Daniel 7:14 - Maung A Balita Biblia

¹⁴ Naitdan imay too na pakaoley, kagalangan, tan pakayari na ari, pian makapanlingkur ed sikato iray totoo ed amin a bansa ya anggan antoy kolor na baog da tan salita ra. Mansiansia so pakaoley to, tan ag mangangga so panarian to.

Maung a Balita Biblia

¹⁴ Naitdan imay too na pakaoley, kagalangan, tan pakayari na ari, pian makapanlingkur ed sikato iray totoo ed amin a bansa ya anggan antoy kolor na baog da tan salita ra. Mansiansia so pakaoley to, tan ag manggangga so panarian to.

Daniel 7:14 Iomraidhean Croise

Saray Salmo 102:22

no mandaragop iray totoo ed saray bansa tan saray nanarian a mangigalang ed Katawan.

Saray Salmo 103:19

Inletneg na Katawan so trono to ed tawen; sikatoy ari ed sankamundoan.

Saray Salmo 145:13

Anggad angga so panarian mo, tan ari kan anggad angga. Say Katawan matoor ed saray sipan to, tan maung ya amin iray gagawaen to.

Saray Salmo 146:10

Say Katawan et ari ya anggad angga. Say Dios mo, O Sion, manoley ed amiy panaon. Idayew yoy Katawan!

Saray Salmo 45:6

Say nanarian ya inter na Dios ed sika et mansiansia ya anggad angga. Matonung so panooley mod saray totoom;

Saray Salmo 72:11

Ondakmomod sikato komun ya amin iray arari; manlingkur ed sikato ray amin a bansa.

Saray Salmo 72:17

Ag komun nalingwanan so ngaran na ari; mansiansia komun a singa agew so inkabantug to. Amin a bansa kerewen da komun ed Dios a bindisionan to ra a singa impamindision tod ari.

Saray Salmo 8:6

Tinorom a manoley ed amin da ray pinalsam; impasen mon manona ed amin da ray bengatla:

Isaias 16:5

Insan magmaliw ya ari so sakey ed saray kabyangay boleg nen David, tan iletneg tod kaptekan tan panangaro so panoley tod saray totoo. Masiglat a manggaway katonungan, tan andi-saew ya ipakurang toy kaptekan.)

Isaias 60:12

Balet sigput a naderal iray bansa Ya ag manlilingkur ed sika.

Isaias 9:6

Dadi sikatayo nianak so sakey ya ogaw! Niiter ed sikatayo so sakey ya anak a laki! Sikatoy magmaliw a manoley tayo. Natawag a “Makapakelaw a Mananimbawa,” “Makapanyarin Dios,” “Andi-anggaan ya Ama,” “Prinsipi na Kareenan.”

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

Daniel 2:35

Insan biglan akusbo ira may balatyang, dalin, gansa, pilak, tan balituk, tan nagmaliw iran singa dabuk ed panagilikan no tiagew. Intikyab iran amin na dagem, et anggapoy nakdaan a pakatontonan ed kawalaan da. Balet binmaleg imay bato tan nagmaliw a palandey a sinakuban toy intiron mundo.

Daniel 2:37

Kagalang ya Ari, sika so sankatalonggaringan ed amin da ray arari. Say Dios na tawen impagmaliw to kan ari tan initdan to ka na pakayari, biskeg, tan kagalangan.

Daniel 2:44

Diad panaon da ra man a manoley say Dios na tawen mangiletneg na panarian ya ag balut mangangga. Ag balut nadakep yan panarian, no ag ingen sigput ton deralen ya amin ira man ya impirio, insan mansiansia ya anggad angga.

Daniel 3:4

inkulyaot na sakey a managbando, “Sikayo ran totoo ed amin a bansa, anggan antoy kolor na baog yo tan salita yo, dengel yo yan ganggan!

Daniel 4:3

“Agaylay kabaleg na pakelaw ya ipapanengneng na Dios ed sikatayo! Makapakelaw a tuloy iray milagron gagawaen to! Say Dios et ari ya anggad angga; ag mangangga so panoley to.

Daniel 6:26

Igaganggan ko ed intiron impiriok a nepeg a takotan tan galangen na amin a too so Dios nen Daniel. “Sikatoy mabilay a Dios, tan sikatoy manoley ed ando lan ando. Ag balut naderal so panarian to, tan ag balut mangangga so pakayari to.

Daniel 7:18

Saray totoo na Sankatageyan a Dios et awaten da so panarian tan anggad anggan mansiansiad sikara yan panarian.”

Daniel 7:27

Niiter ed saray totoo na Sankatageyan a Dios so pakayari tan inkatalonggaring na amin a nanarian ed tapew na dalin. Ag mangangga so nanarian da; manlingkur tan ononur ed sikara iray amin a manoley diad tapew na dalin.”

Obadias 1:21

Saray analon lalakid Jerusalem, et dogpaan day Edom tan oleyan da. Say Katawan a dili so manari.”

Mikias 4:7

Alopuy-lopuy ira tan niarawi rad kaabungan da, balet diad saray nakdaan ed sikara pasimbaloen koy kipapasen da, et magmaliw iran sakey a matalonggaring a bansa. Manoley ak ed sikara diad Palandey na Sion manlapud saman a panaon ya anggad angga.”

Mateo 11:27

“Inter na Amak ed siak iray amin a bengatla. Anggapoy mikabat ed Anak likud ed Ama; anggapoy mikabat ed Ama likud ed Anak tan saray labay a pangipakabatan na Anak.

Mateo 28:18

Inmasingger si Jesus tan inkuantod sikara, “Niiter lad siak so amin a pakayari dimad tawen tan diad dalin.

Lucas 1:33

Manarin andi-anggaan ed saray kabyangay boleg nen Jacob, tan anggapoy anggaan so panarian to!”

Lucas 10:22

“Inter na Amak ed siak iray amin a bengatla. Anggapoy mikabat ed Anak likud ed Ama; anggapoy mikabat ed Ama likud ed Anak tan saray labay a pangipakabatan na Anak.”

Juan 12:34

Inmebat iray totood sikato, “Nadngel mid Ganggan a say Cristo mansiansiad ando lan ando. Panoy pangibagam sirin a nibitin so Anak na Too? Siopa ta yay Anak na Too?”

Juan 3:35

Inararoy Ama so Anak tan impalima tod sikatoy amin a bengatla.

Saray Hebreo 12:28

Kanyan pisalamatan tayoy Dios, ta awaten tayoy nanarian ya ag nayegyeg. Misalamat tan mangigalang tayod Dios onung na pakaliketan to, a katekep na takot tan panamabli,

1 Pedro 3:22

a linmad tawen tan manyodyorung ed nikawanay Dios. Manooley diman ed saray anghil, tan saray mangatatawen a pakayari tan pakaoley.

Puyan 1:6

Ginawa to tayo met a sakey a panarian tan impagmaliw to tayon papari a manlingkur ed Dios tan Ama to. Say galang tan pakayari so wala ya anggad angga ed Jesu-Cristo! Amen.

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

Puyan 17:14

Labanan da may Kordiro balet taloen to ra, ta sikatoy Katawan da ray kakatawan tan Ari da ray arari. Saray atawag, apili, tan matoor a mananombuk to so kakaiba ton manalo.”

Puyan 3:21

Saray manalo pairungen ko ran kaabay kod tronok, a singa siak ya analo, kanyan akayorung ak natan ed abay na Amak ed trono to.