Daniel 8:17 - Maung A Balita Biblia

¹⁷ Dinmagoy Gabriel tan nanalagey ed abay ko, tan lapud mapalaloy inkataktakot ko niparugso ak ed dalin. Inkuantod siak, “Sika a toon ompatey, talusan moy kabaliksan na pasingayew a nipaakar ed anggaay mundo.”

Maung a Balita Biblia

¹⁷ Dinmagoy Gabriel tan nanalagey ed abay ko, tan lapud mapalaloy inkataktakot ko niparugso ak ed dalin. Inkuantod siak, Sika a toon ompatey, talusan moy kabaliksan na pasingayew a nipaakar ed anggaay mundo.

Daniel 8:17 Iomraidhean Croise

Genesis 17:3

Dinmakmomoy Abram ya anggad dalin so lupa to, insan inkuan na Dios.

Ezekiel 1:28

tan walad sikatoy amin a kolor na bunlalakaw. Sikato yay mankidyam a liwawan mangipapanengneng na kiwawala na Katawan.

Ezekiel 2:1

Nen anengneng ko ya, tinmikleb ak ed dalin. Insan ko nadngel so bosis a kuanto, “Sika a toon ompatey, alagey ka. Labay koy mitongtong ed sika.”

Ezekiel 44:4

Insan samay laki indalan to ak ed samay puirtad baybay diad impangyakar tod siak ed arap na Timplo. Ninmengneng ak, et naimanok a samay Timplo na Katawan et napno na kagalangan na Katawan. Intiblak ko ed dalin,

Ezekiel 6:2

Inkuanto, “Sika a toon ompatey, bantag kad kapalandeyan na Israel tan mampropisiya ka na sumpad sikara.

Daniel 10:11

Inkuan na samay anghil ed siak, “Daniel, inararo ka na Dios. Alagey ka tan dengedengel moy ibagak ed sika. Nibaki ak ed sika.” Kapangibaga to yad siak, inmalagey ak a mangigiwgiw ni.

Daniel 10:16

Insan samay anghil, a singa tooy nengneng to, et diniwit to ray bibil ko. Inkuankod sikato, “Pakakapoyen ak a maung na sayan pasingayew. Ag ontonday panggiwgiw ko.

Daniel 11:27

Insan saramay duaran ari ondongo ran mangan ed saksakey a lamisaan, balet maoges so getma ran dua, tan mantilaan ira. Ag da nagamuran so labay da, lapud ag ni sinmabi so panaon a pakala ra.

Daniel 11:40

“No ngalngali la mansamput so panoley na ari na Siria, ondogpad sikato so ari na Egipto, et say ari na Siria iyoput toy pakayari ton onlaban ya ipakana to ray karwahi, saray kabayo, tan amayamay a bapor. Singa danum a delap ya onagos so iloob tod saray amayamay a bansa.

Daniel 12:13

“Sika, Daniel, mansiansia kan matoor ya anggad kasamputan. Insan ka ompatey, balet onalagey kan mangawat na tumang mo diad kasamputan na panaon.”

Daniel 12:4

Inkuantod siak, “Natan, Daniel, ikaput mo la so libro tan timbrian mo ya anggad isabiy anggaan na mundo. Legan to ya, amayamay iray mandarak na sagput dan mangamta na kabaliksan na nagagawa.”

Daniel 2:46

Insan dinmakmomo ya anggad dalin si Ari Nabucodonosor tan ingganggan ton nisaklang ed kinen Daniel iray bagat tan insinso.

Daniel 7:16

Inasinggeran koy sakey ed saramay manalalagey diman tan kinerew kod sikaton ipaliwawa ton amin iray pasingayew. Kanyan imbaga tod siak so kabaliksan dan amin.

Daniel 8:15

Siak, si Daniel, tatalusan koy kabaliksan to may pasingayew, insan biglan walay singa sakey a toon manalalagey ed arap ko.

Daniel 8:19

tan kuanto, “Ipapanengneng kod sikay pansumpalan na pasnuk na Dios. Samay pasingayew et nipaakar ed niganan panaon na anggaan.

Daniel 8:27

Siak, si Daniel, kinmapoy ak tan nansakit ak a pigaran agew. Insan ak binmangon tan pinmawil ed kimey ya impalima na ari ed siak, balet nikelawan ak ed pasingayew tan ag ko natalusan so kabaliksan to.

Daniel 9:23

Nen ginapwan moy mampikasi ed Dios, inebatan to ka la. Inaro to ka, kanyan linma ak dian mangibagad sika na ebat. Dengel kan maung sirin, legan kon ipapaliwawa so kabaliksan na samay pasingayew.

Daniel 9:27

Pitoy taon a saman a manoley et nawalaan na malet a sipanan ed amayamay a totoo, tan kalabas na kapalduad sayan panaon, patondaen toy pangisaklang na saray bagat. Nipasen ed sankatageyan a parti na Timplo so Makapataktakot a Managderal tan mansiansiad man ya anggad onsabi so inggetar na Dios a pangangga na samay angipasen diman.”

Habacuc 2:3

Isulat mo yan ipasingayew kod sika, ta aliwa nin natan a panaon so pakagawa to. Balet masiglat ya onsasabiy panaon tan ontua so ipaamtak ed sika. Nayarin singa matantan so isabi to, balet alagar mon onsabi; andi-saew a nagawa, tan ag la naabala so isabi to.

Mateo 17:8

Nen tinmangwa ra, anggapo lay anengneng da no ag si Jesus labat.

Puyan 1:17

Kanengneng kod sikato, singa ak inatey ya alokbub ed saliyan to. Balet intapew toy kawanan a lima tod siak tan inkuanto: “Ag ka natatakot! Siak so sankaonaan tan say sankasamputan.

Puyan 22:8

Siak, a si Juan, so akadngel tan akanengneng ed saraya. Kasumpal na impakadngel tan impakanengneng ko, dinmakmomo ak ed saliyan to may anghil ya angipanengneng ed siak na saraya tan inggalang ko.