Daniel 5:7 - Maung A Balita Biblia

⁷ Inmeyag ya angibaki na mangawit ed saray salamangkiro, saray managparles, tan saray astrologo. Kaloob da inkuan na ari ed sikara, “Siopamay makabasa na sayan sulat tan nibaga to no antoy kabaliksan to et kawesan na ambalangan kawes na ari, solungan na balituk a kolintas, tan magmaliw a mikatlod sankatageyan a manoley na nanarian.”

Maung a Balita Biblia

⁷ Inmeyag ya angibaki na mangawit ed saray salamangkiro, saray managparles, tan saray astrologo. Kaloob da inkuan na ari ed sikara, Siopamay makabasa na sayan sulat tan nibaga to no antoy kabaliksan to et kawesan na ambalangan kawes na ari, solungan na balituk a kolintas, tan magmaliw a mikatlod sankatageyan a manoley na nanarian.

Daniel 5:7 Iomraidhean Croise

Genesis 41:8

Kaimbuas agunigon, kanyan impaawit to ray amin a salamangkiro tan saray makabat a lalaki ed Egipto. Imbaga tod sikara iray kinogip to, balet anggapoy makapangipatalus ed sikara.

Ester 3:1

Ag abayag, inyatagey nen Ari Asuero so kipapasen na sakey a lakin manngaray Haman. Impasen to a kumadwan sankatageyan ya opisyal na impirio. Si Haman et lakin anak nen Hamedata a kabyangay boleg nen Agag.

Exodo 7:11

Insan impaawit na ari iray makabat a totoo to tan saray managsalamangka to, tan diad dunong dan mansalamangka ginawa ra so singa agawad baston nen Aaron.

Probirbio 1:9

Say bangat da et pamaungen toy ogalim a singa pamarakep ed nengneng mo na balibalin sombriro odino kolintas.

Kanta nen Solomon 1:10

Agaylay dakep na buek mon manasakbung na lupam; singa ra alahas a mansaloyloy ed tenger mo.

Isaias 47:13

Mapagpaga ka anggaman ya amayamay iray simbawad sika. Pamparontal mo la natan iray astrologom ta ilaban da ka— saray totoon aaralen day kiwas da ray bitewen, saray totoon mangipapasen na ketegan da ray katawenan tan ibabaga rad sikan binulan no antoy nagawad sika.

Jeremias 50:35

Say Katawan kuanto, “Patey ed Babilonia! Patey ed saray totoo to, saray manoley to tan diad saray makabat a totoo to.

Ezekiel 16:11

Sinolungan ta ka na alahas, pulsiras, tan kuintas.

Daniel 1:20

Anggan antoy itepet ed sikara na ari odino anton problima so ipanon to, maminsamplon maung niy ebat da ra may apatira nen say ebat na siopaman a managparles odino salamangkiro diad intiron nanarian.

Daniel 1:4

Nepeg a guapo ra, maung iran impanolo, maung so inkapasal da, masiglat iran manaral, tan anggapoy antokaman a deral na laman da, pian manepeg iran manlingkur ed palasio. Si Aspenaz so nambangat ed sikara a mambasa tan mansulat na salita da ray taga Babilonia.

Daniel 2:2

Impaawit to sirin iray managpalar, saray salamangkiro, saray managparles, tan saray managanito, ta ipaliwawa rad sikato imay kogip to. Kasabi ra nanalagey irad arap na ari,

Daniel 2:27

Inmebat si Daniel, “Kagalang ya Ari, anggapoy siopaman a makabat, managparles, salamangkiro, odino astrologo a makapangibaga na kogip mo tan say kabaliksan to.

Daniel 2:48

Insan initdan na ari si Daniel na atagey a kipapasen, initdan to na amayamay a mabmabli ran rigalo, impasen ton makaoley ed luyag na Babilonia, tan impagmaliw ton pangulo da ray amin a sumisimbawa na ari.

Daniel 2:6

Balet no nibaga yod siak so kogip tan say kabaliksan to, tumangan ta kayo na saray rigalo tan baleg a kagalangan. Natan sirin, ibaga yo lad siak so kogip tan say kabaliksan to.”

Daniel 4:14

Imbawag tod makmaksil a bosis, ‘Batang yoy kiew tan salingsing yo ray sanga to; ekal yo ray bolung to tan itayak yo ray bunga to. Abul yo ray ayayep a walad silong to tan saray kamanukan a walad sangasanga to.

Daniel 5:11

Walay sakey a laki diad nanarian mo a walad sikatoy ispiritu na saray masanton diriyos. Nen si amam so ari, impanengneng na saman a too so kaabigan na kanunotan to, pakatalus to, tan say kakabatan to a singa kakabatan da ray diriyos. Si Ari Nabucodonosor ya amam et impagmaliw ton pangulo da ray managparles, saray salamangkiro, saray managanito, tan saray astrologo.

Daniel 5:15

Saray sumisimbawa tan saray salamangkiro et niakar ira diad arap ko a mambasa ed sayan nisulat tan mangipatalus na kabaliksan to, balet ag da nibagay kabaliksan to.

Daniel 5:16

Nadngelan ko a nayarian mon ipatalus so niamut iran kabaliksan tan nipaliwawam iray mistirio. No nabasam yan nisulat tan nibagam ed siak so kabaliksan to, kawesan ka na ambalangan kawes na ari, solungan ka na balituk a kolintas, tan magmaliw kan mikatlo ed sankatageyan a manoley diad nanarian.”

Daniel 5:29

Tampol ya ingganggan nen Belsasar iray aripen to a kawesan day Daniel na ambalangan kawes na ari tan isolung dad beklew toy balituk a kolintas. Impagmaliw ton mikatlod sankatageyan a manoley ed nanarian.

Saray Bilang 22:17

Tumangan ta ka na baleg a kagalangan tan gawaen ko so amin ya ibagam. Gala dia kari tan isambam ira yan totoo para siak.”

Saray Bilang 22:7

Kanyan saray pangulo da ray Moabita tan saray Madianita inawit da so bayar na samba, linma ra ed kinen Balaam, tan imbaga rad sikato so papaibaga nen Balak.

Saray Bilang 24:11

Sempet ka la! Insipan kon tumangan ta ka, balet ag inyabuloy na Katawan a naalam so tumang mo.”

1 Samuel 17:25

“Nengneng yo!” inkuan na sakey tan sakey ed sikara. “Dengel yoy panasagyat to! Insipan nen Ari Saul ya itdan toy baleg a tumang so toon makapatey ed sikato; ipaasawa to nid sikato so anak ton marikit, tan ag to pambuisen iray kabyangay pamilya na ama to.”