Daniel 4:17 - Maung A Balita Biblia

¹⁷ Sikato yay sintinsia na saray sipaparaan lawas a mambantay ya anghil, pian naamtaan na amin a katoowan ed inerman a pasen a say Sankatageyan a Dios so manoley ed saray nanarian na too tan nayarian to ran iter ed siopaman a labay ton pangitdan—anggan diad sankamugmoan lan too.’

Maung a Balita Biblia

¹⁷ Sikato yay sintinsia na saray sipaparaan lawas a mambantay ya anghil, pian naamtaan na amin a katoowan ed inerman a pasen a say Sankatageyan a Dios so manoley ed saray nanarian na too tan nayarian to ran iter ed siopaman a labay ton pangitdananggan diad sankamugmoan lan too.

Daniel 4:17 Iomraidhean Croise

1 Saray Arari 21:25

Anggapoy manoley a singa si Acab a sigput so impanggawa toy kaogsan ed arap na Katawan—si asawa ton Jezebel so nantatanggoyur ed sikato.

2 Saray Awaran 28:22

Nen mapalalo lay segsegang nen Acaz, inaruman to niy ginawa ton kasalanan ed Katawan.

Saray Salmo 103:19

Inletneg na Katawan so trono to ed tawen; sikatoy ari ed sankamundoan.

Saray Salmo 9:16

Impaamtay Katawan so sikaton dili diad panamegley da ray matonung a pananintinsia to, tan apatitan iray maoges a totoo ed dilin gawgawa ra.

Exodo 9:16

Balet inabuloyan ta ka nin mambilay, ta labay kon ipanengneng ed sika so pakapanyarik, et diad ontan nikayat ed intiron mundo so dayew ko.

Isaias 6:3

Mantatawagan ira: “Masanto, masanto, masanto! Masanto so Katawan a Makapanyarin-amin! Say sankamundoan napno na kagalangan to.”

Isaias 6:8

Insan nadngel kon say Katawan kuanto, “Siopay ibakik? Siopay managbalita tayo?” Inmebat ak, “Siak! Ibaki mo ak!”

Ezekiel 25:17

Mapalaloy panusak ed sikara tan iyoput koy anggaay nayarian kon ombales ed sikara. Nalikna ra so pasnuk ko. Diad satan naamtaan da a siak so Katawan.”

Ezekiel 7:24

Iyakar ko dia iray sankaogsan a bansa tan paalak ed sikara so kaabungan yo. Saray sankabiskegan a lalaki naekalan iray biskeg na linawa no palooben ko ray bansa a mandotak ed saray pasen a panangigalangan yo.

Daniel 11:21

Samay anghil intuloy ton impaliwawa: “Say onsalat ya ari na Siria et sakey a maoges a too ya anggapoy kanepegan ton manari, balet ag ilaloan so isabi to tan samsamen toy pakaoley diad panamegley na panamalikdo.

Daniel 2:21

Walad lima to so oras tan say panaon; sikatoy mangipapayorung tan mangeekal ed saray arari; sikatoy mangiiter na kakabatan ed saray makabat tan say pakatalus ed saray makatalus.

Daniel 4:2

Dengel yoy isalaysay ko ran pakelaw tan milagro ya impanengneng ed siak na Sankatageyan a Dios.

Daniel 4:25

Napaarawi kad kawalaan da ray totoo tan manayam kad kawalaan da ray ayayep ed katakelan. Pitoy taon a mangan kay dika a singa baka, tan manogip ka ed pasen ya anggapoy tarung, a diman ka nalinaewan. Insan birbiren mo a walad silong na pakaoley na Sankatageyan a Dios iray nanarian na too tan nayarian to ran iter ed siopaman a labay ton pangitdan.

Daniel 7:25

Mansalita na sumpad Sankatageyan a Dios tan pairapen to ray totoo na Dios. Salien ton omanen iray ganggan na rilihion da tan saray pista ra, tan oleyan ton taloy taon tan kapaldua iray totoo na Dios.

Saray Taga Roma 13:1

Nepeg a toluken na balang sakey iray manoley ed gobirno; ta anggapoy pakaoley ya ag nanlapud Dios, tan saray manoley natan et pinayorung iray Dios.

1 CORINTO 1:28

Pinili na Dios so pabpaabebaen, balbalawen, tan ibanbantak na sankamundoan, pian naderal to ray pinabpabli na sankamundoan.

1 Timoteo 5:21

Diad arap na Dios tan si Cristo Jesus tan saray masanton anghil to, mapilit kon igaganggan ed sika ya onur mo ra yan bilin. Anggapo komuy lalabien o ibibiig mo.

Puyan 4:8

Sanaanem na payak ira may apatiran mabilay a pinalsa, tan diad paway tan dalem na payak, napno ray mata. Anggapoy tonda so pangakanta ra ed agew tan labi: “Masanto, masanto, masanto so Katawan a Dios a Makapanyarin-amin, say Dios nen saman, natan, tan say onsabi.”

1 Samuel 2:8

Agwaten tod dabuk iray mairap-bilay, tan aonen tod kairapan iray pangaskasiyan. Gawaen to ran kakaiba na saray prinsipi, tan iyakar to rad saray pasen na kagalangan. Kayaryan na Katawan iray punda-sion na mundo; diad saraya so angiletnegan toy mundo.