Daniel 7:1 - Maung A Balita Biblia

¹ Diad ononan taon na panaari nen Belsasar ed Babilonia, walay sakey a kogip ko tan akanengneng ak na sakey a pasingayew ed labi, tan sikato yay nisulat ko

Maung a Balita Biblia

¹ Diad ononan taon na panaari nen Belsasar ed Babilonia, walay sakey a kogip ko tan akanengneng ak na sakey a pasingayew ed labi, tan sikato yay nisulat ko

Daniel 7:1 Iomraidhean Croise

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

Genesis 46:2

Akisalitay Dios ed sikato diad panamegley na sakey a pasingayew ed labi tan inkuanto, “Jacob, Jacob!” “Wadya ak! Anto man?” ebat to.

Say Libro nen Job 4:13

Singa ak nankogip na makapataktakot ed kasamisamitay ogip ko.

Isaias 30:8

Imbagad siak na Dios ya isulat kod sakey a libro no antoy kipapasen da ray totoo, pian mansiansian walay pakaamtaan na ontan lan kaogsan da.

Isaias 8:1

Say Katawan inkuantod siak, “Mangala ka na panagsulatan tan isulat mo yad ankabaleg a litra: ‘Maples a Panagderal, Masiglat a Panagsamsam.’

Jeremias 23:28

Say propitan walay kogip to nepeg ton ibaga a sakey labat a kogip, balet say propitan walad sikatoy salitak nepeg a matoor ton ipulong. Antoy piparaan na dayami ed ilik?

Jeremias 27:7

Manlingkur ed sikato ray amin a bansa, tan manlingkur irad anak ton laki tan say apo ton laki, anggad isabiy panaon na kapelag na bansa ton dili. Diad satan manlingkur so bansa to ed saray makapanyarin bansa tan diad saray matalonggaring ya arari.

Jeremias 36:32

Insan angala ak na sananey a nilokut a pansulatan tan inter kod sikritariok a si Baruc. Insulat ed satan nen Baruc iray amin ya indiktak. Insulat ton amin iray logan na samay nilokut a babasaen a pinoolan nen Ari Joakim tan saray salita a miparpara ed saramay indiktak ed sikato.

Jeremias 36:4

Kanyan tinawag koy Baruc a lakin anak nen Nerias, tan indiktak ed sikato ya amin iray imbaga na Katawan ed siak. Insulat iran amin nen Baruc diad sakey a nilokut a papil.

Ezekiel 1:1

Siak, si Ezekiel a pari a lakin anak nen Buzi, et kaibak iray kaparak a Judion nibantak ed Babilonia. Diad kumaliman agew na kumapat a bulan na kumatalomplon taon na panaayam mi ed gilig na Ilog na Kebar, linmokas so tawen, et akanengneng ak na pasingayew a nanlapud Dios. (

Ezekiel 40:2

Diad sayan pasingayew say Dios inyakar to ak ed dalin na Israel tan inggaton to ak ed toktok na atagey a palandey. Diad bandad arap ko, anengneng koy grupo na saray paalagey a singa ra sakey a siudad.

Daniel 1:17

Initdan na Dios ira yan apatiran lalakin tobun-balo na dunong tan kakabatan ed litiratura tan pilosopiya. Say Dios initdan to niy Daniel na karunongan a mangipatalus na saray pasingayew tan saray kogip.

Daniel 2:1

Nankogip si Ari Nabucodonosor nen kumadwan taon na panooley to. Mapalaloy inkagunigon to lapud saya, kanyan ag makaogip.

Daniel 2:26

Inkuan na ari ed kinen Daniel (ya atawag met na Beltsasar), “Nibagam ed siak so akogip ko tan no antoy kabaliksan to?”

Daniel 4:13

“Legan kon nununoten so nipaakar ed samay pasingayew, anengneng koy sakey ya anghil ya onaakseb a nanlapud tawen; sipaparaan lawas a mambantay yan anghil.

Daniel 4:5

Balet nankogip ak na makapataktakot tan akanengneng ak na makapakebyew a pasingayew nen naogip ak.

Daniel 5:1

Aminsan a labi inimbitaan nen Ari Belsasar ed sakey a baleg a ponsia iray sanlibon atagey ya opisyal to, tan naniinoman iray alak.

Daniel 5:22

“Balet sika ya anak to, ag ka nampaabeba, anggaman ya amtam so amin ya agawa.

Daniel 5:30

Diad saman lamlamang a labi apatey si Belsasar ya ari na Babilonia;

Daniel 7:13

Legan na sayan pasingayew ed labi, anengneng koy singa sakey a too. Onsisingger ed siak, ya aliber na saray lorem, tan linmad samay mambibilay ya anggad angga tan niparontal ed sikato.

Daniel 7:15

Lapud saramay nipasingayew ed siak, apagaan tan agunigon ak.

Daniel 7:7

Legan kon ombabantay, pinmanengneng so kumapat ya ayep; makapanyari, makapataktakot tan mabisbiskeg ya ayep. Nginasngas tod saray ankakabaleg a balatyang a ngipen to iray pinatey to, insan to ra ginatin-gatinan. Nidomad saramay talora ta walay samploran saklur to.

Daniel 8:1

Diad kumatlon taon na panaari nen Belsasar, pinmatnag ed siak so kumadwan pasingayew.

Joel 2:28

“Kayari to yan nagawa ibung kod balang sakey a too so ispirituk: ibawag na saray anak yon lalaki tan bibii so balitak; nawalaan na saray kogip iray mamatakken yon lalaki, tan makanengneng na pasingayew iray tobun-balo yo.

Amos 3:7

Say Katawan a Dios et ag balut manggawa na antokaman ya ag to ni ipaamtad saray aripen ton propita so plano to.

Habacuc 2:2

Saya so inebat tod siak: “Isulat mon malinew ed sakey a tapyak a bato so ipapaamtak ed sika, pian nabasa ya anggan napasimaran labat.

Saray Bilang 12:6

tan say Katawan kuanto, “Dengel yo natan so ibagak! No walad sikayo ray propita, ipaamtak ed sikara so siak a dili diad panamegley na saray pasingayew tan misalita ak ed sikara diad panamegley na saray kogip.

Saray Taga Roma 15:4

Amin a walad Masanton Sulat insulat ira a pakaaralan tayo, et diad ontan nawalaan itayoy ilalo diad panamegley na anos tan biskeg na linawa ya iter na Masanton Sulat ed sikatayo.

2 CORINTO 12:1

Nakaukolan a mampasirayew ak, anggaman ya anggapo lamlamang so iter to yan kamaungan. Balet say salitaen ko natan et nipaakar ed saray impayawar tan saray impaamta ed siak na Katawan.

Puyan 1:19

Kanyan isulat mo ray nanenengneng mo: saray nagagawa natan tan saray nagawad arapen.

Puyan 10:4

Kasumpal dan nansalita, mansulat ak lawari, balet nadngel koy bosis a nanlapud tawen ya inkuanto, “Iyamut moy imbagay pitoran karul; ag mo isusulat!”