Daniel 7:28 - Maung A Balita Biblia

²⁸ Sikato yay samput na samay inkagawa. Ataktakot ak a maung kanyan pinmotiy bosaleg ko, tan pinokuk kod siak a dili ira yan amin ya agawa.

Maung a Balita Biblia

²⁸ Sikato yay samput na samay inkagawa. Ataktakot ak a maung kanyan pinmotiy bosaleg ko, tan pinokuk kod siak a dili ira yan amin ya agawa.

Daniel 7:28 Iomraidhean Croise

Genesis 37:10

Imbaga to met yan kogip to ed kinen ama to, et nampasnukan da. “Anto tan a kogip?” inkuanen ama to. “Abaloan mo sirin si inam, saray agagim, tan siak et ondago kamin ondakmomod sika?”

Genesis 37:11

Mangimon iray agagi nen Jose ed sikato, balet ninudnunot ira ya nen ama to.

Daniel 10:16

Insan samay anghil, a singa tooy nengneng to, et diniwit to ray bibil ko. Inkuankod sikato, “Pakakapoyen ak a maung na sayan pasingayew. Ag ontonday panggiwgiw ko.

Daniel 10:8

Bukbukor koy atilak diman, a bambantayan ko man a makapakelaw a pasingayew. Anggapoy nakdaan a biskeg ko, tan naoman so nengneng na lupak, kanyan anggapoy makabirbir ed siak.

Daniel 11:27

Insan saramay duaran ari ondongo ran mangan ed saksakey a lamisaan, balet maoges so getma ran dua, tan mantilaan ira. Ag da nagamuran so labay da, lapud ag ni sinmabi so panaon a pakala ra.

Daniel 12:13

“Sika, Daniel, mansiansia kan matoor ya anggad kasamputan. Insan ka ompatey, balet onalagey kan mangawat na tumang mo diad kasamputan na panaon.”

Daniel 12:9

Inmebat imay anghil, “Laka la, Daniel, ta nepeg ya iyamut ira yan salita tan ag iran balut ipaamta ya anggad onsabi lay anggaan.

Daniel 4:16

Pitoy taon a say panagnunot na ayep so niwalad sikato, aliwan panagnunot na too.

Daniel 4:19

Lapud saya, si Daniel a tatawagen met na Beltsasar et apagaan, kanyan ag makasel. Inkuan na ari ed sikato, “Ag ka mapaga lapud samay kogip tan say labay ton ibaga.” Inmebat si Beltsasar, “Kagalang ya Ari, aliwan sika komun so kipaakaran na kabaliksan na kogip, no ag ta saray kalaban mo.

Daniel 5:6

Pinmotiy bosaleg to tan diad gaway inkataktakot to, mampayegpeg iray pueg to.

Daniel 7:15

Lapud saramay nipasingayew ed siak, apagaan tan agunigon ak.

Daniel 8:1

Diad kumatlon taon na panaari nen Belsasar, pinmatnag ed siak so kumadwan pasingayew.

Daniel 8:17

Dinmagoy Gabriel tan nanalagey ed abay ko, tan lapud mapalaloy inkataktakot ko niparugso ak ed dalin. Inkuantod siak, “Sika a toon ompatey, talusan moy kabaliksan na pasingayew a nipaakar ed anggaay mundo.”

Daniel 8:19

tan kuanto, “Ipapanengneng kod sikay pansumpalan na pasnuk na Dios. Samay pasingayew et nipaakar ed niganan panaon na anggaan.

Daniel 8:27

Siak, si Daniel, kinmapoy ak tan nansakit ak a pigaran agew. Insan ak binmangon tan pinmawil ed kimey ya impalima na ari ed siak, balet nikelawan ak ed pasingayew tan ag ko natalusan so kabaliksan to.

Marcos 9:15

Kanengneng na saray totoo ed kinen Jesus, nikelawan ira. Inabet da, insan da imbano.

Lucas 2:19

Ninunnunot ira yan amin nen Maria tan inyatol to rad puso to.

Lucas 2:51

Kaiba ran pinmawil si Jesus ed Nazaret, tan matoluk ed saray atateng to. Inyatol nen ina to ra yan amin ed puso to.

Lucas 9:44

“Ag yo lilingwanay ibagak ed sikayo natan! Say Anak na Too nipalima ed pakayariy totoo.”