Daniel 5:11 - Maung A Balita Biblia

¹¹ Walay sakey a laki diad nanarian mo a walad sikatoy ispiritu na saray masanton diriyos. Nen si amam so ari, impanengneng na saman a too so kaabigan na kanunotan to, pakatalus to, tan say kakabatan to a singa kakabatan da ray diriyos. Si Ari Nabucodonosor ya amam et impagmaliw ton pangulo da ray managparles, saray salamangkiro, saray managanito, tan saray astrologo.

Maung a Balita Biblia

¹¹ Walay sakey a laki diad nanarian mo a walad sikatoy ispiritu na saray masanton diriyos. Nen si amam so ari, impanengneng na saman a too so kaabigan na kanunotan to, pakatalus to, tan say kakabatan to a singa kakabatan da ray diriyos. Si Ari Nabucodonosor ya amam et impagmaliw ton pangulo da ray managparles, saray salamangkiro, saray managanito, tan saray astrologo.

Daniel 5:11 Iomraidhean Croise

Genesis 41:38

tan inkuantod sikara, “Anggapo lay naalmo tayon magmaung a too nen say si Jose, ta walad sikato so ispiritu na Dios.”

2 Samuel 14:17

Inkuankod siak a dili a say sipan mo, Kagalang kon Ari, et iyarawi to ak ed kaatapan, ta say ari et singa anghil na Dios tan napambiigan toy maung tan maoges. Wala komun ed sika so Katawan a Dios mo!”

Ezekiel 28:3

Abaloan mo a makabat ka nen si Danel, ya anggapoy niamut ya ag mo amta.

Ezekiel 28:4

Lapud kakabatan tan dunong mo, nagmaliw kan mayaman na balituk tan pilak.

Daniel 1:4

Nepeg a guapo ra, maung iran impanolo, maung so inkapasal da, masiglat iran manaral, tan anggapoy antokaman a deral na laman da, pian manepeg iran manlingkur ed palasio. Si Aspenaz so nambangat ed sikara a mambasa tan mansulat na salita da ray taga Babilonia.

Daniel 2:11

Satay kekerewen mo, Kagalang ya Ari, et petepeteg a mairap tan anggapoy makagawa likud labat ed saray diriyos, balet ag ira mililimug ed saray katoowan.”

Daniel 2:22

Ipapaamta to ray bengatlan aralem tan maamut; amta toy antokaman a niamut ed kabilongetan, ta manaayam ed sikaton dili so liwawa.

Daniel 4:18

“Sikato yay akogip ko,” kuanen Ari Nabucodonosor. “Natan Beltsasar, ibagam ed siak so kabaliksan to. Anggapod saray sumisimbawak so akapangibagad siak na kabaliksan to, balet nayarian mo, lapud walad sika so ispiritu da ray masanton diriyos.”

Daniel 4:5

Balet nankogip ak na makapataktakot tan akanengneng ak na makapakebyew a pasingayew nen naogip ak.

Daniel 4:6

Ingganggan kon niakar ed siak ya amin iray sumisimbawak diad Babilonia, pian nibaga rad siak so kabaliksan na saman a kogip ko.

Daniel 5:14

Nadngelan ko a walad sikay ispiritu na saray masanton diriyos, marunong ka, tan naitdan kay pakatalus tan ayadyarin kakabatan.

Daniel 5:7

Inmeyag ya angibaki na mangawit ed saray salamangkiro, saray managparles, tan saray astrologo. Kaloob da inkuan na ari ed sikara, “Siopamay makabasa na sayan sulat tan nibaga to no antoy kabaliksan to et kawesan na ambalangan kawes na ari, solungan na balituk a kolintas, tan magmaliw a mikatlod sankatageyan a manoley na nanarian.”

Saray Gawgawa 12:22

Iningal na totoo, “Bosis na sakey a dios, aliwan too!”

Saray Gawgawa 14:11

Nen anengneng na saray ombaley so ginawa nen Pablo, ineeyag-eyag dad dilin salita ra ed Licaonia, “Nagmaliw a singa too ray diriyos, tan linmeksab irad sikatayo!”

Saray Gawgawa 16:16

Aminsan ya agew, nen mamapaarap kamid pasen a panagpikasiyan, inabet kamiy sakey a biin aripen. Inaponan ya na maoges ya ispiritu, a mangiiter ed sikatoy pakayarin mamparles. Dakel so kuartan nanaalmo na saray amo to lapud panagparles to.

Puyan 3:9

Dengel ka! Paonlaen ko rad sika tan padakmomoen kod arap mo ray kakaiba nen Satanas a matitila tan mangibabagan Judio ra anta andi, pian nakabatan da ya inaro ta ka.