Daniel 6:2 - Maung A Balita Biblia

² Pinili to si Daniel tan duaran lalaki a mangasikaso ed saray gobirnador tan mangimano na pankaabigan na ari.

Maung a Balita Biblia

² Pinili to si Daniel tan duaran lalaki a mangasikaso ed saray gobirnador tan mangimano na pankaabigan na ari.

Daniel 6:2 Iomraidhean Croise

Esdras 4:22

Sumpal yon tampol yan bilin ko, pian napatonda so antokaman nin makagunigon ed siak.”

Ester 7:4

Saray totook tan siak et nilako kamin pateyen. No nilako kamin aripenen labat komun, andi bali la; ag ak la komun onesel, tan ag ta ka la sigensigenen nipaakar ed saya. Balet ngalngali da kami la pateyen, paandipaten!”

Probirbio 26:6

No ibakim a mangyakar na balita so makulang-kulang, singa susugaten mo ray dilin salim; onkekerew ka na golo.

Probirbio 3:16

Say kakabatan itdan to kay andokey a bilay, kayamanan, tan kagalangan.

Daniel 5:16

Nadngelan ko a nayarian mon ipatalus so niamut iran kabaliksan tan nipaliwawam iray mistirio. No nabasam yan nisulat tan nibagam ed siak so kabaliksan to, kawesan ka na ambalangan kawes na ari, solungan ka na balituk a kolintas, tan magmaliw kan mikatlo ed sankatageyan a manoley diad nanarian.”

Daniel 5:29

Tampol ya ingganggan nen Belsasar iray aripen to a kawesan day Daniel na ambalangan kawes na ari tan isolung dad beklew toy balituk a kolintas. Impagmaliw ton mikatlod sankatageyan a manoley ed nanarian.

Daniel 5:7

Inmeyag ya angibaki na mangawit ed saray salamangkiro, saray managparles, tan saray astrologo. Kaloob da inkuan na ari ed sikara, “Siopamay makabasa na sayan sulat tan nibaga to no antoy kabaliksan to et kawesan na ambalangan kawes na ari, solungan na balituk a kolintas, tan magmaliw a mikatlod sankatageyan a manoley na nanarian.”

Daniel 6:1

Kinaliktan nen Dario so impanoro to na sanlasus tan duamplon gobirnador ed intiron impirio to.

Mateo 18:23

Ta say Panariay tawen aliling toy sakey ya arin labay toy mikuintaan ed saray aripen to.

Lucas 16:2

kanyan impatawag to. ‘Anto tay narerengelan kon nipaakar ed sika?’ inkuanto. ‘Mikuintaan ka lad siak, tan iter mo lan amiy listaan na impiak ed sikan kayaryan ko, ta ekalen ta ka lan inkargadok.’

1 CORINTO 4:2

Nakaukolan a matoor ed amo to so toon managasikaso.

1 Samuel 2:30

Siak, say Katawan a Dios na Israel, insipan ko nen saman a say pamilyam tan saray kabyangay boleg mo et anggad anggan manlingkur iran papari ed siak. Balet ibabagak natan ya ag ko la sumpalen! Ingen, pagalangan ko ray mamagalang ed siak, balet lemlemewen ko ray mambalaw ed siak.