Daniel 4:27 - Maung A Balita Biblia

²⁷ Kanyan, Kagalang ya Ari, tombuk mo pay simbawak. Tondaan mo lay mankasalanan, manggawa ka lay katonungan, tan kasian mo ray mairap-bilay. Diad satan mansiansia kan onaligwas.”

Maung a Balita Biblia

²⁷ Kanyan, Kagalang ya Ari, tombuk mo pay simbawak. Tondaan mo lay mankasalanan, manggawa ka lay katonungan, tan kasian mo ray mairap-bilay. Diad satan mansiansia kan onaligwas.

Daniel 4:27 Iomraidhean Croise

Genesis 11:4

Insan inkuanda, “Mangipaalagey tayoy sakey a siudad a walay tori ton toktokdulen toy tawen, pian ombantug itayo ta ag la pigan nikaykayat itayod intiron mundo.”

1 Saray Arari 21:29

“Naimanom no panoy impamaabeba nen Acab ed sikaton dili diad arap ko? Lapud onyan ginawa to, ag ko iter ed sikato so dusa legan ton mambilay; legan na pambilay na anak ton laki, iter koy dusa ed saray kabyangay pamilya nen Acab.”

Saray Salmo 119:46

Ibawag kod saray arari iray ganggan mo, et ag ak ombaing.

Probirbio 11:2

Ag mabayag napelag ed kababaingan iray totoon mapaatagey. Makabat so toon mapaabeba.

Probirbio 16:6

Magmaliw kan matoor tan maonur, et pirdonaen na Dios so kasalanan mo. Pagalangan moy Katawan, et anggapoy maoges a nagawad sika.

Probirbio 28:13

Ag ka onaligwas ed bilay no iyamut mo ray kasalanan mo, balet no ipatwam ira tan ibeneg mo la ra, kasian ka na Dios.

Isaias 10:13

Ta say impirador na Asiria kuanto, “Siak a diliy nanggawad saraya. Mabiskeg ak, makabat ak, tan masilib ak. Inekal ko ray ketegan na saray bansa tan inaalak iray abaston insesempen da. Singa ak bakan kalakyan a nanggagatin ed saray totoon manaayam diman.

Isaias 47:10

“Anggapoy kapagaan mo ed panggagawam na kaogsan; abaloan mon anggapoy makanenengneng ed sika. Pinalikdo ka na kakabatan tan pakatalus mo, tan inkuanmod sikan dili, ‘Siak so Dios— anggapo lay arum a singa siak.’

Isaias 47:8

“Dengel ka, sikan maarod like-liket, sika ya abaloan mon arawi kad kaatapan. Ipapasen moy sikan dili a matalonggaring a singa Dios— ya anggapoy miparad sika. Abaloan mo ya ag kan balut nabalo odino nasalim so nabalangan na anak.

Jeremias 29:7

Mankimey kayo a pankaabigan na saray siudad a nampaiprisoan kod sikayo. Ipikasi yo ed siak ira ta no maaligwas ira, maaligwas kayo met.

Jeremias 38:20

Inkuankod sikato, “Ag ka nipalimad sikara. Kerewen kod sika ya onur moy salitay Katawan onung na imbagak lad sika; diad ontan maung so pansumpalan mo. Nipaliis kad patey.

Ezekiel 18:7

Ag to sasaolen odino tatakewan so siopaman. Ipapawil to so impotika na akautang ed sikato; iitdan to na nakan iray narasan tan kawes iray anggapoy nipales.

Ezekiel 29:3

Ibagam a sikato yay ibabaga na Katawan a Dios ed ari na Egipto: Siak so kalaban mo, sika a dragon a buaya a walad ilog. Ibabagam a kayaryan moy Ilog na Nilo, tan sika so nanggawa.

Ezekiel 29:9

Magmaliw ya andi-kakanaan tan begtebegtew so Egipto. Naamtaan mod satan a siak so Katawan. “Lapud imbagam a kayaryan moy Nilo tan sikay nanggawad sayan ilog,

Joel 2:14

Angangko mangoman a kanunotan so Katawan a Dios yo tan bindisionan to kayo na daakan iran bungay tanaman. Diad satan nayarian yoy mangibagat ed sikato na trigo tan alak.

Amos 6:13

Ipapasirayew yoy impakadakep yod baley na Lodebar. Kuanyo, “Mabiskeg kami kanyan adakep mi so Karnaim.”

Jonas 3:9

Angangko mangoman na kanunotan so Dios; pakepaen to angangkoy pasnuk to, et ag itayo ompatey!”

Habacuc 1:11

Insan onlalabas iran singa dagem tan nanaandi la ra, sarayan totoo a dios da so pakayari ra.”

Sofonias 2:15

Ontan so nagawa ed siudad ya ipapangaya toy dilin pakayari to tan ipapasen toy sikaton dili ya arawid kaatapan. Ipapasen na saray totoo to a say siudad da so sankatalonggaringan ed intiron mundo. Magmaliw a begte-begtew a pasen, sakey a pasen a panayaman na saray ayayep ed katakelan! Balang toon ondalan ed saman a pasen et makasoner ed kataktakot to.

Mateo 3:8

Ipanengneng yod panagbilay yo a binenegan yo la ray kasalanan yo.

Lucas 11:41

Iter yod saray mairap-bilay so walad saray tasa tan plato yo, et nalinisan onung ed ganggan para sikayo ray amin a bengatla.

Saray Gawgawa 24:25

Balet nen ituloy nen Pablo so mampaliwaway nipaakar ed kamaungan, panagadyad dilin laman, tan say okum ya onsabi, ataktakot si Felix tan inkuanto, “Alis ka ni, ta patawag ta ka no walay panaon ko.”

Saray Gawgawa 26:20

Nampupulong ak ya onona diad Damasco, insan diad Jerusalem tan diad intiron dalin na Judea, ontan met a diad saray Hintil. Impupulong kon nepeg day mampataulid saray kasalanan da tan ompawil irad Dios, tan ipanengneng day pampatauli ra diad panamegley na saray gawa.

Saray Gawgawa 8:22

Magbabawi ka sirin tan ibeneg mo yan maoges a pilalek mo, tan mampikasi kad Katawan a pirdonaen to ka.

2 CORINTO 5:11

Amta miy kabaliksan na ontakot ed Katawan, kanyan tatanggoyuren mi ray totoon ontakot ed sikato. Kabat na Dios so petepeteg ya inkatoo mi, tan iilaloan kon kabkabat yo met ed puso yo.

TAGA GALACIA 5:13

Agagi, atawag kayon magmaliw a bolus. Balet ag yo ibabaraay inkabolus yo ed pangonur yod saray liket na laman. Mantutulongan kayo ingen lapud aro.

TAGA GALACIA 5:22

Balet say bungay Ispiritu et aro, liket, deen, anos, panangasi, kaabigan, katooran,

TAGA GALACIA 5:6

Ta diad saray mikakasakey ed Cristo Jesus, anggapo lay kakanaan na pampasegat o ag pampasegat. Say manona et say pananisian nanengneng a mankikimey lapud aro.

TAGA-EFESO 4:28

Say toon matakew nakaukolan ya ag la mantakew, no ag ta mankimey la na anggan anton aliwan mabanday a kimey, pian makatulong ed saray mairap-bilay.

Deuteronomio 24:13

ipawil yod sikato no nasabiy labi, pian walay idokul ton onogip. Diad satan misalsalamat, tan makaliket ed sikayo so Katawan a Dios yo.

Deuteronomio 32:27

Balet ag ko nayarin iyabuloy a mampasirayew iray kalaban da diad pangibaga ran tinalo da ray totook, anta siak a dili so amatalod sikara.’

Deuteronomio 8:17

Kanyan sirin, ag yon balut iisipen a minmayaman kayo lapud biskeg tan pakayari yon dili.

1 Pedro 4:8

Manonad amin, manaarowan kayon maung, ta sakuban na aro so dakerakel a kasalanan.