Daniel 4:26 - Maung A Balita Biblia

²⁶ Ingganggan na saray anghil ya itilak ed dalin so sengeg ton nambatangan. Say kabaliksan to ya et say pagmaliw mo lamet ya ari no birbiren mon say Dios ooleyan toy intiron mundo.

Maung a Balita Biblia

²⁶ Ingganggan na saray anghil ya itilak ed dalin so sengeg ton nambatangan. Say kabaliksan to ya et say pagmaliw mo lamet ya ari no birbiren mon say Dios ooleyan toy intiron mundo.

Daniel 4:26 Iomraidhean Croise

Daniel 2:18

Imbaga tod sikaran onkerew ira na panangasi na Dios na tawen tan ipikasi rad sikato ya ipaliwawa tod sikara so mistirio, pian ag ira napipatey ed saray arum a sumisimbawa a walad Babilonia.

Daniel 2:19

Diad saman lamlamang a labi nipaamtad kinen Daniel so mistirio diad panamegley na pasingayew. Lapud saman indayew to so Dios na tawen:

Daniel 2:37

Kagalang ya Ari, sika so sankatalonggaringan ed amin da ray arari. Say Dios na tawen impagmaliw to kan ari tan initdan to ka na pakayari, biskeg, tan kagalangan.

Daniel 4:15

Balet itilak yod dalin so sengeg to tan isinger yo na golunggolung a balatyang tan gansa. Paolyan yod man ed alog a kaiba to ray dikan malambot. “‘Natan paolyan yon nalinaewan yan laki tan nakaiba to ray ayayep tan saray tanaman.

Daniel 4:23

Legan kan mamabantay, walay sakey ya anghil ya inmakseb a nanlapud tawen tan kuanto, ‘Batang yoy kiew tan deral yo, balet itilak yod dalin so sengeg to tan isinger yo na golunggolung a balatyang, tan gansa. Paolyan yod man ed alog a kaiba to ray dikan malambut. Paolyan yon nalinaewan yan laki, tan nakaiba ton pitoy taon iray ayayep.’

Daniel 4:31

Mansasalita ni si Ari Nabucodonosor nen walay bosis a nanlapud tawen a kuanto, “Ari Nabucodonosor, dengel moy ibagak ed sika! Nakal lad sika so pakayarim ya ari.

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Daniel 5:20

Balet lapud nagmaliw a mapaatagey, anawet so puso, tan maruksa si amam, niepas ed trono to tan nakalan na kagalangan.

Daniel 5:21

Niarawid kawalaan na saray totoo, tan nagmaliw a panagnunot na ayep so panagnunot to. Nanaayam ed pasen a kaiba to ray asnod katakelan, singa bakan nanaakan na dika, tan nanoogip ed pasen ya anggapoy tarung, kanyan alitlinaewan. Onmay kipapasen to ya anggad sinmabiy panaon a binirbir ton walad silong na pakaoley na Sankatageyan a Dios iray amin a nanarian tan nayarian to ran iter ed siopaman a labay ton pangitdan.

Mateo 21:20

Mankelaw ira may disipulo nen anengneng da tan tinepet da, “Panoy inkamagaan ton tampol yan kiew?”

Mateo 5:34

Ibagak balet ed sikayo natan: ag kayo mansasamban balut! Ag yo pansasambaay tawen, ta trono na Dios;

Lucas 15:18

Say maung, ompawil ak ed amak tan akoen koy impankasalanan kod Dios tan diad sikara.

Lucas 15:21

‘Ama,’ kuanen anak, ‘nankasalanan ak ed Dios tan diad sikayo. Ag ak la manepeg a tawagen yon anak yo.’