Daniel 8:3 - Maung A Balita Biblia

³ tan diman ed pandel na ilog anengneng koy sakey a karniron kalakyan a duaray andorokey a saklur to, a say sakey et andokdokey tan balo ni nen samay sakey.

Maung a Balita Biblia

³ tan diman ed pandel na ilog anengneng koy sakey a karniron kalakyan a duaray andorokey a saklur to, a say sakey et andokdokey tan balo ni nen samay sakey.

Daniel 8:3 Iomraidhean Croise

1 Saray Awaran 21:16

Tinmangay si David et anengneng to may anghil a manalalagey ed liwang, sankabembenan toy ispada to, tan akaparaan lan maneral ed Jerusalem. Insan si David tan saray pangulo da ray totoo—akakawes iran amin na sako—dinmakmomo ra ya anggad dalin.

Esdras 1:2

“Sikato yay ganggan nen Ciro ya Impirador na Persia. Say Katawan a Dios na Tawen ginanggan to ak a manoley ed intiron mundo tan impalima tod siak so pangipaalagey na Timplon para sikato diad Jerusalem na Juda.

Esdras 4:5

Pinapasoksokan da ray opisyal ed gobirno, pian sumpaen da ra. Ag da tinondaan a ginagawa ya, legan na impanoley nen Impirador Ciro ya anggad impanoley nen Impirador Dario.

Ester 1:3

Diad kumatlon taon na panooley to imparaanan toy baleg a ponsia iray amin ya opisyal to tan saray katulong tod panooley to. Dinmagop iray sondalo na Persia tan saray sondalo na Media. Dinmagop met iray gobirnador tan saray manonan totoo ed saray luyag.

Isaias 13:17

Say Katawan kuanto, “Sosogsogan kon ondogpad Babilonia iray taga Medes. Anggapoy walad sikara so pilak tan anggapoy liket dad balituk.

Isaias 21:2

Nipasingayew ed siak so nipaakar ed saray maruksan nagawa a nipaakar ed panagtraidor tan panagderal. Sondalo na Elam, dogpa kayo! Sondalo na Media, looban yo ray siudad! Panganggaen la na Dios so panamairap na Babilonia.

Isaias 44:28

Ikokuankod kinen Ciro, ‘Sikay mangilaman ed siak a manoley; onuren mo so labay kon pagawad sika; iganggan mon nipaalagey lamet so Jerusalem tan nilira iray pundasion na Timplo.’”

Jeremias 51:11

Dinagdag na Katawan iray arari na Media, lapud getma ton deralen so Babilonia. Onya so ibawi to lapud samay inkaderal na Timplo to. Saray opisyal ya ondodogpa igaganggan da, “Tareman yo ray pana yo! Iparaan yo ray samper yo!

Daniel 10:5

Tinmangay ak, et anengneng koy sakey a lakin akakawes na linen tan akabalkes na pinon balituk.

Daniel 2:39

No anggapo ka la onsalat so sananey ya impirio, balet aliwan singa kabaleg tan katalonggaring na impiriom. Kayari to ya, onsalat so kumatlon impirio na gansa a sikatoy manoley ed intiron mundo.

Daniel 5:31

si Dario a taga Media, tan mantaon ed saman na anemaplo tan dua, et sinamsam to so pakaoley na ari.

Daniel 6:28

Inmaligwas si Daniel legan na impanoley nen Dario tan legan na impanoley nen Ciro a taga Persia.

Daniel 7:5

Say kumadwan ayep et singa uso ya akaalagey ed saginonur iran sali to. Sankatangal to ray taloran taglang tan walay bosis a nankuan ed sikato, “Sigi, mangan ka labat na karni ed anggaay nayarian mo!”

Daniel 8:2

Diad sayan pasingayew biglan niwala ak ed dalem na aliber na padir a siudad na Susa diad luyag na Elam. Manalalagey ak ed gilig na Ilog na Ulai,

Daniel 8:20

“Samay anengneng mon karniron kalakyan a duaray saklur to et say nanarian na Media tan Persia.

Zacarias 1:18

Diad sananey a pasingayew anengneng koy apatiran saklur na baka.

Zacarias 2:1

Diad sananey a pasingayew anengneng koy sakey a lakin sankabembenan toy panagsukat.

Zacarias 5:1

Ninmengneng ak lamet, et anengneng koy sakey a nilokut a babasaen ya ontitikyab ed tagey.

Zacarias 5:5

Pinmanengneng lamet imay anghil tan kuanto, “Nengneng mo! Sananey lamet so onsasabi!”

Zacarias 5:9

Tinmangay ak et anengneng koy duaran bii ya ontitikyab a mamapaarap ed siak; mabisbiskeg iray payak dan singa ra payak na dulakak. Inala da may baskit tan intikyab da.

Zacarias 6:1

Wala niy sananey a nipasingayew ed siak. Akanengneng ak natan na apatiran karwahi ya ompapaway ed nanleetan na duaran gansan palandey.

Saray Bilang 24:2

et anengneng to ray Israelita a walay kampo na kapag tribu. Linmoob ed sikato so ispiritu na Dios,

Josue 5:13

Nen asingger lad Jerico si Josue, biglan anengneng toy sakey a lakin manalalagey ed arap to a sankabembenan toy sakey ya ispada. Dinago nen Josue tan tinepet to, “Sakey ka ed saray sondalo mi, odino sakey kan kalaban?”

Puyan 13:11

Insan anengneng kon pinmaway a nanlapud dalin so sakey nin ayep. Duaray saklur to a singa saklur na kilaw a karniro, balet say bosis to singa bosis na dragon.

Puyan 5:6

Insan anengneng koy sakey a Kordiron manalalagey ed pegley na samay trono, a niliber na saramay apatiran mabilay a pinalsa tan saramay mamatakken. Singa pinatey so nengneng to may Kordiro. Pitoray saklur to tan pitora met so mata to, a sikaray pitoran ispiritu na Dios a nibakid sankamundoan.