Daniel 9:21 - Maung A Balita Biblia

²¹ Legan kon mampipikasi, maples a tinmikyab ed kawalaan ko si Gabriel ya anengneng kod samay inmonan pasingayew ed siak. Oras lad saya na panangisaklang na bagat ed labi.

Maung a Balita Biblia

²¹ Legan kon mampipikasi, maples a tinmikyab ed kawalaan ko si Gabriel ya anengneng kod samay inmonan pasingayew ed siak. Oras lad saya na panangisaklang na bagat ed labi.

Daniel 9:21 Iomraidhean Croise

1 Saray Arari 18:29

Nanlalabir-labir tan naneeyag-eyag ira ya anggad onngangarem la; balet anggapoy ebat, anggapoy anggan narengel a tanul.

1 Saray Arari 18:36

Diad oras na panagbagat ed ngarem, inasinggeran nen Elias imay altar tan nampikasi, “O Katawan a Dios di Abraham, Isaac, tan Jacob, ipaamtam natan a sikay Dios na Israel, tan siak so aripen mo a nanggawad saya, lapud panangiganggan mo.

Saray Salmo 103:20

Idayew yoy Katawan, sikayo ran mabiskeg tan makapanyarin anghil a manusumpal na saray ganggan to tan onderengel na ibabaga to.

Saray Salmo 104:4

Gagawaen mo ran ibabakim so dagem; gagawaen mo ran aripen mo so kirmat.

Saray Salmo 141:2

Awat mo pan singa insinso so pikakasik, tan saray akatagey a limak a singa bagat no labi.

Exodo 29:39

Ibagat yod kabwasan so sakey a kordiro tan diad labi say sakey.

Isaias 6:2

Manalalagey ed kaliber-liber to iray sirapin, ya anemiray payak na balang sakey. Kapag sirapin sinakbungan toy lupa to na duaran payak to, tan say laman to asakbungan na duara met a payak, tan saramay duara inkana rad pantikyab.

Ezekiel 1:11

Akaonat ya akatagey so sankaparis a payak na balang sakey ed samay mabilay a pinalsa tan nandidiwitan so ngoroy payak na sanaabay. Saraman balet so duaran payak na balang sakey ed sikara et akasakbung ed kalamanan da.

Ezekiel 1:14

Mampawil-pawil ira may mabilay a pinalsa tan singa peles na kirmat so peles da.

Ezekiel 14:14

Anggaman a manaayam bilang irad man di Noe, Danel, tan Job, say kamaungan da ilaban to labat so bilay dan talo.” Say Katawan a Dios so nansalita.

Daniel 10:10

Insan walay liman angegnad siak, intagey to ray limak, tan impatalimukor to ak; manggiwgiw ak nid saman.

Daniel 10:16

Insan samay anghil, a singa tooy nengneng to, et diniwit to ray bibil ko. Inkuankod sikato, “Pakakapoyen ak a maung na sayan pasingayew. Ag ontonday panggiwgiw ko.

Daniel 10:18

Inegnaan to ak lamet, et binmiskeg ak.

Daniel 8:16

Nadngel koy sakey a bosis na too a nanlapud pandel na Ilog na Ulai a kuanto, “Gabriel, ipaliwawam ed sikatoy kabaliksan na anengneng to.”

Daniel 8:18

Legan ton mansasalita, niparugso ak tan ag ko amtay tapew na dalin. Balet binembenan to ak, tan impaalagey to ak,

Mateo 27:46

Nen sakey ya alas tris ed ngarem, inmeyag si Jesus na makmaksil, “Eli, Eli, lema sabachthani?” a labay ton ibaga, “Dios ko, Dios ko, akin et inkaindan mo ak?”

Lucas 1:19

Inmebat may anghil, “Siak si Gabriel a manalalagey ed arap na Dios. Imbaki to ak a mangibagad sika yan maung a balita.

Lucas 1:26

Diad kumanem a bulan na lokun nen Elizabet, imbakiy Dios si anghil Gabriel ed Nazaret, sakey a baley ed Galilea,

Saray Gawgawa 10:3

Aminsan ya alas tris ed ngarem, pinmayawar a malinlinew ed sikato so sakey ya anghil na Dios tan inkuanto, “Cornelio!”

Saray Gawgawa 10:9

Kaimbuas, nen asingger lad Jope ra may imbaki nen Cornelio, si Pedro et linmad toktok na abung a mampikasi nen ngalngali la alas dosid kaagewan.

Saray Gawgawa 12:7

Kabebekta walay manalalagey ya anghil, tan walay silew a nanliwawad loob na prisowan. Samay anghil niyegyeg tod takeb si Pedro pian naliing, tan inkuanto, “Bangon ka! Aporam!” Apaktak a tampol ira may golunggolung ya impamalur dad saray lima nen Pedro.

Saray Gawgawa 3:1

Nen aminsan ya alas tris ed ngarem, say oras na panagpikasi, linma ra di Pedro tan Juan ed Timplo.

Saray Hebreo 1:14

Siopa sirin iray anghil? Ispiritu ran amin a manlilingkur ed Dios, tan imbaki to ran ontulong ed saray mangawat na kilalaban.

Saray Hebreo 1:7

Nipaakar ed saray anghil, inkuay Dios, “Say Dios gagawaen ton dagem iray anghil to, tan manliub ya apoy iray aripen to.”

Puyan 9:17

Diad payawar ed siak anengneng ko ray kabayo tan saray akakabayo: asakuban so pagew da na ambalangan singa apoy, asul a singa safiro, tan doyaw a singa asupri. Singa oloy lion so olo da ra may kabayo, tan ompapaway ed sangi ra so apoy, asewek, tan asupri.