Daniel 7:9 - Maung A Balita Biblia

⁹ Nen onnenengneng ak, nilira iray trono. Inmirung ed sakey a trono imay mambibilay ya anggad angga. Singa poti na yilo so kawes to, tan singa puron abel a lana iray buek to. Manliub so trono ton nilirad saray apoy a dalig,

Maung a Balita Biblia

⁹ Nen onnenengneng ak, nilira iray trono. Inmirung ed sakey a trono imay mambibilay ya anggad angga. Singa poti na yilo so kawes to, tan singa puron abel a lana iray buek to. Manliub so trono ton nilirad saray apoy a dalig,

Daniel 7:9 Iomraidhean Croise

1 Saray Arari 22:19

Intuloy nen Micaya ya inkuan, “Dengel mo natan so ibabagay Katawan! Anengneng koy Katawan a manyodyorung ed trono tod tawen, tan manalalagey ed diking to iray amin ya anghil to.

2 Saray Awaran 18:18

Intuloy nen Micaya ya inkuan, “Dengel yo natan so ibabagay Katawan! Anengneng koy Katawan a manyodyorung ed trono tod tawen, tan manalalagey ed diking to iray amin ya anghil.

Saray Salmo 45:8

Say pabalingit a nanlapud mira tan aloe et mansamyung ed kawes mo; saray musiko paliliketen da kad saray palasion adikoraan na garing.

Saray Salmo 90:2

Kasakbayay impamalsam ed saray palandey, odino impamalsam ed mundo, Dios ka la manlapud gapoy-gapo; Dios ka ya anggad angga.

Saray Salmo 93:2

Manlapud gapoy gapo malet a niletneg so tronom, O Katawan, tan wala ka la kasakbayan na inkiwalay panaon.

Isaias 6:1

Diad samay taon ya inatey si Ari Uzias anengneng koy Katawan. Manyodyorung ed trono ton atagey tan mapagalang, tan nilaknaban na kawes to so intiron Timplo.

Isaias 9:6

Dadi sikatayo nianak so sakey ya ogaw! Niiter ed sikatayo so sakey ya anak a laki! Sikatoy magmaliw a manoley tayo. Natawag a “Makapakelaw a Mananimbawa,” “Makapanyarin Dios,” “Andi-anggaan ya Ama,” “Prinsipi na Kareenan.”

Jeremias 49:38

Deralen ko ray arari ra tan saray pangulo ra, insan ko ilira so tronok diman.

Ezekiel 1:26

Diad tagey na tambubong walay bengatlan singa tronon sapiro, tan manyodyorung diman ed trono so singa too.

Daniel 7:13

Legan na sayan pasingayew ed labi, anengneng koy singa sakey a too. Onsisingger ed siak, ya aliber na saray lorem, tan linmad samay mambibilay ya anggad angga tan niparontal ed sikato.

Daniel 7:22

Insan sinmabi may mambibilay ya anggad angga tan sinintinsiaan ton analo ra may totoo na Sankatageyan a Dios. Sinmabiy panaon ya awaten na saray totooy Dios so panarian.

Mikias 5:2

Say Katawan kuanto, “Betlehem Efrata, sakey ka ed saray ankekelag a baley na Juda, balet sika so panlapwan na sakey a manoley ed Israel, a say sengeg na pamilya to et natonton ed saray inmona-ona ran panaon.”

Habacuc 1:12

Katawan, manlapud gapoy gapo Dios ka la. Sika so Dios ko, masanto tan andi-anggaan. Katawan a Dios ko tan manangyagel ko, pinilim iray taga Babilonia tan pinabiskeg mo ra, pian nadusa da kami.

Mateo 17:2

Nen wadman ira naimatunan da a naoman so nengneng nen Jesus: sinminag a singa agew so lupa to tan pinmotin singa liwawa so kawes to.

Mateo 28:3

Maliwliwawan singa kirmat so lupa to, tan ampotipotin maung so kawes to.

Marcos 9:3

Sinmilesileng tan pinmotipoti so kawes to; anggapoy pumepesak a makapapotiy kawes a singa poti to.

Saray Gawgawa 2:30

Si David sakey a propita tan amta toy sipan na Dios ed sikato. Insipay Dios a pagmaliwen ton ari a singa si David so sakey ed saray kabyangay boleg to.

Saray Gawgawa 2:33

Niatagey ed nikawanay Dios, tan inawat toy Ispiritu Santo ya insipan na Ama to. Inter nen Jesus yan Ispiritu Santo ed sikami, onung na nanenengneng tan narerengel yo natan.

FILIPOS 3:9

tan nagnap so pikasakey kod sikato. Anggapo lay pilalek kon napatonung onung na panangonur ed Ganggan, ta apatonung ak la diad panamegley na pananisiad Cristo. Inter na Dios yad siak, salanti say pakapatonung a niletneg ed pananisia.

1 Timoteo 6:16

Sikato labat so ag ompatey; manaayam ed liwawan anggapoy makaasingger. Anggapo niy akanengneng, anggapo ingey nayarin makanengneng ed sikato. Diad sikato labat komuy kawalaay galang tan andi-anggaan a pakayari! Amen.

1 Juan 1:5

Saya so balitan nadngel mid Anak to, tan ipapakabat mid sikayo: Silew so Dios tan anggapon balut so kabilongetan ed sikato.

Puyan 1:14

Say olo to tan say buek to et ampoti a singa kinapoti na bagoy karniro, o kinapoti na kapes, tan saray mata to et mandarlang a singa apoy.

Puyan 19:18

Gali dia, tan akan yo ray laman da ray arari, saray hiniral, tan saray sondalo, saray laman da ray kabayo tan saray akakabayo, saray laman na amin a katoowan—aripen man o andi, abeba man o atagey ed kipapasen!”

Puyan 20:4

Insan anengneng ko ray trono, tan saray akayorung et naitdan iray pakayarin manintinsia. Anengneng ko met so kamarerwa da ray pinapatey lapud impanpupulong dad katwaan ya impaamta nen Jesus tan say salitay Dios. Ag ira ya angigalang ed samay ayep o say talintao to; ag met amarkaay timbri na ayep so muling o lima ra. Abilay ira tan manari ran kaiba nen Cristo diad loob na sanliboy taon.

Puyan 4:2

Kabebekta, niwala ak ed pakayari na Ispiritu, tan anengneng kod tawen so sakey a tronon walay akayorung.