Daniel 4:32 - Maung A Balita Biblia

³² Napaarawi kad kawalaan da ray totoo, manayam kan kaibam iray ayayep ed katakelan, tan pitoy taon kan mangay dika a singa baka. Insan birbiren mod satan ya amin a nanarian na too et walad silong na pakaoley na Sankatageyan a Dios tan nayarian to ran iter ed siopaman a labay ton pangitdan.”

Maung a Balita Biblia

³² Napaarawi kad kawalaan da ray totoo, manayam kan kaibam iray ayayep ed katakelan, tan pitoy taon kan mangay dika a singa baka. Insan birbiren mod satan ya amin a nanarian na too et walad silong na pakaoley na Sankatageyan a Dios tan nayarian to ran iter ed siopaman a labay ton pangitdan.

Daniel 4:32 Iomraidhean Croise

2 Saray Awaran 33:13

Dinengel na Dios so pikakasi nen Manases tan inebatan to diad panamegley na impangyabuloy ton makapawil ed Jerusalem tan manoley lamet. Diad saya anisiay Manases a say Katawan et Dios.

Say Libro nen Job 42:2

“Amtak, Katawan, a nagawaan moy amin a bengatla; anggapoy makabaat ed antokaman a labay mon gawaen.

Say Libro nen Job 9:12

Anggapoy makasebel ed sikato no alaen toy labay to; anggapoy nayarin manepet ed sikato, “Antoy gagawaen mo?”

Saray Salmo 115:3

Walad tawen so Dios mi, tan gagawaen toy antokaman a labay to.

Saray Salmo 135:6

Gagawaen toy labay ton gawaen diad tawen tan diad dalin, diad saray dayat tan diad saray kaaralman.

Exodo 8:10

Inmebat so ari, “Ipikasian mo ak nabwas.” Inkuanen Moises, “Gawaen ko so onung na kerew mo, et diad ontan naamtaan mo ya anggapoy arum a dios a makapiparad Katawan a Dios mi.

Exodo 9:14

No ag mo ni ra abuloyan, aliwa labat a saray opisyal mo tan saray totoom so dusaen ko, no ag ingen pati sika, pian naamtaan mo ya anggapoy kaparak diad intiron mundo.

Exodo 9:29

Inkuanen Moises ed sikato, “Kapaway kod siudad, iyatagey ko ray limak diad pampikasik ed Katawan. Ontonday karul, tan naandi la ray kristal, pian naamtaan mo a kayaryan na Katawan so mundo.

Isaias 37:20

Kanyan natan, Katawan a Dios mi, iyagel mo kami pad saray taga Asiria, pian naamtaan na amin da ray bansa ed intiron mundo a bukbukor mo so Katawan a Dios.”

Isaias 40:15

Anggapoy wala ed Katawan iray bansa, singa ra labat sankaterter a danum; singa labat kalemew na dabuk iray ararawin isla.

Isaias 40:17

Diad sikato tuan anggapoy kakanaan da ray bansa.

Isaias 45:3

Itdan ta ka na saray kayamanan a manlapud saray ambilonget tan maamut a pasen; naamtaan mod satan a siak so Katawan, say Dios na Israel ya anawag ed sika ed ngaran mo.

Jeremias 27:5

“Siak, diad panamegley na pakayarik tan biskeg ko, pinalsak so mundo, saray totoo, tan amin ya ayayep a manaayam ed tapew na dalin; iiter ko ya ed siopaman a labay kon pangitdan.

Daniel 2:21

Walad lima to so oras tan say panaon; sikatoy mangipapayorung tan mangeekal ed saray arari; sikatoy mangiiter na kakabatan ed saray makabat tan say pakatalus ed saray makatalus.

Daniel 4:31

Mansasalita ni si Ari Nabucodonosor nen walay bosis a nanlapud tawen a kuanto, “Ari Nabucodonosor, dengel moy ibagak ed sika! Nakal lad sika so pakayarim ya ari.

Daniel 5:21

Niarawid kawalaan na saray totoo, tan nagmaliw a panagnunot na ayep so panagnunot to. Nanaayam ed pasen a kaiba to ray asnod katakelan, singa bakan nanaakan na dika, tan nanoogip ed pasen ya anggapoy tarung, kanyan alitlinaewan. Onmay kipapasen to ya anggad sinmabiy panaon a binirbir ton walad silong na pakaoley na Sankatageyan a Dios iray amin a nanarian tan nayarian to ran iter ed siopaman a labay ton pangitdan.

Josue 4:24

Lapud saya naamtaan na balang sakey a too ed tapew na dalin so ontan lan kabaleg na pakayari na Katawan, tan igalang yod anggad angga so Katawan a Dios yo.”