Daniel 3:7 - Maung A Balita Biblia

⁷ Katanul sirin na saray kagawaan na musika, saray totoo ed amin a bansa, anggan antoy kolor na baog da tan salita ra, et dinmakmomo ran angigalang ed samay balituk a talintaon impaalagey nen Ari Nabucodonosor.

Maung a Balita Biblia

⁷ Katanul sirin na saray kagawaan na musika, saray totoo ed amin a bansa, anggan antoy kolor na baog da tan salita ra, et dinmakmomo ran angigalang ed samay balituk a talintaon impaalagey nen Ari Nabucodonosor.

Daniel 3:7 Iomraidhean Croise

Jeremias 51:7

Nen saman, say Babilonia et singa balituk a kupa a walad limak, tan buebueken koy intiron mundo. Ininom na saray bansa so alak to, kanyan nakalan iray kalakal.

Daniel 2:46

Insan dinmakmomo ya anggad dalin si Ari Nabucodonosor tan ingganggan ton nisaklang ed kinen Daniel iray bagat tan insinso.

Daniel 3:10

Kagalang ya Ari, angipaakseb ka na ganggan a katogtog na musika, nepeg na balang sakey a too so ondakmomon mangigalang ed samay balituk a talintao,

Daniel 3:4

inkulyaot na sakey a managbando, “Sikayo ran totoo ed amin a bansa, anggan antoy kolor na baog yo tan salita yo, dengel yo yan ganggan!

Daniel 3:5

Kadngel yod tanul na saray trumpita, a patombukay togtog na saray kornita, arpa, lira, plauta, tan saray arum nin kagawaan na musika, dakmomo kayon mangigalang ed balituk a talintaon impaalagey nen Ari Nabucodonosor.

Daniel 3:6

Siopamay toon ag ondakmomon mangigalang et ibontuk a tampol ed manliub ya apoy na palbaan.”

Daniel 3:8

Lapud saya wala ray pigaran taga Babilonia ya anganamut na pankanawnawa ran mangidalem ed saray Judio.

Saray Gawgawa 14:16

Nen saman, pinaolyan na Dios a manggaway labalabay da iray amin a totoo.

1 Juan 5:19

Amta tayo a say Dios so akankayaryan ed sikatayo, tan walad silong na pakaoley na samay Maoges so sankamundoan.

Puyan 12:9

Nibantak imay balbaleg a dragon! Sikato man imay daan ya oleg a manngaray Diablo, o Satanas, ya amalikdo ed sankamundoan. Nibantak ed dalin, a pati saray anghil to.

Puyan 13:14

Pinalikdo toy katoowan ed tapew na dalin diad panamegley na saray milagron ginagawa tod arap na samay onaan ya ayep. Imbaga tod sikaran manggaway talintao na samay ayep ya asugatay ispada balet ag to impatey.

Puyan 13:3

Asugat so sakey ya olo to may ayep kanyan ngalngali la ompatey, balet inmabig met lamlamang. Kinmelaw so sankamundoan tan tinmombuk ed sikato ray totoo.

Puyan 13:8

Mangigalang ed sikatoy amin a mambibilay ed tapew na dalin, a salanti saray totoon ag nisulat so ngaran da, kasakbayay inkapalsa na mundo, ed libro na bilay a kayaryay Kordiro a pinatey.

Puyan 17:8

Samay ayep ya anengneng mo et mabilay nen saman, balet inatey la natan. Asingger lan ompaway a manlapud ag natokur ya abut, tan onlad kaderalan to. Saray totoon mambibilay ed tapew na dalin a say kangaranan da et ag nisulat ed libro na bilay, nanlapu lad inkapalsay mundo, et onkelaw ira no nanengneng da may ayep a mabilay nen saman, inatey la natan, balet ompanengneng lamet.

Puyan 19:20

Narel imay ayep, pati samay tila-tilan propita a nanggagaway milagro ed arap to imay ayep. (Sarayan milagro so impamalikdo tod saray walay marka na ayep, tan saray angigagalang ed talintaoy ayep.) Samay ayep tan samay tila-tilan propita nibantak iran mabilay ed dayat a manliub ya asupri.