Daniel 8:8 - Maung A Balita Biblia

⁸ Pinmalalo lan pinmalalo so inkalastug to may kanding, balet nen kabisbiskegan to la apoter imay balbaleg a saklur to. Balet sinmalat ed samay saklur so apatiran maparontal a saklur, tan akatoro ed sananey a dapag so balang sakey.

Maung a Balita Biblia

⁸ Pinmalalo lan pinmalalo so inkalastug to may kanding, balet nen kabisbiskegan to la apoter imay balbaleg a saklur to. Balet sinmalat ed samay saklur so apatiran maparontal a saklur, tan akatoro ed sananey a dapag so balang sakey.

Daniel 8:8 Iomraidhean Croise

2 Saray Awaran 26:16

Balet nagmaliw a mapaatagey si Ari Uzias nen pinmalaloy pakayari to; sikato yay makasengeg na inkaderal to. Nileglemew to so Katawan a Dios to nen linmad Timplo a nampool na insinso ed tapew na altar a panagpoolay insinso.

Ester 9:4

Kabkabat ed intiron nanarian a si Mardokeo et makapanyari ed palasio, tan ombabaleg so pakayari to.

Jeremias 49:36

Manlapud amin a dapag pasiplugen koy dagem sumpad Elam, tan nikaykayat ed nandoroman pasen iray totoo to, anggad anggapoy bansan ag da abatikan.

Jeremias 5:27

Singa sakey ya umaanop a papanoen toy kolungan to na saray manok, pinano da ray kaabungan da na saray asamsam. Sikato yay makasengeg a makapanyari tan mayaman ira,

Ezekiel 16:7

Pinabaleg ta kan singa malambut a tanaman. Binmaleg kan mabiskeg, atagey tan nagmaliw kan malangwer a marikit. Balibaliy impanpagew mo tan dinmokey so buek mo, balet lakseb-labus ka.

Ezekiel 28:9

No laen da kan pateyen, nibagam nin sakey ka a dios? No miarapan kad saray mamatey ed sika, sakey ka a toon ompatey, aliwan Dios met lamlamang.

Daniel 11:4

Balet diad kabisbiskegay pakayari to nabuyak so impirio to tan napangkapat. Onsalat ed sikatoy ararin aliwan sikatoy sengeg da, balet ag da naparaay pakayari to.

Daniel 4:31

Mansasalita ni si Ari Nabucodonosor nen walay bosis a nanlapud tawen a kuanto, “Ari Nabucodonosor, dengel moy ibagak ed sika! Nakal lad sika so pakayarim ya ari.

Daniel 5:20

Balet lapud nagmaliw a mapaatagey, anawet so puso, tan maruksa si amam, niepas ed trono to tan nakalan na kagalangan.

Daniel 7:2

nipaakar ed anengneng ko ed saman a labi: Onsisiplug ed tapew na dayat so dagem a manlalapud amin a dapag.

Daniel 7:6

Nen ombabantay ak, sakey lamet ya ayep so pinmaway. Singa liopardo so nengneng to, balet walay apatiran payak ed beneg to a singa ra payak na manok, tan apatiray olo to. Niiter ed sikato so pakaoley.

Daniel 8:22

Saramay apatiran saklur a tinmubo nen apoter imay ononan saklur et saray apatiran nanarian a pakaapagan na samay bansa tan aliwan singa biskeg na samay inmonan nanarian so biskeg da.

Daniel 8:5

Legan kon momotekteken so kabaliksan to ya, sinmabin nanlapud sagur so sakey a kanding. Mapmaples a sinmabi; diad gaway peles to ag dinmiwit ed dalin iray sali to. Walay maparparontal a saklur tod nanleetan na saray mata to.

Daniel 8:7

Binantayan kon dinmogpa ed samay karniro. Diad ontan lan pasnuk ton dinmumbo ed samay karniro, apoter to may duaran saklur. Makulang so biskeg to may karniro ya onlaban ed samay kanding. Nipasobsob ed dalin tan agatin-gatinan, et anggapoy makapangilaban ed sikato ed pakayari na samay kanding.

Mateo 24:31

Ontanul so baleg a trumpita, tan ibaki tod apatiran suyok na mundo ray anghil to tan, manlapud amin a pasey mundo, tiponen da ray totoon piniliy Dios.”

Marcos 13:27

Ibaki tod apatiran suyok na mundo ray anghil to tan, manlapud amin a pasey mundo, tiponen da iray totoon piniliy Dios.”

Deuteronomio 31:20

Iyakar ko rad saman a mayaman tan mataban dalin onung na insipan kod saray lalaki ra. Nawalaan irad man na amin a labay dan kanen; mainawa tan maliket so pambilay dad man. Balet onasingger irad arum a diriyos tan mangigalang irad sikara. Ipolisay da ak tan deralen day impisipanan kod sikara,

Puyan 7:1

Kasumpal to ya, anengneng koy apatiran anghil a manalalagey ed saray apatiran sokung na mundo. Babaraen da ray apatiran dagem na mundo, pian ag onsiplug ed tapew na dalin, o diad dayat, o diad anton kiew.