Daniel 7:6 - Maung A Balita Biblia

⁶ Nen ombabantay ak, sakey lamet ya ayep so pinmaway. Singa liopardo so nengneng to, balet walay apatiran payak ed beneg to a singa ra payak na manok, tan apatiray olo to. Niiter ed sikato so pakaoley.

Maung a Balita Biblia

⁶ Nen ombabantay ak, sakey lamet ya ayep so pinmaway. Singa liopardo so nengneng to, balet walay apatiran payak ed beneg to a singa ra payak na manok, tan apatiray olo to. Niiter ed sikato so pakaoley.

Daniel 7:6 Iomraidhean Croise

Ezekiel 17:3

diad pangipaamtam ed sikara na ibabagak ed sikara, siak a Katawan a Dios: Walay sakey a balbaleg ya agila ya akabuskag so balibali tan balbaleg iran payak to. Tinmikyab ed Kapalandeyan na Libano tan inala ton pinoter so toktok na kiew a sidro.

Daniel 10:20

Inkuanto, “Amtam so makasengeg na inyakaran kod sika? Linma ak dia, ta ipaamtak ed sika so nisulat ed Libro na Katwaan. Ompawil ak la natan, ta milaban ak ed anghil a bantay na Persia. Kayari to ya ompanengneng so anghil a bantay na Grecia. Anggapoy arum ya ontulong ed siak likud ed kinen Miguel ya anghil a bantay na Israel.

Daniel 2:39

No anggapo ka la onsalat so sananey ya impirio, balet aliwan singa kabaleg tan katalonggaring na impiriom. Kayari to ya, onsalat so kumatlon impirio na gansa a sikatoy manoley ed intiron mundo.

Daniel 7:4

Say onona singa lion so nengneng to, balet wala ray payak to a singa saray payak na agila. Nen ombabantay ak, nakal ira may payak to. Niatagey imay ayep tan nipaalagey a singa too. Insan niiter ed sikato so kanunotan na too.

Daniel 7:5

Say kumadwan ayep et singa uso ya akaalagey ed saginonur iran sali to. Sankatangal to ray taloran taglang tan walay bosis a nankuan ed sikato, “Sigi, mangan ka labat na karni ed anggaay nayarian mo!”

Oseas 13:7

Kanyan singa ak lion ya ondogpad sikayo. Singa ak liopardon mantalaran a mananeb ed dalan yo.

Puyan 13:2

Singa liopardo man ya ayep ya anengneng ko. Singa sali na uso ray sali to, tan singa sangiy lion so sangi to. Inter na dragon ed samay ayep so dilin pakayari to, say trono to, tan say baleg a pakaoley to.