Daniel 9:27 - Maung A Balita Biblia

²⁷ Pitoy taon a saman a manoley et nawalaan na malet a sipanan ed amayamay a totoo, tan kalabas na kapalduad sayan panaon, patondaen toy pangisaklang na saray bagat. Nipasen ed sankatageyan a parti na Timplo so Makapataktakot a Managderal tan mansiansiad man ya anggad onsabi so inggetar na Dios a pangangga na samay angipasen diman.”

Maung a Balita Biblia

²⁷ Pitoy taon a saman a manoley et nawalaan na malet a sipanan ed amayamay a totoo, tan kalabas na kapalduad sayan panaon, patondaen toy pangisaklang na saray bagat. Nipasen ed sankatageyan a parti na Timplo so Makapataktakot a Managderal tan mansiansiad man ya anggad onsabi so inggetar na Dios a pangangga na samay angipasen diman.

Daniel 9:27 Iomraidhean Croise

Isaias 28:15

Ipapanta yo ya akisipanan kayo ed patey tan akipaknaan kayod pasen a panaayaman da ray inaatey. Ag yo panduaduarowaan a napaliisan yoy deral no onsabi, lapud manmamatalek kayo ya iyagel kayo na saray tila tan saray palikdo.

Isaias 28:22

Ag yo eelekan so pasakbay ya iiter kod sikayo. No elekan yo lalon nairapan kayon ompaliis. Nadngel koy getma na Katawan a Makapanyarin-amin a deralen toy intiron bansa.

Isaias 42:6

“Siak, say Katawan, tinawag ta ka tan initdan ta kay pakayari a mangipakurang na inkatonung ed tapew na dalin. Diad panamegley mo misipanan ak ed amin da ray katoowan; diad panamegley mo mangyakar ak na silew ed saray bansa.

Isaias 53:11

Kayari na panirap to legan ton mambilay, nawalaan lamet na gayaga; naamtaan to ya aliwan andi-kakanaan so impanirap to. Say matoor ya aripen ko a pakakaliketan ko et sakbaten toy dusa na amayamay a totoo tan, lapud sikato, pirdonaen ko ra.

Isaias 55:3

“Dengel kayo natan, sikayon totook, tan dago kayod siak; dago kayod siak et nawalaan kayoy bilay! Ando lan andoy pisipanan kod sikayo tan iter kod sikayoy bindision ya insipan kod kinen David.

Jeremias 7:30

“Nanggawa na sakey a kaogsan iray totoo ed Juda. Inyan dad dalem na Timplok iray karimdimlak a talintaoy diriyos da, kanyan dinotakan da.

Daniel 11:31

Pagmaliwen na arum a sondalo to a marotak, onung ed ganggan, so Timplo. Patondaen day inagew-agew a bagat tan ilira da so Makapataktakot a Managderal.

Daniel 11:36

“Gawaen na ari na Siria so labay to. Ipaatagey toy sikaton dili tan ibaga ton sikatoy matalonggaring nen say dinanman a dios, anggan say Sankatageyan a Dios. Nagawaan to ya, anggad panaon a panusay Dios ed sikato. Gawaen na Dios so onung na implano ton gawaen.

Daniel 12:11

“Manlapud samay panaon ya apatonda so inagew-agew a panagbagat, salantiy manlapud samay panaon na Makapataktakot a Managderal, sanlibo, duan lasus tan siamaplon agew so onlabas.

Daniel 7:25

Mansalita na sumpad Sankatageyan a Dios tan pairapen to ray totoo na Dios. Salien ton omanen iray ganggan na rilihion da tan saray pista ra, tan oleyan ton taloy taon tan kapaldua iray totoo na Dios.

Daniel 8:13

Insan ko nadngel so sakey ya anghil ya anepet ed kapara ton anghil, “Kapigay pangangga na saraman a bengatlan anengneng ed pasingayew? Kapigay pangangga na sakey a makapasinagem a kasalanan a sinmalat ed inagew-agew iran bagat? Kapigay pangangga na pakagatin-gatin ed saray sondalo ed tawen tan say Timplo?”

Oseas 3:4

Diad singa onya, saray totood Israel mabaybayag iran mambilay ya anggapoy ari odino pangulo, anggapo ray bagat odino masanton lusek, anggapoy talintaoy diriyos odino imahin ya onkanad panagparles.

Mateo 24:15

“Onung na imbaga nen propita Daniel, nanengneng yoy ‘Makapataktakot a Managderal’ ya akaalagey ed masanton pasen. (Paimano ed saray mambabasa: talusan yoy labay to yan ibaga!)

Mateo 26:28

ta sikato yay dalak a mamaneknek ed impisipanay Dios, say dalak ya onterter a para amayamay a totoo, pian napirdona ray kasalanan.

Mateo 27:51

Diad saman a bekta, apaldua so kurtina ed Timplo, manlapud tagey ya anggad saloy. Yinmegyeg so dalin, apisag iray bato,

Marcos 13:14

“Nanengneng yoy ‘Makapataktakot a Managderal’ ya akaalagey ed ag to kanepegan a pasen. (Paimano ed saray mambabasa: talusan yoy labay to yan ibaga!) No onya lay nagawa, nakaukolan ya ombatik ed kapalandeyan iray taga Judea.

Lucas 21:20

“No nanengneng yon aliber na sondalo so Jerusalem, amta yo lan asingger lay kaderal to.

Lucas 21:24

Ompatey irad ispada, awiten da ran aripenen ed amin a bansa, tan deralen na saray Hintil so Jerusalem, anggad nasumpal so panaon da.”

Saray Taga Roma 11:26

Onyay kilaban na intiron Israel. Onung na ibabagay Masanton Sulat, “Manlapud Sion so Manangilaban. Saray kabyangay boleg nen Jacob, ekalan to ray kaogsan.

Saray Taga Roma 5:15

Balet nandomaan ira yan dua, ta ag namparay panangaroy Dios tan say kasalanan nen Adan. Tua a dakel so totoon inaatey lapud kasalanay sakey a too. Balet lalon baleg so panangaroy Dios tan say rigalon inter tod amayamay a totoo diad panamegley na baleg a panangaro na sakey a too—si Jesu-Cristo.

Saray Taga Roma 5:19

Tan no saray makasalanan et dinmakel ira lapud impankasalanay sakey a too, ontan met a saray totoon napaandiay kasalanan et ondakel ira lapud intoluk na sakey a too.

Saray Hebreo 9:28

Ontan met, aminsan a nibagat si Cristo, pian nasakbat to ray kasalanan na amayamay a totoo. Mampanengneng a kumadwa, balet aliwan lapud kasalanan, no ag ingen lapud ilaban to ray manaalagar ed sikato.