Daniel 5:4 - Maung A Balita Biblia

⁴ tan indadayew da ray diriyos a balituk, pilak, gansa, balatyang, kiew, tan bato.

Maung a Balita Biblia

⁴ tan indadayew da ray diriyos a balituk, pilak, gansa, balatyang, kiew, tan bato.

Daniel 5:4 Iomraidhean Croise

1 Saray Arari 1:49

Insan tinmakot iray bisita nen Adonias, kanyan inmalagey iran amin tan nagsitaynan la ran amin.

Isaias 42:17

Amin da ray manmamatalek ed saray talintaoy diriyos ya ibabaga ran dios da iray imahin et napaabeba ra tan napelag irad kababaingan.”

Isaias 42:8

“Yahweh so ngaran ko, Anggapoy arum a dios a makapibiang ed kagalangan ko; ag ko abuloyan a makapibiang iray talintaoy diriyos ed dayew ko.

Daniel 1:8

Tinibokel nen Daniel ed kanunotan to ya ag to abuloyan a magmaliw a marotak onung ed ganggan diad pangan to na kakanen tan diad iyinom to na alak a manlalapud palasio. Lapud saya kinerew tod kinen Aspenaz ya abuloyan ton ag narotakan onung ed ganggan,

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Daniel 5:23

Ginawam iray sumpad Katawan na tawen, ta impaalam ira may kupa tan losur a nala ed Timplo to. Naniinoman yo, sika, saray manonan opisyal mo, saray asawam, tan saray iyaamung mon bibii tan inggalang mo ray diriyos a balituk, pilak, gansa, balatyang, kiew, tan bato—saray diriyos ya ag ira makanengneng odino makadngel tan anggapoy amta ran alu. Balet ag mo pinagalangan so Dios a walad lima toy bilay mo tan walad silong na pakayari toy amin a gagawaen mo.

Daniel 5:3

Niakar a tampol ed sikato ira may balituk a kupa tan losur, tan naniinoman da ra na alak

Daniel 5:5

Kabebekta walay pinmayawar a limay too, insan nansulat ed palitada na padir na palasio, diad pakawawandagan na ontan lan liwawa na saray lamparaan. Anengneng na ari imay mansusulat a lima.

Amos 6:7

Lapud saya sikayo so ononan nibantak ed arum a bansa. Mangangga la ray pista yo tan saray ankakabaleg a ponsia yo.

Habacuc 2:19

Pakaskasi kayo la! Ikuan yod sakey a poter na kiew, “Bangon ka!” odino diad sakey a tabas na bato, “Alagey ka!” Wala tay nipuyan ed sikayo na sakey a talintao? Nayarin naokupan na pilak tan balituk yan talintao, balet anggapoy bilay to.

Saray Gawgawa 17:29

Lapud anak itayo met na Dios, ag tayo komun ipasen a say Dios et singa talintaon balituk, pilak, o baton ginaway lima tan kakabatan na too.