino tinmoluk.

2 Saray Arari 21:15

Gawaen ko yad saray totook, ta nankasalanan irad siak tan impanpasnuk da ak, nanlapu lad panaon a pinmaway ed Egipto iray lalaki ra ya anggad natan.”

Esdras 9:6

Inkuan ko, “Ambaing ak a mangitangway olok ed arap mo, O Dios. Atagey nen saray olo mi so bontun na saray kasalanan mi; toktokdulen da lay katawenan.

Saray Salmo 106:6

Nankakasalanan kami, a singa ginawa da ray lalaki mi; nanggagawa kamiy kaogsan tan kabaglan.

Saray Salmo 119:102

Ag ko inkaindan iray bilibilin mo, tan sikan diliy bumabangat ko.

Saray Salmo 119:176

Akar-akar ak a singa abalang a karniro; anap mo ak pa sirin ya aripen mo, ta ag ko inkaindan iray ganggan mo.

Saray Salmo 18:21

Tinoluk koy ganggan na Katawan; ag ko imbeneg so Dios ko.

Isaias 53:6

Nen saman singa tayo saray karniron abalang, manaakar ed dilin dalan to so balang sakey ed sikatayo. Balet impasakbat na Katawan ed sikato so dusan kanepegan tayo.

Isaias 59:13

Sinmumpa kamid sika, impolisay mi ka, tan ag mi ka inonur. Pinapairap mi ray arum tan inmarawi kamid sika. Pikewet iray kanunotan mi; tila ray salita mi.

Isaias 64:4

Anggapo niy akanengneng odino akadngel na nipaakar ed Dios a singa sika, a manggagawa na onman iran gawa para saray maniilalod sika.

Jeremias 14:20

Katawan, nankasalanan kamid sika; ipatwa mi ray kasalanan mi tan saray kasalanan da ray lalaki mi.

Jeremias 14:7

Ontatawag ed siak iray totook, ‘Anggaman ya aakusaen kami na saray kasalanan mi, tulongan mo kami pa, Katawan, onung na insipan mo. Amimpiga kamin inmarawid sika; nankasalanan kamid sika.

Jeremias 3:25

Nepeg miy onlereg ed kababaingan tan tabunan kamiy kabandayan. Nanlapu lad impanogaw mi, saray lalaki mi tan sikami et nankasalanan ed Katawan a Dios mi; ag mi inonur iray ganggan to.”

Jeremias 30:14

Alingwanan kayo la na amin da ray kainarowan mo; ag da ki la labay. Dinogpaan ta kayon singa sakey a kalaban; mapalaloy inkadusa yo, lapud amayamay so kasalanan yo tan mapalaloy kaogsan yo.

Jeremias 44:3

lapud saray totoon manaayam ed saraman a siudad et nanggagawa ray kaogsan tan impanpasnuk da ak. Nambabagat irad saray arum a diriyos tan nanlilingkur irad saray diriyos ya ag da kabat, odino sikayo, odino saray lalaki yo.

Saray Tagleey 1:18

“Maptek so Katawan, ta sinumlang ko ray salita to. Dengel yo ak, totood inerman a pasen; nengneng yoy paniirap ko. Nalan priso iray tobun-balon bibii tan lalaki.

Saray Tagleey 1:20

“Nengneng mo ak pa, O Katawan, ta nagugunigon ak; maguloy kamarerwak! Ngalngali ombetag so pagew kod ermen lapud nankakasalanan ak. Wala ray pateyan ed daladalan, tan anggan diad dalem na kaabungan walay patey.

Saray Tagleey 3:42

“Nankasalanan tan linmaban kami, et ag mo kami pinirdona, O Katawan.

Ezekiel 5:6

Balet sinumpa na Jerusalem iray ganggan ko tan impanengneng to a lalon maoges ni nen saray arum a bansa, lalon aliwan maonur nen saray bansan walad kaliber-liber to. Impolisay to ray ganggan ko tan ag to binirbir iray bilin ko.

Ezekiel 6:9

a diman ira manayam a nibantak. Nanunotan da ak diman tan naamtaan da a dinusak tan impelag ko rad kababaingan, lapud inkaindan da ak diad ag da impanisia tan nilabay da ni ray saray talintao nen say siak. Naingungotan irad sikaran dili, lapud saray kaogsan tan mabanbanday a bengatlan ginagawa ra.

Daniel 9:11

Sinumlang na amin ya Israelita iray ganggan mo tan ag da nilabay a dengelen so imbagam. Nankasalanan kamid sika, kanyan impelag mod sikami iray samban nisulat ed Ganggan nen Moises ya aripen mo.

Daniel 9:15

“O Katawan a Dios mi, lapud pakayarim impaway mod Egipto iray totoom, tan ag nalingwanan ya anggad natan so pakayarim. Nankakasalanan kami; maoges iray ginagawa mi.

Daniel 9:9

Mapangasi tan manamirdona ka, anggaman a sinmumpa kamid sika.

Oseas 1:2

Nen inmonan akisalitay Katawan ed Israel diad panamegley nen Oseas, inkuantod kinen Oseas, “Laka ta mangasawa ka; say naasawam et magmaliw ya aliwan matoor ed sika, tan saray anak mo naani et magmaliw iran singa sikato. Ontan met so impangikaindan ed siak na saray totook tan nagmaliw iran aliwan matoor ed siak.”

Malakias 3:7

Singa saray lalaki yo nen saman, impolisay yo ray ganggan ko tan ag yo ra inonur. Pawil kayod siak, et ompawil ak ed sikayo. Balet tetepeten yo, ‘Antoy gawaen mi, pian makapawil kamid sika?’

Saray Hebreo 3:12

Agagik ira, manalwar kayo ya anggapo komud sikayoy maoges so puso to tan naandiay pananisia a mansumpal ed pangibeneg tod Dios a mabilay.