Daniel 7:15 - Maung A Balita Biblia

¹⁵ Lapud saramay nipasingayew ed siak, apagaan tan agunigon ak.

Maung a Balita Biblia

¹⁵ Lapud saramay nipasingayew ed siak, apagaan tan agunigon ak.

Daniel 7:15 Iomraidhean Croise

Genesis 41:8

Kaimbuas agunigon, kanyan impaawit to ray amin a salamangkiro tan saray makabat a lalaki ed Egipto. Imbaga tod sikara iray kinogip to, balet anggapoy makapangipatalus ed sikara.

Jeremias 17:16

Balet, Katawan, ag ta kan balut tinanggoyur a mangyakar na deral ed sikara; ag ko anggan nampilalekan ya onsabiy panaon na gunigon ed sikara. Katawan, kabat mo ya; amtam no antoy imbagak.

Daniel 10:16

Insan samay anghil, a singa tooy nengneng to, et diniwit to ray bibil ko. Inkuankod sikato, “Pakakapoyen ak a maung na sayan pasingayew. Ag ontonday panggiwgiw ko.

Daniel 2:1

Nankogip si Ari Nabucodonosor nen kumadwan taon na panooley to. Mapalaloy inkagunigon to lapud saya, kanyan ag makaogip.

Daniel 2:3

insan inkuantod sikara, “Nagugunigon ak lapud samay kinogip ko. Labay kon naamtaan no antoy kabaliksan to.”

Daniel 4:19

Lapud saya, si Daniel a tatawagen met na Beltsasar et apagaan, kanyan ag makasel. Inkuan na ari ed sikato, “Ag ka mapaga lapud samay kogip tan say labay ton ibaga.” Inmebat si Beltsasar, “Kagalang ya Ari, aliwan sika komun so kipaakaran na kabaliksan na kogip, no ag ta saray kalaban mo.

Daniel 4:5

Balet nankogip ak na makapataktakot tan akanengneng ak na makapakebyew a pasingayew nen naogip ak.

Daniel 7:1

Diad ononan taon na panaari nen Belsasar ed Babilonia, walay sakey a kogip ko tan akanengneng ak na sakey a pasingayew ed labi, tan sikato yay nisulat ko

Daniel 7:28

Sikato yay samput na samay inkagawa. Ataktakot ak a maung kanyan pinmotiy bosaleg ko, tan pinokuk kod siak a dili ira yan amin ya agawa.

Daniel 8:2

Diad sayan pasingayew biglan niwala ak ed dalem na aliber na padir a siudad na Susa diad luyag na Elam. Manalalagey ak ed gilig na Ilog na Ulai,

Daniel 8:27

Siak, si Daniel, kinmapoy ak tan nansakit ak a pigaran agew. Insan ak binmangon tan pinmawil ed kimey ya impalima na ari ed siak, balet nikelawan ak ed pasingayew tan ag ko natalusan so kabaliksan to.

Habacuc 3:16

Narerengel ko ra yan amin, et manggiwgiw ak; manggigiwgiw ed takot iray bibil ko. Paligpalig so laman ko, mankitakit iray salik. Mandeen ak a manalagar ed isabiy panaon a dusaen na Dios iray ondodogpad sikami.

2 Pedro 1:14

Amtak ya asingger ak lan ompatey onung na impaamtan malinew ed siak na Katawan tayon Jesu-Cristo.