Daniel 5:13 - Maung A Balita Biblia

¹³ Niakar a tampol ed arap na ari si Daniel, tan inkuan na ari ed sikato, “Sika so Daniel, sakey ed saramay Judio ya adakep nen amak ya ari tan inawit to dia a nanlapud Juda?

Maung a Balita Biblia

¹³ Niakar a tampol ed arap na ari si Daniel, tan inkuan na ari ed sikato, Sika so Daniel, sakey ed saramay Judio ya adakep nen amak ya ari tan inawit to dia a nanlapud Juda?

Daniel 5:13 Iomraidhean Croise

Esdras 10:16

Inmabubon ed plano ira may pinmawil a nanlapud arum a bansan nibantakan da. Kanyan anoroy Esdras a pari na saray lalaki ed saray pangulo da ray boleg, insan to inlista ray kangaranan da. Nen ononan agew na kumasamplon bulan inggapo ray nansalaysay.

Esdras 10:7

Niganggan ed intiron Jerusalem tan Juda a mantitipon ed Jerusalem iray amin ya Israelitan pinmawil manlapud inkibantakan dan bansa.

Esdras 4:1

Nadngelan na saray kalaban da ray totoo ed Juda tan Benjamin a saray pinmawil ed Jerusalem manlapud inkibantakan dan bansa et ipapaalagey da lamet so Timplo na Katawan a Dios na Israel.

Esdras 6:16

Insan saray Israelita saray papari, saray Levita, tan amin da ray totoon pinmawil a manlapud inkibantaken dan bansa—malikeliket dan insaklang ed Dios imay Timplo.

Daniel 1:1

Nen kumatlon taon na panaari nen Joakim ed Juda, dinogpaan nen Ari Nabucodonosor na Babilonia so Jerusalem tan nilakob to.

Daniel 1:2

Inyabuloy na Katawan a nadakep nen Ari Nabucodonosor si Ari Joakim tan impasamsam toy pigaran kayamanan na Timplo. Inawit tod Babilonia iray pigaran totoon adakep to, tan inyan tod timplo na saray diriyos to iray kayamanan ya asamsam tod saray panagsinupan a kuarto na Timplo.

Daniel 1:21

Nansiansian kabyangan na opisyal na ari si Daniel ya anggad impakadakep ed Babilonia nen Ari Ciro, say impirador na Persia.

Daniel 1:6

Akabilang ira dia di Daniel, Ananias, Misael, tan Azarias; kabyangan iran apat na tribu nen Juda.

Daniel 2:25

Inyakar nen Arioc a tampol si Daniel ed Ari Nabuconodosor tan inkuantod sikato, “Walay arumog kon sakey a Judion adakep dia a nayarian ton ibagad sika, Kagalang ya ari, so kabaliksan na kogip mo.”

Daniel 2:48

Insan initdan na ari si Daniel na atagey a kipapasen, initdan to na amayamay a mabmabli ran rigalo, impasen ton makaoley ed luyag na Babilonia, tan impagmaliw ton pangulo da ray amin a sumisimbawa na ari.

Daniel 5:11

Walay sakey a laki diad nanarian mo a walad sikatoy ispiritu na saray masanton diriyos. Nen si amam so ari, impanengneng na saman a too so kaabigan na kanunotan to, pakatalus to, tan say kakabatan to a singa kakabatan da ray diriyos. Si Ari Nabucodonosor ya amam et impagmaliw ton pangulo da ray managparles, saray salamangkiro, saray managanito, tan saray astrologo.

Daniel 5:14

Nadngelan ko a walad sikay ispiritu na saray masanton diriyos, marunong ka, tan naitdan kay pakatalus tan ayadyarin kakabatan.

Daniel 5:18

“Say Sankatageyan a Dios impagmaliw ton matalonggaring ya ari si amam a Nabucodonosor tan kinawesan to na kagalangan tan pakapanyari.

Daniel 5:2

Legan dan naniinoman ingganggan nen Belsasar ya alaen da ray balituk tan pilak a kupa tan losur a sinasamsam nen ama to a Nabucodonosor diad Timplo ed Jerusalem. Impaala to ra pian napaninoman da ra, sikato, saray opisyal to, saray asawa to, tan saray iyaamung ton bibii.

Daniel 6:13

Insan inkuandad ari, “Si Daniel a sakey ed saray nibantak a nanlapud Juda et ag to papagalangan so Kagalang ya Ari odino oonuren so ganggan ya impaakseb mo. Inagew-agew a mamitlon mampikasi.”

Daniel 8:1

Diad kumatlon taon na panaari nen Belsasar, pinmatnag ed siak so kumadwan pasingayew.

Daniel 8:27

Siak, si Daniel, kinmapoy ak tan nansakit ak a pigaran agew. Insan ak binmangon tan pinmawil ed kimey ya impalima na ari ed siak, balet nikelawan ak ed pasingayew tan ag ko natalusan so kabaliksan to.

Juan 7:1

Kasumpal na sarayan bengatla, niliber-liber nen Jesus so Galilea. Ag to labay so onlad Judea lapud labay a pateyen na saray Judio.

Juan 7:3

Inkuan sirin na saray lalakin agagi nen Jesus ed sikato, “Taynan ka dia tan lakad Judea, ta pian nanengneng na saray disipulom iray gagawaen mo.