Daniel 7:24 - Maung A Balita Biblia

²⁴ Saramay samploran saklur et saray samploran arari a manoley ed samay impirio. Insan onletaw so sakey ya ari a nidoma ed saramay akaona lan ari tan taloen toy talorad sikara.

Maung a Balita Biblia

²⁴ Saramay samploran saklur et saray samploran arari a manoley ed samay impirio. Insan onletaw so sakey ya ari a nidoma ed saramay akaona lan ari tan taloen toy talorad sikara.

Daniel 7:24 Iomraidhean Croise

Daniel 11:36

“Gawaen na ari na Siria so labay to. Ipaatagey toy sikaton dili tan ibaga ton sikatoy matalonggaring nen say dinanman a dios, anggan say Sankatageyan a Dios. Nagawaan to ya, anggad panaon a panusay Dios ed sikato. Gawaen na Dios so onung na implano ton gawaen.

Daniel 2:41

Anengneng mo met a walay balatyang tan dalin iray sali tan saray gamet na samay talintao. Apaldua ya impirio so kabaliksan to man. Nawalaan so impirio na biskeg a singa balatyang lapud wala man a balatyang ya alaukan na dalin.

Daniel 7:20

Nilabay ko met a naamtaan so nipaakar ed saramay samploran saklur ed olo to tan say saklur a tinmombuk a tinmubo tan pinapelag toy talora ed saramay saklur. Wala ray mata to tan sakey a sangi tan mapasirayew a mansasalita. Makapataktakot ni nen saramay arum.

Daniel 7:23

Sikato yay paliwawan niiter ed siak: “Samay kumapat ya ayep et say kumapat ya impirio ya onletaw diad tapew na dalin tan nidoma ed amin da ray arum ya impirio. Mekmeken toy intiron mundo, insan to gatin-gatinan.

Puyan 12:3

Sakey nin sinyal so linmetaw ed tawen: sakey ya ambalanga tan balbaleg a dragon. Pitoray olo to, samploray saklur to, tan walay korona na balang olo to.

Puyan 13:1

Insan anengneng koy sakey ya ayep ya onsasakbit a nanlapud dayat. Pitoray olo to tan samploray saklur to. Akoronaay balang saklur to, tan akasulat ed balang olo to so ngaran a sumpad Dios.

Puyan 17:3

Niwala ak ed pakayari na Ispiritu, tan samay anghil inyakar to ak ed kalawakan. Anengneng kod may sakey a biin akayorung ed sakey ya ambalbalangan ayep. Pitoray olo to may ayep, samploray saklur to, tan nisulat ed intiron laman to ray ngarangaran a sumpad Dios.