Daniel 6:14 - Maung A Balita Biblia

¹⁴ Nen nadngel ya na ari, mapalaloy inkagunigon to tan anggad inselek na agew ginawa toy anggaay nayarian to a mangyagel ed kinen Daniel.

Maung a Balita Biblia

¹⁴ Nen nadngel ya na ari, mapalaloy inkagunigon to tan anggad inselek na agew ginawa toy anggaay nayarian to a mangyagel ed kinen Daniel.

Daniel 6:14 Iomraidhean Croise

Ester 3:8

Kanyan inkuanen Haman ed ari, “Walay sakey a poli na totoon nitaytayak irad intiron impiriom. Narumog ira ed balang luyag. Nidomad arum a totoo iray totombuken dan kaogaliyan. Sakey ni, ag da oonuren iray ganggan na impirio, kanyan ag mo pankaabigan so pamaolyan mod sikara.

Daniel 1:6

Akabilang ira dia di Daniel, Ananias, Misael, tan Azarias; kabyangan iran apat na tribu nen Juda.

Daniel 3:12

Wala ray pigaran Judio ya impasen mo ran makaoley ed luyag na Babilonia, a di Sadrac, Mesac, tan Abednego a susumlangen da ray ganggan mo, Kagalang ya Ari. Ag da igagalang so dios mo odino ondadakmomo ed samay talintaon impaalagey mo.”

Daniel 3:13

Lapud saman mapalaloy impetang na olo na ari, et ingganggan ton iyarap ed sikato ira may taloran lalaki.

Marcos 6:26

Naermenan a maung so ari, balet ag to nayarian a pabaingan imay marikit lapud walay samban ag to nabenegan ed arap na saray sangkaili to.