Daniel 4:4 - Maung A Balita Biblia

⁴ “Siak, si Nabucodonosor, mambibilay ak nen saman a mainawa ed palasiok, panliliketan ko so ontan lan iyaaligwas ko.

Maung a Balita Biblia

⁴ Siak, si Nabucodonosor, mambibilay ak nen saman a mainawa ed palasiok, panliliketan ko so ontan lan iyaaligwas ko.

Daniel 4:4 Iomraidhean Croise

Isaias 56:12

Sarayan bueken kuanda, ‘Mangala tayoy alak tan maninom tayoy laba-labay tayo! Nabwas lalon maliket tayo, ta dakel niy alak a nainom tayo nen say natan.’”

Jeremias 48:11

Say Katawan inkuanto, “Arawi lawas ed kaatapan so Moab, tan ag balut nibantak ed arum a bansa. Say Moab et singa alak ya ag nagagalaw ed akapanginan tan ag balut nibabales-bales ed nandodoman pasig. Ag balut aderal so taway to tan ag naomay samit na taway to.

Ezekiel 28:17

Mapaatagey ka lapud inkaguapom, tan lapud inkabantug mo nagmaliw kan singa makulang-kulang. Lapud saya imbantak ta kad dalin tan tinaynan ta kad man a sakey a pasakbay ed saray arum ya arari.

Ezekiel 29:3

Ibagam a sikato yay ibabaga na Katawan a Dios ed ari na Egipto: Siak so kalaban mo, sika a dragon a buaya a walad ilog. Ibabagam a kayaryan moy Ilog na Nilo, tan sika so nanggawa.

Daniel 2:11

Satay kekerewen mo, Kagalang ya Ari, et petepeteg a mairap tan anggapoy makagawa likud labat ed saray diriyos, balet ag ira mililimug ed saray katoowan.”

Daniel 4:19

Lapud saya, si Daniel a tatawagen met na Beltsasar et apagaan, kanyan ag makasel. Inkuan na ari ed sikato, “Ag ka mapaga lapud samay kogip tan say labay ton ibaga.” Inmebat si Beltsasar, “Kagalang ya Ari, aliwan sika komun so kipaakaran na kabaliksan na kogip, no ag ta saray kalaban mo.

Daniel 5:8

Inmasingger ed arap na katoowan ira may sumisimbawa na ari, balet anggapod sikara so makabasad samay nisulat odino makapangibaga ed ari na kabaliksan to.

Sofonias 1:12

“Diad satan a panaon mangala ak na lamparaan, ta sokimaten koy Jerusalem. Dusaen ko ray totoon singa ag ompatepatey tan mataletalek a kuandad sikaran dili, ‘Ag manggawa na maung odino maoges so Katawan.’