Daniel 9:25 - Maung A Balita Biblia

²⁵ Amtaen tan talusan mo ya: Manlapud kipaakseb na ganggan a nipawil ed gendat a kipapasen so Jerusalem ya anggad isabi na pangulon pinili na Dios, mamimpiton pitoran taon so napalabas. Nipaalagey lamet so Jerusalem; nipawil iray dalan tan saray mabiskeg a tirinsira to, tan mansiansia ra ya a mamimpiton anemaplo tan duan taon, balet panaon ya na saray gunigon.

Maung a Balita Biblia

²⁵ Amtaen tan talusan mo ya: Manlapud kipaakseb na ganggan a nipawil ed gendat a kipapasen so Jerusalem ya anggad isabi na pangulon pinili na Dios, mamimpiton pitoran taon so napalabas. Nipaalagey lamet so Jerusalem; nipawil iray dalan tan saray mabiskeg a tirinsira to, tan mansiansia ra ya a mamimpiton anemaplo tan duan taon, balet panaon ya na saray gunigon.

Daniel 9:25 Iomraidhean Croise

2 Samuel 15:25

Insan inkuan na ari ed kinen Sadoc, “Ipawil mo lad siudad so Kaban na Sipanan. No maung so linawa na Katawan ed siak, papawilen to ak a nengnengen ko tan say pasen a kawalaan to.

Esdras 4:24

Apatonday kimey ed Timplo tan nansiansian ag adiwit ya anggad kumadwan taon na panooley nen Impirador Dario na Persia.

Esdras 7:1

Linmabas so amayamay a taon. Nen impirador na Persia si Artajerjes, walay sakey a lakin manngaran na Esdras ya anak nen Seraya a lakin anak nen Azarias, a lakin anak nen Helcias.

Esdras 7:8

Tinaynan day Babilonia nen ononan agew na ononan bulan, et diad pananulong na Dios akasabi rad Jerusalem nen ononan agew na kumaliman bulan.

Nehemias 3:1

Onya so impamaalagey lamet ed padir na siudad. Pinasimbalon impaalagey nen Eliasib a Pangulon Pari tan saray kapara ton papari so Puirta na Karniro. Insaklang dad Dios, insan da inyan iray puirta to. Insaklang da so padir ya anggad Tori na Sanlasus tan say Tori nen Hananeel.

Nehemias 4:2

Diad arap na saray kakaiba to tan saray sondalo na Samaria inkuanto, “Antoy linmad olo na saray pangaskasiyan a Judio? Labay dan ipaalagey lamet so siudad? Abaloan da kasi a diad pangibagat da nasumpal da so kimey ed sanagew? Nayarian da kasin gawaen a bato ira may bunton na atemek-temek tan apool-poolan a bengatla?”

Nehemias 4:8

Kanyan nankokomplut iran ondogpa ed Jerusalem tan manggawa ray baleg a gewgew.

Nehemias 6:15

Kayariy impankimey a limamplo tan duay agew, asumpal so impamaalagey lamet ed padir nen kumaduamplo tan liman agew na bulan na Elul.

Saray Salmo 71:10

Labay da ak a pateyen na saray kalaban ko; mantotongtong tan mankokomplut ira sumpad siak.

Ecclesiastes 3:3

Say panaon na pampatey tay say panaon na pampaabig, say panaon na pangigeba tan say panaon na pamaalagey.

Isaias 55:4

Ginawak a pangulo tan manoley si David ed saray bansa, tan diad panamegley to impanengneng kod sikaray pakayarik.

Isaias 9:6

Dadi sikatayo nianak so sakey ya ogaw! Niiter ed sikatayo so sakey ya anak a laki! Sikatoy magmaliw a manoley tayo. Natawag a “Makapakelaw a Mananimbawa,” “Makapanyarin Dios,” “Andi-anggaan ya Ama,” “Prinsipi na Kareenan.”

Daniel 8:11

Nilabanan to so anggan say Prinsipi da ray mangatatawen a sondalo, pinatonda toy inagew-agew a panagbagat ed sikato, tan dinederal toy Timplo.

Daniel 8:25

Lapud masilib, mampalabo ed pampalikdo to. Ikinon toy laman ton dili tan pateyen ton anggapoy pasakbay iray dakel a totoo. Onsumlang ed anggan say sankatalonggaringan ya Ari, balet naderal ya anggapoy ikanan pakayari na too.

Daniel 9:23

Nen ginapwan moy mampikasi ed Dios, inebatan to ka la. Inaro to ka, kanyan linma ak dian mangibagad sika na ebat. Dengel kan maung sirin, legan kon ipapaliwawa so kabaliksan na samay pasingayew.

Mikias 5:1

Sikayo ran totood Jerusalem, pantitipon yo ray sondalo yo! Aliktub itayo la! Dodogpaan da ray pangulo na Israel!

Mikias 5:2

Say Katawan kuanto, “Betlehem Efrata, sakey ka ed saray ankekelag a baley na Juda, balet sika so panlapwan na sakey a manoley ed Israel, a say sengeg na pamilya to et natonton ed saray inmona-ona ran panaon.”

Mateo 13:23

Saray ilik a dinmapod mabonan dalin aliling day salitay Dios a dedengelen na totoo tan natalusan da. Sikara yay mambunga. Wala ray mambungay sanlalasus, wala ray sananemaplo, tan wala met iray santatalomplo.”

Mateo 24:15

“Onung na imbaga nen propita Daniel, nanengneng yoy ‘Makapataktakot a Managderal’ ya akaalagey ed masanton pasen. (Paimano ed saray mambabasa: talusan yoy labay to yan ibaga!)

Marcos 13:14

“Nanengneng yoy ‘Makapataktakot a Managderal’ ya akaalagey ed ag to kanepegan a pasen. (Paimano ed saray mambabasa: talusan yoy labay to yan ibaga!) No onya lay nagawa, nakaukolan ya ombatik ed kapalandeyan iray taga Judea.

Juan 1:41

Arumog ton tampol si agi ton Simon, tan kuanto, “Arumog miy Misias!” (“Cristo” so kabaliksan to ya.)

Juan 4:25

“Amtak,” kuanto may bii ed sikato, “ya onsabiy Misias a tatawagey Cristo. No sikatoy onsabi, ipaliwawa tod sikatayoy amin a bengatla.”

Saray Gawgawa 3:15

Kanyan pinatey yoy Manamalsay bilay, balet say Dios pinaoli tod bilay; sikami ray tasi ed sayan agawa.

Saray Gawgawa 5:31

Intanduroy Dios ed nikawanan to tan ginawa ton Pangulo tan Manangilaban a mangiter ed saray totood Israel na pankanawnawa ran mampatauli tan mangibeneg ed saray kasalanan da, pian napirdona ra.

Saray Gawgawa 8:30

Binmatik si Felipe, et nen naamparan to la, arengel ton babasaen na samay akalogan so libro nen propita Isaias. Tinepet to, “Natatalusan mo tay babasaen mo?”

TAGA-EFESO 5:16

Anamut yoy pankanawnawa yon manggaway kamaungan, ta maoges so kiwas na bilay diad sarayan agew.

Puyan 1:5

tan manlapu met ed Jesu-Cristo, say matoor a tasi, say pangulowan ya Anak ya inmolid bilay, tan sikato so manoley ed saray arari diad tapew na dalin. Inaro itayo nen Jesu-Cristo tan diad panamegley na dala to, imbolus to itayod saray kasalanan tayo.

Puyan 19:16

Akasulat ed kawes tan ulpo to so ngaran ya, “Ari da ray arari, tan Katawan da ray kakatawan.”