Daniel 4:22 - Maung A Balita Biblia

²² “Kagalang ya Ari, sika man so kiew, atagtagey tan mabiskeg. Diad imbalbaleg mo atokdul moy tawen, tan say pakaoley mo et linmaknab ed intiron mundo.

Maung a Balita Biblia

²² Kagalang ya Ari, sika man so kiew, atagtagey tan mabiskeg. Diad imbalbaleg mo atokdul moy tawen, tan say pakaoley mo et linmaknab ed intiron mundo.

Daniel 4:22 Iomraidhean Croise

Genesis 11:4

Insan inkuanda, “Mangipaalagey tayoy sakey a siudad a walay tori ton toktokdulen toy tawen, pian ombantug itayo ta ag la pigan nikaykayat itayod intiron mundo.”

Genesis 28:12

Akogip to ya akanengneng na sakey a takayan a say balitang to et manlapud dalin ya anggad tawen, tan wala ray anghil ya onlalasur tan onsesegep ed samay takayan.

2 Samuel 12:7

“Sika man a too,” inkuanen Natan ed kinen David. “Onyay kuan na Katawan a Dios na Israel: ‘Ginawa ta kan ari na Israel tan inyagel ta kad kinen Saul.

2 Saray Awaran 28:9

Manaayam ed Samaria so sakey a lakin manngaran na Obed, sakey a propita na Katawan. Inabet to ra may ompapawil a sondalon Israelita ya onloloob la rad siudad tan kuanto, “Akapasnuk ed Juda so Katawan a Dios na saray lalaki yo kanyan impadakep to rad sikayo. Balet nadngelan to a lapud mapalalon petang na olo yo pinapatey yo ra

Saray Salmo 108:4

Say ag mangoman a panangarom sasabien to ray katawenan, tan say inkatoor mo gagawaten to ray lorem.

Saray Salmo 36:5

Katawan, say ag mangoman a panangarom et sasabien to ray katawenan; say katooran mo et sasabien to ray kaloreman.

Jeremias 27:5

“Siak, diad panamegley na pakayarik tan biskeg ko, pinalsak so mundo, saray totoo, tan amin ya ayayep a manaayam ed tapew na dalin; iiter ko ya ed siopaman a labay kon pangitdan.

Ezekiel 17:3

diad pangipaamtam ed sikara na ibabagak ed sikara, siak a Katawan a Dios: Walay sakey a balbaleg ya agila ya akabuskag so balibali tan balbaleg iran payak to. Tinmikyab ed Kapalandeyan na Libano tan inala ton pinoter so toktok na kiew a sidro.

Daniel 2:21

Walad lima to so oras tan say panaon; sikatoy mangipapayorung tan mangeekal ed saray arari; sikatoy mangiiter na kakabatan ed saray makabat tan say pakatalus ed saray makatalus.

Daniel 4:11

Binmiskeg tan inmatagey ya anggad asabi to so tawen tan nanengneng na amin a totoo ed intiron mundo.

Daniel 4:21

Mararakep iray bolung to, tan nayarin kanen na anggan amin a katoowan ed intiron mundo iray bunga to. Nampapainawad silong to iray ayayep ed katakelan, tan nanoobung ed saray sanga to iray manok.

Daniel 4:29

Kalabas labat na labinduay bulan, nen manliliber a manaakar ed toktok na palasio na Babilonia,

Daniel 4:36

“Nen pinmawil so kalakal ko, nipawil ed siak so dayew ko, say pakayarik, katageyan ko, tan say kagalangan na nanarian ko. Maliket ya angawat ed siak iray opisyal ko tan saray sumisimbawak, tan nipawil ed siak so pakayarik ya ari a kataruk to so kagalangan a baleg ni nen say samay inmona.

Mateo 14:4

Amimpiga-pigan imbaga nen Juan ed kinen Herodes, “Maoges ya iyamung moy Herodias, ta asaway agim!”

Puyan 18:5

Ta saray kasalanan to totokdulen da lay tawen, tan ag nalingwanay Dios so kaogsan to.