Daniel 8:24 - Maung A Balita Biblia

²⁴ Ompalaloy biskeg to—balet aliwan lapud dilin pakayari to. Makapataktakot so panderal to tan onaligwas ed amin a gawaen to. Deralen to ray makapanyarin lalaki tan saray dilin totoo na Dios.

Maung a Balita Biblia

²⁴ Ompalaloy biskeg tobalet aliwan lapud dalin pakayari to. Makapataktakot so panderal to tan onaligwas ed amin a gawaen to. Deralen to ray makapanyarin lalaki tan saray dilin totoo na Dios.

Daniel 8:24 Iomraidhean Croise

Saray Salmo 37:35

Aminsan akanengneng ak na toon maoges tan maruksa; singa kiew a sidro ed Libano so panagpaatagey to;

Daniel 11:23

Diad pipaknaan tod saray arum a bansa, palikdoen to ra, tan ombiskeg lan ombiskeg anggaman a melag a bansa so ooleyan to.

Daniel 12:7

Samay anghil inyonat tod tawen iray lima to tan nansambad ngaran na Andi-anggaan a Dios. Nadngel kon imbaga to, “Anggad onlabas so taloy taon tan kapaldua. No mansamput lay panagpairap ed saray totooy Dios, agawa la ya amin a bengatla.”

Daniel 7:25

Mansalita na sumpad Sankatageyan a Dios tan pairapen to ray totoo na Dios. Salien ton omanen iray ganggan na rilihion da tan saray pista ra, tan oleyan ton taloy taon tan kapaldua iray totoo na Dios.

Daniel 8:10

Pinmalaloy imbiskeg to ya anggad nilalabanan to ray sondalo ed tawen, saray dilin bitewen, insan to imbantak ed dalin iray pigarad sikara tan ginagatinan to ra.

Daniel 8:11

Nilabanan to so anggan say Prinsipi da ray mangatatawen a sondalo, pinatonda toy inagew-agew a panagbagat ed sikato, tan dinederal toy Timplo.

Daniel 8:12

Nankasalanan iray totoo, anta mangisaklang ira komun na manepeg ya inagew-agew a bagat, tan nibantak ed dalin so katwaan. Maaligwas imay saklur ed amin a ginagawa to.

Daniel 8:23

“No magano lay pangangga na saraman a nanarian tan nagmaliw la ran maoges, kanyan kanepegan da lay dusaen, walay onletaw ya arin anawet so olo tan maoges, tan managpalikdo.

Puyan 16:6

Pinaagos day dala na saray totooy Dios tan saray propita, kanyan initdan mo ray dala ya inomen da. Kanepegan a nagawad sikara ya!”

Puyan 17:17

Inseksek na Dios ed puso ra so pangonur dad labay to, diad panamegley na pankakasakey dan mangiter ed samay ayep na pakayari ran manoley, anggad ontua ray salitay Dios.

Puyan 17:6

Anengneng kon samay bii abuek na dala da ray totooy Dios tan saray pinapatey lapud matoor irad kinen Jesus. Mankelaw ak a maung nen anengneng ko may bii.

Puyan 19:2

Matonung tan tua ray sintinsia to! Dinusa toy makapanyarin marotak a biin mangikakayat na kaogsan ed dalin, lapud pankakasalanan toy inmoralidad. Say Dios dinusa to, lapud impamatey tod saray aripen na Katawan.”