Daniel 4:3 - Maung A Balita Biblia

³ “Agaylay kabaleg na pakelaw ya ipapanengneng na Dios ed sikatayo! Makapakelaw a tuloy iray milagron gagawaen to! Say Dios et ari ya anggad angga; ag mangangga so panoley to.

Maung a Balita Biblia

³ Agaylay kabaleg na pakelaw ya ipapanengneng na Dios ed sikatayo! Makapakelaw a tuloy iray milagron gagawaen to! Say Dios et ari ya anggad angga; ag mangangga so panoley to.

Daniel 4:3 Iomraidhean Croise

Say Libro nen Job 25:2

“Makapanyari so Dios; nepeg a takotan na amin; pansiasiansiaen ton mareen so mangatatawen a panarian to.

Saray Salmo 104:24

Katawan, amayamay iray pinapalsam a bengatla! Diad panamegley na ontan lan kakabatan mo, ginagawam ira! Say dalin napno na saray pinalsam.

Saray Salmo 105:27

Ginagawa ray makapanyarin gawgawa na Dios tan nanggagawa ray milagro ed Egipto.

Saray Salmo 145:13

Anggad angga so panarian mo, tan ari kan anggad angga. Say Katawan matoor ed saray sipan to, tan maung ya amin iray gagawaen to.

Saray Salmo 66:7

Manooley ya anggad angga diad panamegley na pakayari to, tan ag to aalisay mata iray bansa. Saray mananumpa et anggapo komuy onlaban ed sikato!

Saray Salmo 72:18

Idayew yoy Katawan, say Dios na Israel! Sikato labat so manggagawa na sarayan makapakelkelaw a bengatla.

Saray Salmo 77:19

Nanakar kad saray daluyon; binaliw moy aralem a dayat, balet ag nanengneng iray bakat na salim.

Saray Salmo 86:10

Sikay makapanyari tan manggagawa ka ray pakelaw; bukor mo so Dios.

Saray Salmo 92:5

Matalonggaring a tuloy iray gawgawam, Katawan! Agaylay kaaralem na saray nunot mo!

Isaias 25:1

Katawan, sika so Dios ko; Igalang ta ka tan idayew koy ngaran mo. Makapakelaw iray ginagawam a bengatla; matoor mon sinumpal iray plano ya abayag lan ninunot mo.

Isaias 28:29

Amin ira yan kakabatan et nanlapud Katawan a Makapanyarin-amin. Saray plano na Dios et napno ra na kakabatan, tan aligwas lawas so pansumpalan da.

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

Jeremias 10:10

Balet sika, Katawan, so tua a Dios, sika so mabilay a Dios, tan say andi-anggaan ya ari. No mampasnuk ka onggiwgiw so sankamundoan; ag natepelan na saray bansa so pasnuk mo. (

Daniel 2:2

Impaawit to sirin iray managpalar, saray salamangkiro, saray managparles, tan saray managanito, ta ipaliwawa rad sikato imay kogip to. Kasabi ra nanalagey irad arap na ari,

Daniel 2:44

Diad panaon da ra man a manoley say Dios na tawen mangiletneg na panarian ya ag balut mangangga. Ag balut nadakep yan panarian, no ag ingen sigput ton deralen ya amin ira man ya impirio, insan mansiansia ya anggad angga.

Daniel 4:17

Sikato yay sintinsia na saray sipaparaan lawas a mambantay ya anghil, pian naamtaan na amin a katoowan ed inerman a pasen a say Sankatageyan a Dios so manoley ed saray nanarian na too tan nayarian to ran iter ed siopaman a labay ton pangitdan—anggan diad sankamugmoan lan too.’

Daniel 7:14

Naitdan imay too na pakaoley, kagalangan, tan pakayari na ari, pian makapanlingkur ed sikato iray totoo ed amin a bansa ya anggan antoy kolor na baog da tan salita ra. Mansiansia so pakaoley to, tan ag mangangga so panarian to.

Daniel 7:27

Niiter ed saray totoo na Sankatageyan a Dios so pakayari tan inkatalonggaring na amin a nanarian ed tapew na dalin. Ag mangangga so nanarian da; manlingkur tan ononur ed sikara iray amin a manoley diad tapew na dalin.”

Saray Taga Roma 11:33

Agaylay karakel so kayamanay Dios! Ag natokur so kakabatan tan pakatalus to! Ag natalusan iray panagsintinsia tan kagagawa to!

Deuteronomio 4:34

Wala la kasi so dios a sinali toy linman angalad arum a bansa na saray totoo tan impagmaliw to ran dilin totoo to, a singa ginawad sikayod man ed Egipto na Katawan a Dios yo? Anengneng na dilin mata yo so impangipapakana tod baleg a pakayari to tan say biskeg to; impapadalan to ray salot tan bakal, nanggagawa na saray milagro, saray pakelaw, tan saray makapataktakot a bengatla.

1 Timoteo 1:17

Diad andi-anggaan ya Ari, ag ompatey, tan ag nanengneng, say saksakey a Dios so kawalaan komuy dayew tan galang ed ando lan ando! Amen.

Saray Hebreo 1:8

Balet nipaakar ed Anak, inkuay Dios: “Say panarian mo, O Dios, mansiansian anggad angga! Maptek so panoley mod saray totoom.

Saray Hebreo 2:4

Pinaneknekan met ya na Dios diad panamegley na saray tanda, saray pakelaw, saray nandoroman milagro, tan diad panamegley na saray langkap na Ispiritu Santo a sikaray iniiter to onung ed linawa to.

1 Pedro 4:11

Sarag moy mampulong? Ipulong moy salitay Dios. Sarag moy manlingkur? Ikanam ed panaglingkur so biskeg ya inter na Dios ed sika; diad ontan, napagalangay Dios ed amin a bengatla, diad panamegley nen Jesu-Cristo. Kayaryan na Dios so galang tan pakayari ed ando lan ando! Amen.

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”