Daniel 8:4 - Maung A Balita Biblia

⁴ Binantayan ko may karniro a bobonoen toy bandad sagur, baybay, tan diad abalaten. Anggapoy ayep a makapatondad sikato odino makapaliis ed pakayari to. Ginawa toy labay ton dili tan pinmalaloy inkalastug to.

Maung a Balita Biblia

⁴ Binantayan ko may karniro a bobonoen toy bandad sagur, baybay, tan diad abalaten. Anggapoy ayep a makapatondad sikato odino makapaliis ed pakayari to. Ginawa toy labay ton dili tan pinmalaloy inkalastug to.

Daniel 8:4 Iomraidhean Croise

1 Saray Arari 22:11

Nanggawa na saray saklur a balatyang so sakey ed sarap propita a si Sedekias a lakin anak nen Canaana tan kuantod kinen Acab, “Onyay inkuan na Katawan: ‘Diad panamegley na saraya, labanan mo ray Siriano, et sigput a taloen mo ra.’”

Say Libro nen Job 10:7

Amtam ya anggapoy kasalanan ko, tan anggapoy makapangyagel ed siak ed sika.

Saray Salmo 44:5

tan lapud pakayarim tataloen mi ray kalaban mi.

Saray Salmo 50:22

“Dengel yo ya, sikayon ag mangasasikasod siak, ta no andi, bingbingkasen ta kayo, et anggapoy mangyagel ed sikayo.

Saray Salmo 7:2

ta no andi, singa ra lion a mangyakar ed siak ed arawin pasen, ya anggapo lad may makapangilaban ed siak, et bingbingkasen da ak.

Ezekiel 34:21

Impapaliis yo ray mansasakit tan binubuno yo ran pinaarawid poluk.

Daniel 11:16

Say taga Sirian makadakep et gawaen tod sikara so labalabay to, tan anggapoy onsumlang ed sikato. Onalagey ed Nisipan a Dalin tan sigput ton naoleyan yan dalin.

Daniel 11:36

“Gawaen na ari na Siria so labay to. Ipaatagey toy sikaton dili tan ibaga ton sikatoy matalonggaring nen say dinanman a dios, anggan say Sankatageyan a Dios. Nagawaan to ya, anggad panaon a panusay Dios ed sikato. Gawaen na Dios so onung na implano ton gawaen.

Daniel 5:19

Mapalaloy inkatalonggaring to, kanyan manggiwgiw tan antakot ed sikato iray totoo ed amin a bansa ya anggan antoy kolor na baog da tan salita ra. Pinatey to so siopaman a toon nilabay ton pateyen; impansiansia ton mabilay iray nilabay ton bilayen. Pinagalangan tan impelag tod kababaingan so siopaman a toon nilabay to.

Daniel 5:30

Diad saman lamlamang a labi apatey si Belsasar ya ari na Babilonia;

Daniel 7:5

Say kumadwan ayep et singa uso ya akaalagey ed saginonur iran sali to. Sankatangal to ray taloran taglang tan walay bosis a nankuan ed sikato, “Sigi, mangan ka labat na karni ed anggaay nayarian mo!”

Daniel 8:7

Binantayan kon dinmogpa ed samay karniro. Diad ontan lan pasnuk ton dinmumbo ed samay karniro, apoter to may duaran saklur. Makulang so biskeg to may karniro ya onlaban ed samay kanding. Nipasobsob ed dalin tan agatin-gatinan, et anggapoy makapangilaban ed sikato ed pakayari na samay kanding.

Mikias 5:8

Saray atilak ed saray bansa et magmaliw iran singa lion a manaanap ed takel odino diad pastolan na kanen to; onlad kawalaan da ray karniro, tekmelan to ra, tan bingbingkasen to ra—et anggapoy makapangyagel.

Deuteronomio 33:17

Singa biskeg na bakan kalakyan so biskeg nen Jose, Singa saray saklur na bakad katakelan iray saklur to. Saray saklur to et singa pigan libon saklur nen Manases Tan samplon libon saklur nen Efraim. Pambono to rad saray bansa Tan pandesdes tod saraya ya anggad saray sokusokung na mundo.”