Daniel 4:8 - Maung A Balita Biblia

⁸ Insan linmoob si Daniel. (Beltsasar met so tawag ed sikato; niboluy ed dios ko.) Walad sikato so ispiritu na saray masanton diriyos, kanyan imbagak ed sikato so akogip ko. Inkuankod sikato:

Maung a Balita Biblia

⁸ Insan linmoob si Daniel. (Beltsasar met so tawag ed sikato; niboluy ed dios ko.) Walad sikato so ispiritu na saray masanton diriyos, kanyan imbagak ed sikato so akogip ko. Inkuankod sikato:

Daniel 4:8 Iomraidhean Croise

Genesis 41:38

tan inkuantod sikara, “Anggapo lay naalmo tayon magmaung a too nen say si Jose, ta walad sikato so ispiritu na Dios.”

Isaias 46:1

“Sikato la yay anggaan na saray diriyos na Babilonia! Nen saman inggalang na saray totoo si Bel tan Nebo, balet natan akalogan irad beneg na asno, makabelbelat irad saray naksawan lan ayayep.

Isaias 63:11

Balet kabebekta anunotan da ray apalabas ya agew nen Moises ya aripen na Katawan, tan tinepet da, “Iner natan so kawalaan na Katawan ya angilaban na saray pangulo da ray totoo to ed kalener dad dayat? Kawalaan na Katawan ya angiter ed kinen Moises na ispiritu to?

Jeremias 50:2

“Ibagam ed saray bansa so balita! Ibawag mo! Iparontal moy tanda, tan ibandom so balita! Ag mo iyaamut! Naplag so Babilonia! Say dios ton Merodac et naplag ed kababaingan! Mabambanday so asumpalan da ray talintaoy diriyos na Babilonia; atemek-temek iray makapaingungot a talintao to.

Ezekiel 17:23

diad sankatageyan a palandey na Israel. Mansanga may tanaman tan mambunga, et magmaliw a nidoma-doman kiew a sidro. Manayam irad may amin a klasiy manok tan onsirum ira ed silong to.

Daniel 1:7

Samay manonan opisyal et initdan to ra na balon ngaran: si Daniel atawag na Beltsasar, si Ananias atawag na Sadrac, si Misael atawag na Mesac, tan si Azarias atawag na Abednego.

Daniel 2:11

Satay kekerewen mo, Kagalang ya Ari, et petepeteg a mairap tan anggapoy makagawa likud labat ed saray diriyos, balet ag ira mililimug ed saray katoowan.”

Daniel 2:26

Inkuan na ari ed kinen Daniel (ya atawag met na Beltsasar), “Nibagam ed siak so akogip ko tan no antoy kabaliksan to?”

Daniel 3:14

Inkuantod sikara, “Sadrac, Mesac, tan Abednego, tua ya ag yo labay so mangigalang ed dios ko tan ag yo labay so ondakmomon mangigalang ed samay talintaon impaalagey ko?

Daniel 4:18

“Sikato yay akogip ko,” kuanen Ari Nabucodonosor. “Natan Beltsasar, ibagam ed siak so kabaliksan to. Anggapod saray sumisimbawak so akapangibagad siak na kabaliksan to, balet nayarian mo, lapud walad sika so ispiritu da ray masanton diriyos.”

Daniel 4:9

Beltsasar a pangulo da ray managparles, amtak a walad sika so ispiritu da ray diriyos, tan natalusan mon amin iray mistirio. Sikato ya so kogip ko. Ibagam ed siak so kabaliksan to.

Daniel 5:14

Nadngelan ko a walad sikay ispiritu na saray masanton diriyos, marunong ka, tan naitdan kay pakatalus tan ayadyarin kakabatan.